جموں و کشمیر میں 12 گھنٹے کے اندر 3 دہشت گردانہ حملے، اب تک 6 دہشت گرد ہلاک،ایک فوجی شہید
سرینگر،28ستمبر(ایس او نیوز/آئی این ایس انڈیا) جموں و کشمیر کے مختلف علاقوں میں دہشت گردوں اور سیکورٹی فورسز کے درمیان ہوئے تصادم میں 6 دہشت گردوں کو مار گرایا گیا ہے۔ریاست کے گاندربل اور رام بن ضلع میں ہوئے دہشت گردانہ مقابلوں میں جوانوں نے 3-3 دہشت گردوں کو ڈھیر کیا ہے۔رام بن میں ایک خاندان کو یرغمال بنانے کی کوشش کرنے والے پانچ دہشت گردوں میں سے اب تک تین کو مار گرایا گیا ہے۔اس کے علاوہ دو دیگر کے اب بھی یہاں پر چھپے ہونے کی خبر ہے۔فوج کے مطابق رام بن میں دہشت گردوں نے ایک خاندان کو یرغمال بنانے کی کوشش کی تھی، جس کے بعد جوانوں نے اس خاندان کو کسی قسم گھر سے نکال لیا،خاندان کو ریسکیو کرنے کے بعد یہاں تصادم شروع ہوا، جس میں 3 دہشت گرد مار گرائے گئے۔رام بن کے علاوہ کے علاوہ دارالحکومت سری نگر میں دہشت گردوں نے سیکورٹی فورسز پر گرینیڈ حملہ کیا لیکن کوئی نقصان نہیں ہوا ہے۔دہشت گردانہ حملوں کے درمیان وسطی کشمیر کے گاندربل میں ہفتہ صبح ایک بڑا تصادم ہوا۔اس آپریشن میں ایک دہشت گرد مارا گیا ہے۔ذرائع کے مطابق، رام بن ضلع کے بٹوت علاقے میں دہشت گردوں نے ایک بی جے پی کارکن کے خاندان کو اس کے گھر میں یرغمال بنایا۔اس کے بعد فوج کی 22 قومی رائفلس، 84 ویں بٹیلین سی آر پی ایف اور جموں و کشمیر پولیس کی ایس اوجی ٹیم نے گھر کا محاصرہ کرکے کسی طرح یرغمال بنائے گئے لوگوں کو مکان سے ریسکیو کیا۔بتایا جا رہا ہے کہ سادہ کپڑوں میں تین دہشت گرد ہفتہ صبح ایک گھر میں گھسے تھے۔اس دوران انہوں نے ایک خاندان کو یرغمال بنانے کی کوشش کی۔اس واقعہ کے بعد کسی طرح فوج نے خاندان کے 6 افراد کو گھر سے باہر نکال لیا۔اس کے بعد اس علاقے کے دیگر گھروں کو بھی خالی کراکر دہشت گردوں کے خلاف بڑا آپریشن شروع کیا۔اس آپریشن میں ہی 2 دہشت گرد مار گرے گئے۔