سرسی : سپاری کے باغ میں بندروں کو بھگانے کے لئے چلائی گئی گولی مزدور کو جالگی؛ مزدور شدید زخمی
سرسی:7؍ جنوری (ایس اؤ نیوز) سپاری کے باغ میں کام کررہے مزدور پر باغ کا مالک گولی چلانے کا واقعہ تعلقہ کے بکّل میں پیش آیا ہے۔
سپاری باغ کامالک دیورو پرمیشور بھٹ(67)نے اسی کے باغ میں کام میں مصروف اوڈال کے کیشوؤ راما مراٹھی (27) نامی مزدور پر گولی چلادی جس کی وجہ سے وہ زخمی ہوگیا اور اسے شدید زخمی حالت میں مینگلور منتقل کرنا پڑا۔
پولس ذرائع نے بتایا کہ دراصل دیورو پرمیشور بھٹ نے بندروں کودوڑانے کےلئے گولی چلائی تھی جو مزدور کوجا لگی۔ زخمی مزدور کو علاج کے لئے منگلورو پرائیویٹ اسپتال میں داخل کیا گیا ہے۔ واقعے کے بعد دیورو پرمیشور فرار ہوگیا ہے مگر پولس نے اس کو بہت جلد تحویل میں لینےکی بات کہی ہے۔