سرسی:14؍جنوری (ایس اؤ نیوز) حادثات کی شرح میں کمی لانے اور ٹرافک قانون کے متعلق عوام میں بیداری پیدا کرنے کےلئے سرسی کی معاون زون پولس نے ہیلمٹ کے بغیر بائک سواری کرنے والوں کے خلاف کڑے اقدامات اٹھاتے ہوئے بھاری جرمانہ عائد کررہی ہے۔ صرف ایک ہی دن میں سرسی زون پولس نے 1،86،200روپئے جرمانہ وصول کیا ہے۔

سرسی معاون زون کے چار تعلقہ جات کے تھانوں سے ایک ہی دن میں 366معاملات درج کرتےہوئے ایک لاکھ چھیاسی ہزار دو سوروپئے کا جرمانہ وصول کیاہے۔ جرمانہ عائد وصول کرنےمیں منڈگوڈ تھانہ 73مقدمات درج کرتےہوئے 36،500روپئے جرمانہ وصول کرتےہوئے پہلے مقام پر ہے۔ سداپور پولس تھانہ 57کیس داخل کرتےہوئے 29ہزار روپئے جرمانہ عائد کرتے ہوئے دوسرا مقام تو 48کیس اور 26ہزار 500روپئے جرمانہ کے ساتھ  سرسی مضافاتی پولس تھانہ تیسرے نمبر پرہے۔ اس کے بعدبالترتیب  سرسی مارکیٹ تھانہ 44مقدمات اور25،500جرمانہ، سرسی شہری تھانہ 40کیس اور 21ہزارروپئے جرمانہ ، بنواسی تھانہ 24معاملات اور 12ہزار روپئے جرمانہ ، یلاپور تھانہ 15کیس 3500روپئے جرمانہ ، سرسی ڈی ایس پی 41مقدمات 20،500روپئے، سی پی آئی 11کیس 5500 روپئے،سرسی ایچ آر پی 6معاملات 3ہزاروپئے اور یلاپور ایچ آرپی 7معاملات 3ہزار 200روپئے جرمانہ وصول کئے ہیں۔

ڈی ایس پی روی ڈی نائک نے سخت اقدامات اٹھانے اور کڑی کارروائی کرنے کے متعلق حکم دیاہے۔ خاص کر ہیلمٹ اور سیٹ بیلٹ کے بغیر سواری کرنے والوں کے خلاف سخت کارروائی کرنے کا انتباہ دیا ہے۔