سرسی میں لیباریٹریوں میں پہنچ کر کاغذات کی جانچ کرنے والےمبینہ جعلی پولس کے خلاف شکایت درج
سرسی:17؍ستمبر(ایس اؤ نیوز)پولس یونیفارم میں اپنے آپ کومہیش کہنے والے ایک شخص کو سرسی پولس تلاش کررہی ہے جس کے تعلق سے بتایا گیاہے کہ وہ سرسی کے مختلف لیباریٹریس میں پہنچ کر اپنے آپ کو کاروار ایس پی آفس کا سی اوڈی آفسر بتاتا ہے اور لیباریٹریز کے دستاویزات طلب کرتے ہوئے وہاں کے لوگوں کو تنگ و ہراساں کرتا ہے۔
ذرائع سے ملی اطلاع کے مطابق کستوربا نگر کے مہیش ہری کنترا نامی ایک شخص نے پولس تھانہ میں شکایت درج کراتے ہوئے کہا ہے کہ اُس کے لیباریٹری میں لگے ایک سی سی ٹی وی کیمرے میں اُس شخص کی تصویر قید ہوگئی ہے جب وہ اپنے ایک ساتھی کے ساتھ بائک پر بیٹھ کر جارہا تھا۔ مہیش نامی شخص کے تعلق سے شک و شبہ ظاہر کرتےہوئے مہیش نے سرسی پولس تھانہ کو خبر دی تھی اور کہا تھا کہ اس شخص نے لوگوں کو ذہنی طور پر کافی ہراساں کیا ہے۔
پولس نے متعلقہ شخص کے خلاف شکایت درج کرتے ہوئے اُس کی تلاش شروع کردی ہے۔