سرسی : بیف لے جانے والے دو افراد کو پولیس نے کیا گرفتار
سرسی،17؍اکتوبر (ایس او نیوز) غیر قانونی طور پر اپنے ساتھ بیف لے جانے کی مصدقہ اطلاع پر کارروائی کرتے ہوئے مارکیٹ پولیس اسٹیشن کے افسران اور عملے نے دو افراد کوبیف سمیت گرفتار کرلیا ہے۔
پولیس کے بیان کے مطابق گرفتار شدہ ملزمین کے نام آکیالور کے رہنے والے محمد سلیم محبوب صاب بیپاری اور باشاہ صاب عبدالقادر بہادر ہیں۔ ان کے پاس سے غیر قانونی طور پر فروخت کے لئے لایا گیا 16کلو بیف ضبط کیا گیا جس کی مالیت کا اندازہ 4,950 روپے لگایا گیا ہے۔ اس کے علاوہ نقد 3,300روپے ، دو موبائل فون اور تقریباً 30 ہزار روپے مالیت کی ایک موٹر بائک بھی ضبط کرلی گئی ہے۔
اس چھاپہ ماری اور ضبطی کی کارروائی میں سرسی ڈی وائی ایس پی گوپال کرشنا نائک، سرکل انسپکٹر بی یو پردیپ کی رہنمائی میں پی ایس آئی ناگپّا اور دیگر عملے نے حصہ لیا۔