سرسی میں گانجہ فروخت کرنے کے الزام میں ایک گرفتار
سرسی:26؍فروری(ایس اؤ نیوز) سرسی کے دیہی علاقہ داسن کوپا میں گانجہ بیچنے کے دوران ایک شخص کو گرفتار کرلیا گیا جس کی شناخت 48سالہ محمد رفیق منا باباجان مٹائی گار کی حیثیت سے کی گئی ہے۔ پولس کے مطابق اسی معاملے میں صدیق آٹو صدیق ہانگل نامی ملزم فرار ہو گیا ہے۔ پولس ذرائع کے مطابق ملزم داسن کوپا کے پرانے بس اسٹانڈ کے قریب گانجہ بیچنے کی کوشش کررہے تھے اسی وقت پولس نے مصدقہ اطلاع پر چھاپہ مارا۔ پولس کا کہنا ہے کہ ملزم سے قریب 40ہزار روپئے سے بھی زائد مالیت کا 725 گرام گانجہ ضبط کیا گیا ہے۔ بنواسی پی ایس آئی مہانتیش اُدئیے نایک اور عملہ کارروائی میں شریک تھا۔ بنواسی پولس تھانے میں کیس درج کرلیا گیا ہے۔