سرسی:16؍ جنوری(ایس اؤ نیوز ) فوریسٹ اتی کرم داروں کے ساتھ انصاف کے لئے حکومت مکمل طور پر پابند ہے ، نسلوں سے فوریسٹ زمین پر رہائش پذیر عوام کو تین نسلوں کے بجائے ایک ہی نسل کو شمار کرنے کا مطالبہ لے کر سپریم کورٹ میں افی ڈیوٹ داخل کی گئی ہے۔ میں نے افسران کو سختی کے ساتھ تاکید کی ہے کہ سپریم کورٹ سے فیصلہ آنے تک فوریسٹ اتی کرم داروں کو ہراساں نہ کیا جائے۔ یہ بات سرسی آمد کے موقع پر کرناٹک کے وزیر اعلیٰ بسوراج بومائی نے کہی۔ انہوں نے کہا کہ حکومت کسی بھی اتی کرم داروں کاانخلاء نہیں ہونے دے گی۔ ہم نے افسران کو ہدایت دی ہے کہ کسی کو بھی پریشان نہ کیا جائے۔
سرسی سرکٹ ہاؤس میں اخبارنویسوں سے گفتگوکرتےہوئےوزیراعلیٰ بومائی نےکہاکہ فوریسٹ زمین پر رہنےو الوں کے حقوق کی حفاظت کو لےکر سپریم کورٹ میں سنوائی جاری ہے ، سنوائی آخری مراحل میں ہے۔ ریاست کی جانب سے بھی افی ڈیوٹ داخل کی گئی ہے۔ فوریسٹ مکینوں کی حفاظت کےلئے قانونی بحث کرتےہوئے پھر ایک افی ڈیوٹ داخل کی جائے گی مگر فوریسٹ مکینوں کے انخلاء کو حکومت منظوری نہیں دے گی۔
اس موقع پر فوریسٹ مکینوں پر ہونے والے ظلم ، ہراسانی اور پریشانیوں کو لےکر ارینیا بھومی حقو ہوراٹ گارر ویدیکے کے صدر رویندر نائک کی قیادت میں اتی کرم داروں کے ایک وفد نے وزیراعلیٰ سے ملاقات کی اور دس مطالبات پر مشتمل میمورنڈم پیش کیا۔ جسے وصول کرنے کے بعد وزیرا علیٰ بومائی نےکہاکہ حکومت اتی کرم داروں کی حفاظت کےلئے پابند ہے۔