سرسی : جائداد کے لئے شوہر کا قتل کروانے کے الزام سے بیوی اور دو ملزمین کو عدالت نے کیا بری
سرسی،6؍مارچ (ایس او نیوز) جائداد کے لئے دوسرے دو افراد کی مدد سے اپنے شوہر کو قتل کرنے کے الزام میں گرفتار بیوی اور دیگر دو ملزمین کو ضلع سیشن عدالت نے الزام سے بری کردیا ہے۔
اگست 2017 میں ناگ راج مڈیوال نامی شخص کی لاش سڑک کنارے نالے میں پڑی ہوئی ملی تھی۔ تحقیقات کے دوران یہ بات سامنے آئی تھی کہ ناگ راج کی بیوی اوشا مڈیوال نے اپنے شوہر کے ظلم و ستم اور ہراسانی سے تنگ آکر روی سرسیکر نامی شخص سے بات چیت کی اور وعدہ کیا کہ اگر روی اس کے شوہرناگ راج کو قتل کردے گا تو وہ اس کی جائدا روی کو کم قیمت پر فروخت کرے گی۔ تب روی نے اپنے دوست درشن شیٹی کے ساتھ مل کر قتل کی کارروائی انجام دی اور لاش دور سڑک کے کنارے میں نالی میں پھینک دی تھی۔ پولیس نے ان تینوں ملزمین کے خلاف چارج شیٹ داخل کی تھی۔
جب یہ کیس عدالت میں زیر سماعت تھا تو اس دوران ملزم روی کی موت واقع ہوگئی تھی۔ ایڈیشنل سیشنس کورٹ میں معاملے کی تفصیلی سماعت کے بعد جج شانت روی شیوپا نے تینوں ملزمین کو قتل اور سازش کے تمام الزامات سے بری کردیا۔