سرسی پولس پر نوجوان کو بری طرح پیٹنے کا الزام۔ زخمی نوجوان منگلورو اسپتال میں داخل۔ پولس نے الزام کو کیا مسترد

Source: S.O. News Service | By I.G. Bhatkali | Published on 16th October 2019, 1:32 PM | ساحلی خبریں | ان خبروں کو پڑھنا مت بھولئے |

مینگلور 16/اکتوبر(ایس او نیوز) سرسی پولیس اسٹیشن میں ایک نوجوان کومبینہ طور پر سرکل پولیس انسپکٹر کے ذریعے زد و کوب کرنے کا واقعہ پیر کے دن پیش آیا ہے۔ جس کے بعد متاثرہ نوجوان کو منگلورو کے اسپتال میں علاج کے لئے داخل کیا گیا ہے۔

 سرسی کے کستوربا نگرکے رہنے والا نوجوان مصنف رانے بینور(26) کا کہنا ہے کہ وہ اپنے ایک دوست کی گاڑی کے دستاویزات پہنچانے کے لئے 14اکتوبر کی صبح 11.30بجے سرسی پولیس اسٹیشن گیا ہواتھا۔ وہاں پرسادہ لباس میں موجود سرکل پولیس انسپکٹر گریش بھٹ کو گاڑی کے کاغذات سونپے تو سی پی آئی نے اس کا موبائل فون مانگ لیا اور اوپر اپنے چیمبر میں چلے گئے۔تقریباً دس منٹ کے بعد بھی جب موبائل واپس نہیں لوٹایاگیا تو اس نے اوپر سی پی آئی کے پاس جاکر اپنا موبائل طلب کیا۔اس پر سی پی آئی نے اس کے ساتھ گالی گلوچ کی اور اس پر حملہ کردیا۔

 مصنف کا الزام ہے کہ سی پی آئی نے اس سے ایس ڈی پی اور پی ایف آئی سے اس کے تعلقات کے بارے میں پوچھ کربہت ہی نازیبا الفاظ میں ڈانٹ ڈپٹ کی۔ گھونسوں اور لاتوں سے اس کی پیٹائی کی جس کی وجہ سے  وہ   زمین پر گرگیا۔ پھر اوپری منزل کے ایک کونے میں کھڑا کرکے اُس کے  چہرے اور ناک پر گھونسے برسائے۔ مصنف کا کہنا ہے کہ میرے پوشیدہ اور نازک اعضاء پر دو تین مرتبہ لات ماری اور مجھے جان سے مارنے کی دھمکی بھی دی۔

 مصنف نے بتایا کہ وہاٹس ایپ میں ایس ڈی پی آئی اور پی ایف آئی وغیرہ کے مسیجس آنا ایک عام بات ہے۔ اس موبائل میں جو مسیجس تھے اس میں کوئی غیر قانونی بات نہیں تھی، لیکن اس کے باوجودسرکل انسپکٹر اور پی ایس آئی مادیش نے مل کر اس کی جم کر پیٹائی کی ہے۔

 مصنف کا الزام ہے کہ بری طرح زدوکوب کرنے کے بعد اس کی طبیعت خراب ہوگئی لیکن اسے اسپتال لے جانے کے بجائے اسے سرسی کے نیو مارکیٹ پولیس اسٹیشن میں لے جایاگیا جہاں اس کے خلاف کیس درج کیا گیا۔ اس کے علاوہ ایک مہینے قبل کوٹے کیری میں ہوئے ایک واقعے کے سلسلے میں بھی اس کا نام ملزمین میں شامل کیا گیا۔حالانکہ اس کیس سے اس کا کوئی لینا دینا نہیں ہے۔

 جب مصنف کو تحصیلدار کی عدالت میں پیش کیا گیا۔ وہاں پر اس نے اپنے ساتھ ہوئی پیٹائی کے بارے میں بتایاتو تحصیلدار نے اسے علاج فراہم کرنے کا حکم دیا۔اب مزید علاج کے لئے مصنف کو منگلورو کے اسپتال میں منتقل کیا گیا ہے۔

 دوسری طرف سرسی سرکل پولیس انسپکٹر گریش بھٹ نے بتایا کہ پیر کے دن آئی پی سی کی دفعہ 110کے تحت چوری کا کیس سرسی نیو مارکیٹ پولیس اسٹیشن میں داخل کیا گیا ہے۔پولیس افسران کی طرف سے پیٹائی کیے جانے کے الزام میں کوئی سچائی نہیں ہے، یہ بالکل جھوٹ ہے۔ ہم نے صرف تحقیقات کی تھی۔
 

ایک نظر اس پر بھی

بھٹکل:طوفانی بارش کے درمیان بیچ سمندر میں بوٹ کا انجن بند؛ بری طرح پھنسے ماہی گیروں کو بچالیا گیا

بھٹکل میں آج صبح سے رات دیر گئے تک طوفانی ہواوں کے ساتھ بارش کا سلسلہ جاری ہے، ایسے میں آج اتوار صبح ماہی گیروں کی ایک بوٹ جو بحر عرب میں  بری طرح پھنس گئی تھی اور اُس پر سوار چار ماہی گیروں کے جان کے لالے پڑ گئے تھے، شام تک چاروں کو بچالئے جانے کی اطلاع ملی ہے۔

بھٹکل میں دو مختلف سڑک حادثات؛ بائک اور کار کی ٹکر میں دو زخمی، آٹو رکشہ اور لاری کی ٹکر میں ایک زخمی

بھٹکل میں آج اتوار کو ہوئےدو مختلف سڑک حادثات میں تین لوگ زخمی ہوگئے جن میں  ایک سرکاری اسپتال سے ابتدائی طبی امداد کے بعد اُڈپی شفٹ کیا گیا ہے جبگہ   دیگر دو کو   قریبی اسپتال سے  مرہم پٹی کرائی گئی ہے۔

بھٹکل : رویل اسپورٹس ہال میں میونسپالٹی حکام کی عوامی میٹنگ؛ اسسٹنٹ کمشنر کے سامنے پیش کئے گئے علاقہ کے مسائل

عوام کے مسائل کو جاننے اور اُن کو حل کرنے کی ہرممکن کوشش کرنے  بھٹکل کے مختلف علاقوں میں  پہنچ کر میونسپل حکام ہرروز عوامی میٹنگ کا انعقادکررہے ہیں  اسی طرح کی ایک میٹنگ سنیچر کو  علوہ اسٹریٹ میں  واقع رویل اسپورٹس سینٹر کے ہال میں  منعقد کی گئی جس میں اسسٹنٹ کمشنر بھرت نے بھی ...

کاروار: سابق وزیر آنند اسنوٹیکر کے سامان میں پستول۔ بنگلورو ایئر پورٹ پر تفتیش کے بعد جانے کی دی گئی اجازت

بنگلورو سے بذریعہ ہوائی جہاز گوا ہوتے ہوئے کاروار کے لئے نکلے سابق وزیر اور جنتا دل لیڈر آنند اسنوٹیکر کو سنٹرل انڈسٹریل سیکیوریٹی فورس  نے سنیچر کو  بنگلورو ایئر پورٹ پراپنی تحویل میں لیا گیا تھا  کیونکہ ان کے سامان میں پستول  موجود تھا جسے ساتھ لے جانے کی اجازت انہوں نے ...

بہار: اسمبلی انتخاب میں نوجوان ووٹر ہی کریں گے امیدواروں کی قسمت کا فیصلہ

اس بار اسمبلی انتخابات میں نوجوان ووٹروں  کی ایک بڑی تعداد اپنی  حق رائے دہی کا استعمال کرنے جارہی ہے۔ الیکشن کمیشن نے زیادہ سے زیادہ ووٹروں  کی تعداد میں 18 سال کی عمر کو عبور کرنے والے ووٹروں  کو اندراج کرنے کے لئے ایک مہم کا آغاز کیا ہے۔ انٹرنیٹ پر بھی نام شامل کیے جارہے ...

کنڑا روزنامہ’کراولی منجاؤ‘ کے ایڈیٹر گنگادھر ہیرے گُتّی کو صحافتی خدمات کے لئے ایوار ڈ

برہماور تعلقہ جرنلسٹ ایسو سی ایشن کی جانب سے صحافتی خدمات کے لئے دیا جانے والا ‘وڈّرسےرگھو رام شیٹی‘ ایوارڈ امسال شمالی کینرا کے معرو ف کنڑا روزنامہ ’کرالی منجاؤ‘ کے ایڈیٹر گنگادھر ہیرے گُتی کو تفویض کرنے کا فیصلہ کیا ہے۔خیال رہے کہ یہ ایوارڈ ’مُنگارو‘ اخبار کے آنجہانی ...