کاروار2/اکتوبر(ایس او نیوز) ’کال گرلز‘ کے ساتھ جنسی تعلقات قائم کرنے اور مزے لوٹنے کا شوق میں سرسی کے ایک بس کنڈکٹر کے لئے بڑا مہنگا ثابت ہوا، کیونکہ ایک کال گرل صرف ٹیلی فون رابطے سے ہی اس کے 86ہزار روپے اڑالینے میں کامیاب ہوگئی۔

پولیس میں شکایت درج کرواتے ہوئے شیموگہ کے رہنے والے سرسی کے بس کنڈکٹر لنگا راجو جیولیا نائک نے بتایا ہے کہ گوگل سرچ انجن سے اس نے کال گرل سائٹ تلاش کی تو اس کو ’انڈیپنڈنٹ کال گرل‘ نامی ویب سائٹ پر7829776614ٹیلی فون نمبر ملا۔ اس نمبر پر کال کرنے کے بعد فون اٹھانے والی لڑکی نے اسے بتایا کہ وہ سرسی میں ہی رہتی ہے، اور اگر اسے پیشگی 3ہزار روپے اداکیے گئے تو وہ جنسی خدمات فراہم کرنے کے لئے پہنچ جائے گی۔ لنگا راجو نے اس کی بات پر یقین کرتے ہوئے فوری طور پر آن لائن ہی تین ہزار روپے لڑکی کے نام پر منتقل کردئے۔ 

رقم ادا کرنے کے بعد لڑکی جب نہیں پہنچی تو لنگا راجو نے دوبارہ رابطہ کیا۔ تب لڑکی نے مزید رقم کا مطالبہ کیا۔اور بار بار چکنی چپڑی باتیں کرتے ہوئے لڑکی بہترین جنسی خدمات فراہم کرنے کے وعدہ کے ساتھ مزید رقم طلب کرتی رہی اور لنگارانے جو ’فون پے‘ کے ذریعے 36ہزارروپے ادا کرڈالے۔ اسی دوران لڑکی نے لنگا راجو سے اس کا اے ٹی ایم پاس ورڈ حاصل کرلیااور اس کے اکاؤنٹ سے 50ہزار روپے اڑالیے۔اس طرح جب تک لنگاراجو کی آنکھیں کھلتیں تب تک صرف ٹیلی فون رابطے سے ہی ایک پیشہ ورعیار لڑکی نے 86ہزار روپے لنگا راجو سے اینٹھ لیے۔