سرسی 27 نومبر (ایس او نیوز) گھر کے صحن میں کھیلتے ہوئے دو سالہ بچہ اچانک  سانپ کے ڈسنے سے جاں بحق ہو گیا۔

یہ دلخراش واردات سرسی کے بنواسی- داسناکوپا میں اتوار کو پیش آئی۔ ذرائع سے ملی اطلاع کے مطابق دو سالہ بچہ ترن محمد صاب گھر کے صحن میں ہی کھیل رہا تھا کہ اچانک وہ رونے لگا۔ والدین یہ سوچ کر خاموش رہے کہ بچے کو چیونٹی نے کاٹا ہوگا۔ تاہم کچھ دیر بعد گھر والے یہ دیکھ کر حیران رہ گئے کہ بچے کے منہ سے جھاگ نکل رہا ہے۔ گھر والے گھبرا گئے اور  بچے کو فوری طور پر ہسپتال لے جایا گیا تاہم اس دوران بچے نے دم توڑ دیا انا للہ وانا الیہ راجعون۔ معصوم بچے کی موت کے بعد گھروالوں میں ماتم چھاگیا۔

ڈاکٹر نے بچے کا معائنہ کرنے کے بعد بتایا کہ بچے کو سانپ نے کاٹا ہے۔

بنواسی پولیس نے اس سلسلے میں کیس درج کرلیا ہے۔