بھٹکل ایس آئی اؤ کی جانب سے پسماندہ طبقات کو تعلیمی وظائف جاری رکھنے کامطالبہ لے کر وزیر اعلیٰ کو میمورنڈم
بھٹکل:03؍دسمبر(ایس اؤ نیوز)پسماندہ طبقات کے پری میٹرک تعلیمی وظائف کو ریاستی حکومت کی طرف سے رد کئے جانےکی کڑی مذمت کرتے ہوئے اسٹوڈنٹس اسلامک آرگنائزیشن آف انڈیا بھٹکل شاخ کی طرف سے بھٹکل تحصیلدار کے توسط سے ریاستی وزیراعلیٰ کو میمورنڈم سونپتے ہوئے مطالبہ کیاگیا ہے کہ متعلقہ حکومتی آرڈر سے 15لاکھ سے زائد طلبا کا مستقبل خطرے میں ہے ،طلبا کے پیش نظر متعلقہ آرڈر کو فوری طورپر واپس لیا جائے۔
میمورنڈم میں کہاگیا ہےکہ سال 2019-2020کے پری میٹرک تعلیمی وظائف کو رد کرنا صحیح نہیں ہے، فی الحال ریاست بھر میں 15لاکھ سے زائد طلبا آن لائن عرضیان پُر کئے ہیں۔ غریب طلبا اسی تعلیمی وظائف کی رقم سے اپنی تعلیم جاری رکھتے ہیں، اب حکومتی حکم نامے سے ان کی تعلیم خطرے میں آگئی ہے۔دراصل متعلقہ سرکلر کے ذریعے بچوں کے تعلیمی حق پر حملہ کرنے کا الزام لگایاگیا ہے۔ ان تمام وجوہات کو سامنے رکھتے ہوئے حکومت طلبا کے تعلیمی مستقبل کو سامنے رکھتے ہوئے اپنا حکم نامہ واپس لینے کا مطالبہ کیاگیا ہے۔ بھٹکل تحصیلدار وی پی کوٹرولی نے میمورنڈم وصول کیا۔ اس موقع پر ایس آئی اؤ بھٹکل کے صدر ثناء اللہ اسدی، سابق ڈی اؤ عبود آصف، اسماعیل راجا، آصف شیخ، محمد بلال رکن الدین وغیرہ موجود تھے۔