سنگاپور: سنگاپور ائیر لائنز کے ایک طیارے میں آج یہاں کے چانگی ہوائی اڈے میں ہنگامی صورت حال میں اترتے وقت آگ لگ گئی. جس سے کچھ دیر کے لئے پورے ائرپورٹ سمیت فلائٹ پر سوار مسافروں میں خوف و دہشت طاریہوگئی، مگر فائر بریگیڈ کے عملے نے فوری طور پر آگ پر قابو پاتے ہوئے سبھی مسافروں کو بچالیا۔ مختلف خبررساں ایجنسیوں سے ملی جانکاری کے مطابق ایس آئی اے فلائٹ SQ368 رات دو بج کر پانچ منٹ پر چانگی ہوائی اڈے سے روانہ ہوئی تھی۔ تقریبا دو گھنٹے کے اندر ہی پائلٹ نے طیارے کے انجن میں تکنیکی خرابی ہونے کا اعلان کیا جس کے بعد پرواز کو واپس سنگاپور کی جانب موڑدیا گیا.

انجن میں لگی تھی آگ، مسافروں نے بھی دیکھا

اس طیارے میں سوار ایک مسافر کی بیوی ممتا جین نے بتایا کہ جب طیارے کو ہوائی اڈے پر ہنگامی حالات میں اتارا جا رہا تھا تب اس کے انجن میں دھماکہ ہو گیا اور اس کے داہنے پنکھ میں آگ لگ گئی ۔ تمام لوگ جہاز میں تھے اور سب نے دائیں پنکھ کو جلتے دیکھا. ایک اور مسافر نے یوٹیوب میں داہنے پنکھ کو لگی آگ کی وڈیو کلپ آپلوڈ کرتے ہوئے بتایا کہ طیارے کے اندر تمام مسافروں کیی جانیں نکل رہی تھیں، اور لگ موت کو اپنے انکھوں کے سامنے دیکھ رہے تھے، مگر پانچ منٹ میں ہی پنکھ میں لگی آگ پر قابو پالیا گیا، جس کے بعد ہی طیارے کے دروازے کھلے اور ہم نے راحت کی سانس لی۔

بتایا گیا ہے کہ طیارے کو صبح قریب سات بجے سنگاپور میں اتارا گیا تھا۔ بعد میں  فائر بریگیڈ کے عملے نے آگ بجھا دی تھی۔ سنگاپور ائیرلائن کی جانب سے بتایا گیا ہے کہ ہوائی جہاز میں 222 مسافر سوار تھے اورسبھی محفوظ ہیں، کسی کو کوئی چوٹ بھی نہیں لگی ہے۔