مرکزی خلیفہ جماعت المسلمین بھٹکل کے لئے نئے عہدیداران کا انتخاب؛ صدیق میراں صدر اور جوباپو اسماعیل جنرل سکریٹری منتخب
بھٹکل 8 مارچ (ایس او نیوز) مرکزی خلیفہ جماعت المسلمین بھٹکل کی سہ سالہ میعاد (۱۴۴۲۔۱۴۴۴ ھ ) کے لئے آج پیر کو عہدیداران کا انتخاب عمل میں آیا جس میں جناب صدیق محمد میراں صدر اور جوباپو محمد اسماعیل جنرل سکریٹری کے اہم عہدہ پر منتخب ہوگئے۔
ڈاکٹر کولا محمد زُبیر کی صدارت میں منعقدہ اجلاس میں الیکشن کمشنر جوباپو اسماعیل نے عہدیداران کے انتخاب کی کاروائی انجام دی، جس میں مندرجہ ذیل عہدیداران بالاتفاق رائے منتخب ہوئے۔
صدر: صدیق محمد میراں
نائب صدر (اول) : ایس ایم سید محی الدین
نائب صدر (دوم): ڈاکٹر کولا محمد زُبیر
جنرل سکریٹری: جوباپو محمد اسماعیل
سکریٹری : اسماعیل انجم گنگاولی ندوی
نائب سکریٹری: سدی باپا محمد طلحہ
سکریٹری مالیات: صدیق عبدالقادر جیلانی
خازن : محمد ناصر محتشم
محاسب: کولا محمد ہاشم
خیال رہے کہ صدارتی عہدہ پر منتخب ہونے والے جناب صدیق محمد میراں صاحب اس سے قبل نائب صدر اور جنرل سکریٹری کے عہد ہ پر رہ کر خدمات انجام دے چکے ہیں، اسی طرح جنرل سکریٹری منتخب ہونے والے جوباپو محمد اسماعیل گذشتہ میعاد میں سکریٹری مالیات کے طور پر خدمات انجام دینے کا تجربہ رکھتے ہیں۔ سکریٹری مالیات منتخب ہونے والے عبدالقادر جیلانی صدیق اس سے قبل سکریٹری اور جوائنٹ سکریٹری رہ چکے ہیں، اسماعیل انجم گنگاولی ندوی اس سے پہلے نائب سکریٹری تھے، اس بار سکریٹری منتخب ہوئے ہیں۔جبکہ ناصر محتشم اور ہاشم کولا پہلے بھی بالترتیب خازن اور محاسب کے طور پر اپنی خدمات انجام دے رہے تھے ۔ نائب صدر اول منتخب ہونے والے جناب ایس ایم سید محی الدین اس سے پہلے نائب صدر دوم تھے۔