سدرامیا پھر کبھی وزیراعلیٰ نہیں بنیں گے: ایشورپا

Source: S.O. News Service | By Shahid Mukhtesar | Published on 14th May 2019, 12:53 PM | ریاستی خبریں |

بنگلورو،14؍مئی(ایس او نیوز) سابق نائب وزیراعلیٰ اور سینئر بی جے پی لیڈرکے ایس ایشورپانے کہا ہے کہ راہل گاندھی ملک کے وزیر اعظم اور سدرامیا کرناٹک کے وزیر اعلیٰ کبھی نہیں بنیں گے۔ اخباری نمائندوں سے بات چیت کرتے ہوئے انہوں نے کہاکہ ملک اور ریاست کے عوام نے کانگریس کو مستردکردیاہے اس کے باوجود بھی کانگریس کا غرورنہیں ٹوٹا ہے۔ چند چاپلوس اراکین اسمبلی کی خوشامد نے سدرامیا کو اندھا کردیا ہے، اسی لئے وہ وزیراعلیٰ بننے کے خواب دیکھنے لگے ہیں۔انہوں نے کہاکہ جس طرح سدرامیا کو بغاوت کے سبب جے ڈی ایس سے نکالا گیاتھابہت جلد کانگریس سے بھی نکال دیاجائے گا۔ ایشورپا نے کہاکہ سدرامیا اور کے پی سی سی صدر دنیش گنڈو راؤ کے درمیان اختلافات اپنے عروج پر ہیں، اسی طرح ملیکارجن کھرگے اور ڈاکٹر جی پرمیشور بھی دنیش گنڈوراؤ کے ساتھ ہوگئے ہیں ، جبکہ سدرامیا بائرتی بسوراج، بائرتی سریش وغیرہ ایک الگ گروپ منقسم ہوگئے ہیں ۔ سدرامیا کے چیلے ہی یہ بات عام کررہے ہیں کہ سدرامیا کو دوبارہ وزیر اعلیٰ بنایا جائے گا۔ یہ دعویٰ کرتے ہوئے کہ ریاستی عوام نے لوک سبھا انتخابات میں بی جے پی کا کھل کر ساتھ دیا ہے، ایشورپا نے کہاکہ 23 مئی کے بعد سدرامیا کاکوئی پرسان حال نہیں رہے گا۔ وزیر اعظم مودی اور ریاستی بی جے پی صدر یڈیورپا کو سدرامیا کی طرف سے صیغۂ واحد میں مخاطب کئے جانے پر تبصرہ کرتے ہوئے کہاکہ اس سے سدرامیا کا غرور ظاہر ہوتاہے۔ ایشورپا نے کہاکہ گزشتہ ایک سال سے کمار سوامی کانگریس کی ہراسانیوں کو برداشت کررہے ہیں اور بعض اوقات تنگ آکر برسر عام روپڑتے ہیں۔ فی الوقت کانگریس کے خلاف رمیش جارکی ہولی نے زبان کھولی ہے، آنے والے دنوں میں اور بھی بہت سارے اراکین اسمبلی کانگریس کے خلاف بغاوت کردیں گے۔ 

ایک نظر اس پر بھی

ریاستی حکومت نے آئی ایم اے فراڈ کیس کی جانچ سی بی آئی کے حوالے کیا

ریاست کی سابقہ کانگریس جے ڈی ایس حکومت کے دور میں کی گئی مبینہ ٹیلی فون ٹیپنگ کی سی بی آئی جانچ کے ا حکامات صادر کرنے کے دودن بعد ہی آج ریاستی حکومت نے کروڑوں روپیوں کے آئی ایم اے فراڈ کیس کی جانچ سی بی آئی کے سپرد کرنے کا فیصلہ کیا ہے۔

کیا شمالی کینرا سے شیورام ہیبار کے لئے وزارت کا قلمدان محفوظ رکھا گیا ہے؟

کرناٹکاکے وزیراعلیٰ  ایڈی یورپا نے دو دن پہلے اپنی کابینہ کی جو تشکیل کی ہے اس میں ریاست کے 13اضلاع کو اہمیت دیتے ہوئے وہاں کے نمائندوں کو وزارتی قلمدان سے نوازا گیا ہے۔اور بقیہ 17اضلاع کو ابھی کابینہ میں نمائندگی نہیں دی گئی ہے۔

بنگلورو: نشے میں دھت شخص نے فٹ پاتھ پر 7 لوگوں کو کچل دیا

شراب کے نشے میں دھت ایک شخص نے بہت تیز رفتار کار فٹ پاتھ پر چڑھا دی اور فٹ پاتھ پر چل رہے 7 افراد اس کار کی زد میں آ گئے۔ زخمیوں کو فوراً اسپتال پہنچایا گیا اور خبر لکھے جانے تک ان لوگوں کی حلات نازک بنی ہوئی ہے۔ یہ واقعہ بینگلورو کے ایچ ایس آر لے آؤٹ علاقے کا ہے۔