سدرامیا کاموازنہ دیوراج اُرس سے نہیں کیاجانا چاہئے:گووند کرجول

Source: S.O. News Service | By Shahid Mukhtesar | Published on 16th May 2019, 2:06 PM | ریاستی خبریں |

بنگلورو،16مئی(ایس او نیوز/یواین آئی) بی جے پی کے سینئر لیڈر و سابق وزیر گووند کرجول نے الزام لگایا ہے کہ سابق وزیراعلی سدارامیا جو جے ڈی ایس۔کانگریس زیرقیادت کوارڈی نیشن کمیٹی کے صدرنشین بھی ہیں،ریاست میں لینڈمافیا کی حوصلہ افزائی کر رہے ہیں۔میڈیا سے بات کرتے ہوئے بی جے پی لیڈر نے الزام لگایا کہ سدارامیا خود کو او بی سی لیڈر قرار دے رہے ہیں تاہم وہ بنگلورو کے اطراف اراضیات پر قبضے کرنے والوں کی حمایت کر رہے ہیں اور ان کا موازنہ سابق وزیراعلی ڈی دیوراج اُرس سے نہیں کیاجانا چاہئے جو کرناٹک میں پسماندہ طبقات کے ایک سرکردہ لیڈر تھے۔یہ الزام لگاتے ہوئے کہ سدارمیا جو ایک مرتبہ پھرریاست کے سابق وزیراعلی بننے کا جذبہ رکھتے ہیں،اپنے حامیوں کے ذریعہ اپنی امیدواری کی تشہیر کر رہے ہیں۔کانگریس میں تقریبا نصف درجن ایسے لیڈر ہیں جو ر ریاست کے وزیراعلی بننے کے خواہش مند ہیں۔ وزیراعلی کے عہدہ کی دوڑ میں کرناٹک میں کانگریس آئندہ دنوں پارٹی میں پھوٹ کی وجہ سے ٹکڑے ٹکڑے ہوجائے گی۔انہوں نے سابق وزیراعلی ایچ ڈی کماراسوامی پر بھی نکتہ چینی کی اور کہا کہ وہ سیاست میں ملوث نہ ہوں بلکہ عوام کے مسائل کی سمت توجہ دیں جو ریاست کے بیشتر حصوں میں پینے کے پانی کے شدید بحران کا سامنا کر رہے ہیں۔سابق وزیر و بی جے پی رکن اسمبلی رینوکاچاریہ بھی اس موقع پر موجود تھے۔

ایک نظر اس پر بھی

بنگلورو: نشے میں دھت شخص نے فٹ پاتھ پر 7 لوگوں کو کچل دیا

شراب کے نشے میں دھت ایک شخص نے بہت تیز رفتار کار فٹ پاتھ پر چڑھا دی اور فٹ پاتھ پر چل رہے 7 افراد اس کار کی زد میں آ گئے۔ زخمیوں کو فوراً اسپتال پہنچایا گیا اور خبر لکھے جانے تک ان لوگوں کی حلات نازک بنی ہوئی ہے۔ یہ واقعہ بینگلورو کے ایچ ایس آر لے آؤٹ علاقے کا ہے۔

سناتن سنستھا کی شائع کردہ کتاب نے ملزموں کو ایم ایم کلبرگی کے قتل پر اکسایاتھا۔ایس آئی ٹی نے کیا اپنی چارج شیٹ میں دعویٰ

تقریباً چار سال قبل مبینہ طور پر ہندوتوا وادی شدت پسندوں نے مصنف اور دانشور ایم ایم کلبرگی کاجو قتل کیا تھا اس کی تحقیقات کرنے والی خصوصی ٹیم (ایس آئی ٹی) نے چارج شیٹ داخل کردی ہے جس میں کہا گیا ہے کہ جس ملزم نے صحافی و دانشور گوری لنکیش کے گھر تک قاتل کو اپنی موٹر بائک پر پہنچایا ...

امیت شاہ کی ہری جھنڈی۔ریاستی کابینی میں منگل کو توسیع

ریاستی وزیراعلیٰ بی ایس ایڈی یورپا نے آج شام دہلی میں مرکزی وزیر برائے داخلہ امیت شاہ سے ملاقات کی۔ امیت شاہ نے آخر کار ریاستی کابینہ میں پہلے مرحلہ کی توسیع کے لئے گرین سگنل دے دیا ہے۔ پہلے مرحلہ میں 11تا13وزراء کو کابینہ میں شامل کیاجائے گا۔