بی جے پی صدرنلین کمار کٹیل کا سرسی دورہ؛ سابق وزیرا علیٰ سدرامیا کو ولن اور کمار سوامی کو قرار دیا سائڈ ایکٹر

Source: S.O. News Service | By Abu Aisha | Published on 19th September 2019, 6:30 PM | ساحلی خبریں | ان خبروں کو پڑھنا مت بھولئے |

کاروار19؍ستمبر(ایس اؤ نیوز) ریاستی بی جے پی صدر منتخب ہونے کے بعد پہلی مرتبہ ضلع اتر کنڑا کے سرسی کا دورہ کرتے ہوئے  نلین کمار کٹیل نے کرناٹک کے سابق وزراء اعلیٰ سدرامیا  کوولن  اور ایچ ڈی کمار سوامی کو سائڈ ایکٹر قرار دیتے ہوئے  دونوں سابق وزراء اعلیٰ کو سخت تنقید کا نشانہ بنایا۔  وہ سرکیوٹ ہاوس میں پارٹی استحکام کی غرض سے  تشریف فرما  کارکنان کے تہنیتی اجلاس میں خطاب کررہے تھے۔

نلین کمار نے سدرامیا پر کڑی تنقید کرتے ہوئے  انہیں  لنگائیت سماج کو توڑنے کا کام کرنے والا، بے کار میں ٹیپو جینتی منانے والا  اور  ہندو کارکنوں کے قتل کو سیاسی رنگ دینے والا قرار دیا اور کہا کہ ایسے  شخص  کو ولن نہ کہوں تو کیا کہوں؟  اپنے  خطاب میں انہوں نے کارکنا ن سے سوال کرتے ہوئے پو چھا کہ   ریاست میں   ایک پارٹ ٹائم وزیرا علیٰ تھے جو اپنی مدت میں تاج ہوٹل سے باہر ہی نہیں نکلے، کیا آپ کو معلوم ہے کہ یہ دونوں کون ہیں ؟ پھر جواب دیتے ہوئے  سدرامیا اور کمار سوامی کانام لیا۔

انہوں نےکہاکہ اقتدار چلانا بی جےپی کا مقصد نہیں ہے، ہم اپنی سوچ اور عملی طریقوں سے کبھی سمجھوتا نہیں کرتے ہیں۔  ملک میں تبدیلی لاکر عالمی سطح پر بھارت کو گرو کا مقام دلانا بی جےپی کا مقصد ہے۔انہوں نے کہا کہ ملک کی کئی ریاستوں میں بی جےپی برسر اقتدار ہے، اور اگلے دو برسوں میں کیرلا میں گھر گھر میں بی جےپی کا جھنڈا لہرائے گا۔

سرکٹ ہاؤس میں بی جے پی کی میٹنگ 
     بی جے پی کے ریاستی صدر نلین کمار کٹیل جب سرسی پہنچے تو انہوں نے سرکاری سرکٹ ہاؤس میں پارٹی کی میٹنگ منعقد کی تھی جس پر عوام نے اعتراض اُٹھاتے ہوئے کہا ہے کہ بی جے پی نے سرکیوٹ ہاوس کا غلط استعمال کیا ہے۔  بتایا گیا ہے کہ بی جے پی نے سرکیوٹ ہاوس پر میڈیا پر پابندی لگا کر قریب آدھے گھنٹے تک میٹنگ کی جس  میں پارٹی کے ضلعی صدر، ارکان اسمبلی ، سابق ارکان اسمبلی اور ریاستی جنرل سکریٹری شریک تھے۔ 
     سرکاری کاموں کے لئے استعمال کئے جانے والے سرکٹ ہاؤس کو بی جے پی  کا اپنی پارٹی میٹنگ کے لئے استعمال کرنے پر  لوگوں نے اعتراض جتایاہے۔ عوام کا کہنا ہے کہ سیاسی میٹنگوں اورپروگراموں کے لئے سرکٹ ہاؤس کا استعمال نہ کرنے کے متعلق قانون ہونے کے باوجود بی جے پی والوں نے اپنی پارٹی میٹنگ کا یہاں انعقاد کرنا صحیح نہیں ہے۔ عوام نے تعجب کا اظہار کیا ہے کہ محکمہ کے افسران موجود رہ کر بھی خاموش تماشائی بنے ہوئے تھے۔

انہوں نے ملک کی سیاسی پارٹیوں پر  برستے ہوئے کہا  کہ ملک میں 64پارٹیوں میں  63پارٹیاں اپنے نظریات کو بھول چکے ہیں صرف بی جےپی ہی  نظریات پر عمل پیرا ہے۔ مزید کہا کہ  اس ملک میں صرف بی جے پی سے ہی تبدیلی  ممکن ہے۔انہوں نے کہا کہ کشمیر کو آزاد کرنےو الی بی جے پی ہے اور ایودھیا میں رام مندر کی تعمیر وزیر اعظم نریندر مودی سے ہی ممکن  ہے۔ بی جے پی صدر نے ملکی لیڈران کی تعریف میں ہی اپنے  بھاشن کازیادہ وقت گزارنے کے بعد ریاستی وزیر اعلیٰ یڈیورپا کی بھی تھوڑی بہت تعریف کی اور  کہاکہ وہ بھی نئی نئی  اسکیموں کو جاری کررہے ہیں ۔ اگلے دنوں میں بی جےپی ریاست میں 150سے زائد نشستیں حاصل کرنے کا دعویٰ کرتے ہوئے ریاست میں ایک بار  پھر انتخابات منعقد ہونے کا عندیہ دیا۔ ارکان اسمبلی دنیکر شٹی، روپالی نائک، سنیل نائک، پارٹی لیڈران مہیش تنگن کائی ، گریش پٹیل، ونود پربھو، وی ایس پاٹل، وویکانند وئیدیا، گنگادھر بھٹ، سنیل ہیگڈے ، ایم جی نائک، کرشنا ایسلےموجود تھے۔  ضلعی صدر  کے جی نائک نے استقبال کیااور آر ڈی ہیگدے نے نظامت کی۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...