کرناٹک کانگریس کے سینئر لیڈر سدارامیانے سرعام پارٹی کارکن کو مارا تھپڑ
میسور،04 /ستمبر(ایس او نیوز/ آئی این ایس انڈیا) کرناٹک کانگریس کے سینئر لیڈرسدارامیا کی ایک ویڈیو ان دنوں انٹرنیٹ پر خوب وائرل ہو رہی ہے۔ اس ویڈیو میں کانگریس لیڈر اپنے ساتھ چل رہے ایک نوجوان کو تھپڑ مارتے دکھائی دے رہے ہیں۔ویڈیو کے وائرل ہونے کے بعدسدارامیا کی بہت تنقید ہو رہی ہے۔یہ ویڈیو میسور ہوائی اڈے کی ہے۔ حالانکہ اس ویڈیو کے وائرل ہوتے ہی سدھارمیا نے صفائی دی ہے۔انہوں نے کہا کہ ان کے ساتھ چل رہا یہ شخص ان کے انکار کرنے کے بعد بھی بار بار ان کے کانوں میں فون لگا کر کسی سے بات کرنے کے لئے کہہ رہا ہے۔اسی بات سے انہیں غصہ آ گیا ہے۔غور طلب ہے کہ سدھارمیا نے اس طرح کا کوئی یہ پہلا واقعہ نہیں کیا ہے۔ کچھ وقت پہلے ہی وہ پارٹی کی ایک خاتون کارکن سے بدسلوکی کرتے ہوئے کیمرے میں قید ہوئے تھے۔اس دوران خواتین مقامی ممبر اسمبلی کی شکایت لے کر ان کے پاس آئی تھی۔متاثرہ خاتون ان سے جواب چاہتی تھی۔اس دوران سدھارمیا اتنے ناراض ہو گئے تھے کہ انہوں نے خاتون کے ہاتھ سے مائیک چھیننے کے ساتھ ساتھ اس کا اسکارف بھی نکالا تھا۔بعد میں سددھرمیا نے ایک بیان جاری کرکے کہا تھا کہ وہ صرف خاتون کو مسلسل بولنے سے روکنا چاہتے تھے۔انہوں نے خواتین کو اپنی بہن کی طرح بتایا تھا۔