بھٹکل 8/مئی (ایس او نیوز)  پڑوسی علاقہ شیرور  میں واقع گرین ویلی نیشنل اسکول اینڈ پی یو سی کالج کے طلبا نے ICSE 2019 میں زبردست پرفارمینس پیش کرتے ہوئے  اسکول کو کامیابی کی بلندیوں تک پہنچادیا ہے۔  گذشتہ 14 سالوں سے اسکول  ICSE Grade X امتحانات میں  سو فیصد نتائج درج کرتا رہا ہے، مگر اس بار اسکول کے تین  طلبا  نے نیشنل رینک حاصل کرتے ہوئے اسکول کا نام پورے ملک میں روشن کردیا ہے۔

اسکول پرنسپال  ڈاکٹر جوہن میتھیو نے بتایا کہ اس بار گرین ویلی سے 84 طلبا نے میٹرک کا امتحان دیا تھا، سبھی طلبا کامیاب رہے ہیں اور اسکول نے لگاتار 14 ویں مرتبہ سو فیصدی کامیابی درج کی ہے۔ اس بار 44 طلبا نے امتیازی نمبرات یعنی85 فیصد سے زائد مارکس حاصل کرنے میں کامیاب ہوئے ہیں جبکہ دیگر 39 بچوں  نے فرسٹ کلاس سے کامیابی پائی ہے۔

اسکول کے طالب العلم درشن بی نے 500 میں 492 (98.40 فیصد) مارکس حاصل کرتے ہوئے نہ صرف اسکول میں ٹاپ کیا ہے، بلکہ پورے نیشنل لیول کے ICSE میں چھٹا رینک حاصل کرنے میں کامیاب ہوا ہے۔ اسی طرح نیدھی نائیک نے 491  (98.20 فیصد) مارکس کے ساتھ  نیشنل لیول پر ساتواں رینک اور  انیرودھ کامتھ نے  490 (98.00 فیصد) کے ساتھ نیشنل لیول پر آٹھواں رینک حاصل کرنے میں کامیاب ہوا ہے۔

پرنسپال کے مطابق اس بار اسکول نے نہ صرف سو فیصد کامیابی حاصل کرنے  کا سلسلہ جاری رکھا ہے بلکہ تعلیمی معیار میں مزید اضافہ درج کرتے ہوئے  ڈسٹنکشن اور فرسٹ کلاس سے کامیابی حاصل کرنے والے طلبا کی  تعداد میں  بھی نیا ریکارڈ قائم کیا ہے۔

اسکول میں امتیازی نمبرات سے کامیا ب ہونے والوں کے نام اور اُن کے مارکس ذیل میں فوٹو کے ساتھ شائع کئے جارہے ہیں۔