بھٹکل:10؍ستمبر(ایس اؤ نیوز)شوٹ کان کراٹے انسٹی ٹیوٹ بھٹکل کے زیر اہتمام کملاوتی رام ناتھ شانبھاگ ہال میں بلیک بلٹ اور سند تقسیم کاری پروگرام منگل کی شام کو منعقدہوا۔

پروگرام کا افتتاح کرنے کے بعد خطاب کرتےہوئے گروسدھیندرا پی یوکالج کے پرنسپال وریندرشانبھاگ نے کہاکہ اسکولی نمبرات کاپیچھاکرتے ہوئے مایوس ہونے والے دنوں میں کراٹے کا فن ہم میں اعتماد پیدا کرتاہے۔ یہ ایک مضبوط و مستحکم معاشرے کی تشکیل میں بہت ہی معاون فن ہے۔ حالیہ دنوں میں ٹی وی میڈیا کے ذریعے جس طرح کے افراد کو  ہیرو ز کے طورپر پیش کیا جارہاہے ، اس کو دیکھتے ہوئے سنتے ہوئے افسوس ہوتاہے ایسا محسوس ہوتاہے کہ مسلسل کارکردگی ، محنت، کوشش کی کوئی قدر نہیں ہورہی ہے،صرف اشتہار بازی سے کوئی کارنامہ انجام نہیں دیاجاسکتا ، ایسی چیزیں صرف عارضی ہوتی ہیں، اس کے برعکس مسلسل کوشش اور محنت سے  حقیقی ہیرو پیدا ہونے  کی بات کہی۔

کراٹے کے کوچر سی راجن پروگرام کی صدارت کی۔تنظیم کے جنرل سکریٹری عبدالرقیب ایم جے،  نیو شمس اسکول کے سکریٹری عزیز الرحمن رکن الدین ندوی، گنگادھر نائک، شری کانت نائک، ودیا نجلی پبلک اسکول کی پرنسپال ممتا کے ایس، بینا وئیدیا تعلیمی ادارے کی ڈائرکٹر پشپ لتا ، گنپتی شرور، روپا رمیش کھاروی وغیرہ موجود تھے۔ پانڈورنگا نائک نے استقبال کرتے ہوئے نظامت کی۔

جن13کراٹے کھلاڑیوں کوبلیک بلٹ اور سند عطاکی گئی ا ن میں ونکیت نائک،عزیر احمد قاضیا، تیجسوی موگیر، ہرشا موگیر، مہیش نائک، بہرانی آدی دراوڈ، گنپتی آدی دراوڈ،یوگیش نایک، آرتی سونٹکی، پرتھوی نائک، محمد اسماعیل ، جئے شام  اور عطیہ ٹی شامل ہیں۔