یلاپور ایم ایل اےشیورام ہیبار نے کہا: میں نے ابھی کانگریس پارٹی سے استعفیٰ نہیں دیا ہے

Source: S.O. News Service | By Shahid Mukhtesar | Published on 27th July 2019, 1:13 PM | ساحلی خبریں | ریاستی خبریں |

یلاپور27/جولائی (ایس او نیوز) مخلوط حکومت کے باغی اراکین اسمبلی کے ساتھ ممبئی میں پناہ لینے والے یلاپور حلقے کے ایم ایل اے شیورام ہیبار نے اپنے گھر واپس پہنچنے کے بعد پارٹی کارکنان اور لیڈروں کے علاوہ تعلقہ سطح پر مختلف محکمہ جات کے افسران کے ساتھ بھی میٹنگ منعقد کی اور اپنے حلقے کے حالات کا جائزہ لینے کے بعد وہ بنگلورو کے لئے روانہ ہوگئے۔

 اسمبلی کی رکنیت سے مستعفی ہونے اور پارٹی وہپ جاری ہونے کے بعد بھی اعتماد کی تحریک پر ووٹنگ کے لئے اسمبلی میں حاضر نہ رہنے کے باوجود افسران کے ساتھ ان کی میٹنگ کے تعلق سے جب اخباری نمائندوں نے سوال کیا تو ہیبار نے کہا کہ میں نے کانگریس پارٹی سے استعفیٰ نہیں دیا ہے بلکہ رکن اسمبلی کے طور پر استعفیٰ دیا ہے جس پر فیصلہ ابھی التوا میں پڑا ہوا ہے۔ لہٰذا میں تاحال اس علاقے کا ایم ایل اے ہوں۔ اور یہاں کے مسائل کے تعلق سے جانکاری کے لئے اس طرح کی میٹنگ منعقد کرنے میں کوئی برائی نہیں ہے۔ انہوں نے فی الحال بی جے پی میں شمولیت کی بات سے بھی انکار کیا، اور کہا کہ ابھی تک میں کانگریس پارٹی میں ہی ہوں، اور بی جے پی میں شامل ہونے کے تعلق سے ابھی قطعی طور پر کوئی فیصلہ نہیں کیا ہے۔

 ہیبار نے یہ اس بات کا بھی اشارہ دیا کہ تمام باغی اراکین پوری طرح متحد ہیں اور ان کے استعفیٰ پر اسپیکررمیش کمار کے فیصلے کے بعد ہی وہ اگلا قدم اٹھائیں گے۔ہیبار کی بلاک کانگریس پارٹی لیڈران کے میٹنگ کے بعد دلچسپ بات یہ بھی سامنے آئی ہے کہ شیورام ہیبار کے بی جے پی میں شامل ہونے کی صورت میں دیگر کانگریسی لیڈران نے بھی ان کا ساتھ دینے اورخود بھی بی جے پی میں شامل ہونے پر آمادگی ظاہر کی ہے۔

 دوسری طرف یلاپور بی جے پی کیمپ میں اس تعلق سے کچھ ملا جلا ردعمل دیکھنے کو ملا ہے۔ چونکہ اس سے قبل شیورام ہیبار بی جے پی میں رہتے ہوئے ضلعی سطح پر مختلف اہم عہدوں پر فائز تھے مگر انہوں نے بی جے پی کو الوداع کہہ کرکانگریس کا ہاتھ تھام لیاتھااور رکن اسمبلی منتخب ہوئے تھے، اس وجہ سے بی جے پی کے اندرانہیں خوش دلی قبول نہ کرنے والے بھی موجود ہیں۔ کانگریس کی ٹکٹ پر انتخاب جیتنے کے بعد ہیبار نے وزارتی قلمدان پر نظر رکھی تھی لیکن انہیں NWKSRTC کا چیرمین بنادیاگیا تھاجس سے وہ ناراض ہوگئے تھے۔میڈیا کے کچھ حلقوں میں دوچار دن شیورام ہیبار کا یہ بیان بھی گردش کررہاتھاکہ انہوں نے سابق وزیر اعلیٰ سدارامیا کی ہدایت پر عمل کیاتھا اور مستعفی ہوکر روپوش ہوگئے تھے۔مگر دیگر معتبر ذرائع سے اس کی تصدیق نہیں ہوسکی۔ اب اخباری نمائندوں نے ان سے جب سدارامیا کے تعلق سے پوچھا تو انہوں نے بس اتنا کہا کہ پارٹی کے تمام اراکین کے لئے وہ ایک سینئر سیاسی قائد ہیں۔

بی جے پی کے ضلع صدر کے جی نائک نے رکن اسمبلی شیورام ہیبار کے بارے میں کہا کہ انہوں نے ابھی تک بی جے پی میں شمولیت اختیار نہیں کی  ہے۔اخباری نمائندوں سے گفتگو کے دوران کے جی نائک کا کہناتھا کہ اگر بی جے پی ہائی کمان کی طرف سے اجازت مل جاتی ہے تو پھر وہ لوگ شیورام ہیبار کو اپنی پارٹی میں خوش آمدید کہیں گے۔ کانگریس میں گھٹن کی وجہ سے انہوں نے اسمبلی کی رکنیت سے استعفیٰ دیا ہے۔ اس لئے شیورام ہیبار کے لئے بی جے پی میں اپنے آپ کو مطمئن رکھنا مشکل نہیں رہے گا کیونکہ وہ اس سے قبل اسی پارٹی کا حصہ رہے ہیں۔

کے جی نائک نے یہ بھی بتایا کہ بی جے پی کی جانب سے رکنیت سازی کی جو مہم چلائی جارہی ہے وہ 11اگست کو ختم ہوگی۔ضلع میں جملہ3لاکھ ممبرز بنانے کا نشانہ ہے اور اب تک 80ہزار ممبر بنائے گئے ہیں۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔