شیو سینا راجیہ سبھا میں شہریت ترمیمی بل کی مخالفت کرے گی یا نہیں! تذبذب برقرار

Source: S.O. News Service | Published on 11th December 2019, 8:21 PM | ملکی خبریں | ان خبروں کو پڑھنا مت بھولئے |

نئی دہلی،11/دسمبر (ایس او نیوز/ایجنسی) مہاراشٹر میں کانگریس اور این سی پی کی حمایت سے اقتدار حاصل کرنے والی شیو سینا نے لوک سبھا میں شہریت ترمیمی بل کی حمایت کی تھی اور اس کے بعد سے سوال اٹھ رہے تھے کہ آخر سیکولر اقدار کی بنیاد پر قائم ’مہا وکاس اگھاڑی‘ مخلوط حکومت کی اتحادی جماعت شیو سینا نے ایسا کیوں کیا۔ لیکن اب راجیہ سبھا کے حوالہ سے شیو سینا کا کہنا ہے کہ اس کا موقف لوک سبھا سے مختلف بھی ہو سکتا ہے۔ یہی وجہ ہے کہ شیو سینا راجیہ سبھا میں اس بل کے حوالہ سے کیا موقف اختیار کرے گی اسے لے تذبذب برقرار ہے۔

مہاراشٹر کے وزیر اعلیٰ اور شیو سینا کے سربراہ یہ واضح کر چکے ہیں کہ خواہ ان کی پارٹی نے لوک سبھا میں بل کی حمایت کی ہو لیکن چونکہ کئی سوالات ایسے ہیں جن کا جواب مرکز کی برسراقتدار جماعت نے نہیں دیا ہے لہذا وہ راجیہ سبھا میں بل کی حمایت نہیں کریں گے۔

ادھر، کانگریس کے سینئر لیڈر اور سابق وزیر نسیم خان نے کہا ہے کہ شیو سینا نے کم از کم مشترکہ پروگرام کی خلاف ورزی نہیں کی ہے، لیکن اس نے شہریت ترمیمی بل کی لوک سبھا میں حمایت کر کے بالواسطہ طور سے بھارتیہ جنتا پارٹی کی حمایت کی ہے۔

نسیم خان نے منگل کے روز کہا کہ آئین کی نوعیت کے خلاف شہریت ترمیمی بل جمہوریت پر براہ راست حملہ ہے۔ انہوں نے شیو سینا پر الزام لگایا کہ اس نے لوک سبھا میں بل کی حمایت میں آنے سے پہلے کانگریس كو اعتماد میں نہیں لیا تھا۔ سابق وزیر نے اس معاملہ پر شیو سینا سے اپنا موقف واضح کرنے کو کہا۔

مہاراشٹر میں اسمبلی انتخابات کے تقریبا ایک ماہ تک چلے سیاسی ڈرامے کے بعد کانگریس، نیشنلسٹ کانگریس پارٹیوں اور شیو سینا اتحاد کی مہا وکاس اگھاڑي اتحاد کی حکومت بنی ہے۔ مہاراشٹر اور مرکز میں بی جے پی سے الگ ہونے والی شیوسینا نے لچکیلے رویے اور ’مودی حکومت کی ہندو-مسلمانوں کے درمیان پوشیدہ تقسیم کی کوشش جیسے کئی الزام لگانے کے بعد آخر میں ووٹنگ کے دوران اپنی حمایت دے دی۔

’راجیہ سبھا میں شیوسینا کا موقف مختلف ہو سکتا ہے‘: شیوسینا رکن پارلیمنٹ سنجے راؤت نے شہریت ترمیمی بل 2019 سے متعلق بڑا بیان دیا ہے۔ انھوں نے کہا ہے کہ ہمارے اندر اس بل کو لے کر کچھ اندیشے ہیں اور اس کا جواب راجیہ سبھا میں ہم چاہیں گے۔ اگر ہمیں امید کے مطابق جواب نہیں ملتا ہے تو راجیہ سبھا میں شیوسینا کا اسٹینڈ لوک سبھا سے الگ ہو سکتا ہے۔ اس بیان کے بعد بی جے پی میں ہلچل پیدا ہو گئی ہے اور اس بات کا اندیشہ ظاہر کیا جانے لگا ہے کہ راجیہ سبھا میں کوئی الٹ پھیر ہو سکتا ہے۔

لوک سبھا اور راجیہ سبھا میں شیو سینا کا موقف مختلف کیوں ہے؟ اس سوال کے جواب میں راؤت نے کہا، ’’یہ ٹھیک ہے کہ ہم نے لوک سبھا میں بل کی حمایت کی لیکن راجیہ سبھا میں ہمارا موقف مختلف ہے۔ ہماری پارٹی اپنے نظریہ پر قائم ہے لیکن ہم کسی بھی طرح کی ووٹ بینک کی سیاست نہیں ہونے دیں گے۔‘‘

راؤت نے سوال کیا کہ ہندوستان میں ایک بار پھر ہندوؤں اور مسلمانوں کے مابین تقسیم کی کوششیں کیوں کی جا رہی ہیں! انہوں نے زور دے کر کہا کہ اس مسئلے کو سیاسی مقاصد کے لئے استعمال نہیں کیا جانا چاہئے۔ انہوں نے کہا، ’’یہ انسانیت کا معاملہ ہے اور اسے صرف مذہب تک محدود نہیں رکھا جانا چاہئے۔ ہم اپنا موقف واضح رکھیں گے۔‘‘

انہوں نے کہا کہ ان کی پارٹی کے رہنما ادھو ٹھاکرے نے بھی کہا ہے کہ اگر راجیہ سبھا میں انھیں مثبت جواب نہیں ملا تو پارٹی کا موقف لوک سبھا سے مختلف ہوگا۔ راؤت نے یہ بھی کہا کہ انہیں حب الوطنی پر کسی سے تبلیغ کی ضرورت نہیں ہے۔

ایک نظر اس پر بھی

شہریت ترمیمی قانون: سپریم کورٹ نے قانون کے نفاذپرعارضی روک لگانے سے کیاانکار، 4 ہفتوں میں مرکز سے مانگا جواب

چیف جسٹس نے سی اے اے ، این پی آر پرعارضی پابندی سے انکار کردیا ہے ۔اٹارنی جنرل سی اے اے کے تمام معاملات میں حلف نامے داخل کرنے کے لئے چھ ہفتوں دینے کا مطالبہ کیاہے۔ تاہم ، سینئر ایڈوکیٹ کپل سبل اور دیگر افراد اس تجویز کی مخالفت کرتے ہیں۔

شہریت قانون سے متعلق امت شاہ کے بیان پر اکھلیش یادو نے دیا سخت رد عمل

شہریت ترمیمی قانون (سی اےاے) کے سلسلے میں مرکزی وزیر داخلہ امت شاہ کے بیان پر سخت رد عمل کا اظہار کرتے ہوئے سماج وادی پارٹی (ایس پی) صدر اکھلیش یادو نے منگل کو کہا کہ جمہوریت میں صرف اکثریت نہیں عوام کی رائے کا بھی اہم کردار ہوتا ہے۔

حکومت اسپیکر کے اختیارات پر دوبارہ غور و خوض کرے : سپریم کورٹ

سپریم کورٹ نے پارلیمنٹ کو منگل کے روز مشورہ دیا کہ وہ اراکین پارلیمنٹ اور اراکین اسمبلی کو نااہل قرار دینے کے معاملے میں پارلیمنٹ کے اسپیکر کے اختیارات پر دوبارہ غوروخوض کرے۔سپریم کورٹ نے صلاح دی ہے کہ سبکدوش ججوں کی کمیٹی کو رکنیت رد کرنے یا برقرار رکھنے کا حق دیا جائے۔ یہ ...

شہریت ترمیمی قانون کے خلاف ملک گیر مظاہرہ، ہرش مندر کی کاغذ نہ دکھانےکی اپیل

قومی شہریت ترمیمی قانون، این آر سی اور این پی آر کے خلاف شاہین باغ طرز پر احتجاج کرنے والی خوریجی کی خاتون مظاہرین کو سلام کرتے ہوئے مشہور مصنف اور سابق آئی اے ایس افسر ہرش مندر نے کہاکہ ہمیں متحد ہوکر یہ طے کرنا ہوگا کہ ہم کسی بھی صورت میں کاغذ نہیں دکھائیں گے انہوں نے خوریجی ...

نصابی کتابوں سے ٹیپوسلطان کا سبق ہٹایا نہیں جائے گا: ریاستی وزیر تعلیم سریش کمار

وزیر اعلیٰ ایڈی یورپا کے اعلان کے بعد اب ریاستی وزیر برائے پرائمری و سکینڈری تعلیم سریش کمار نے بھی آج باقاعدہ اعلان کردیا ہے کہ میسور کے حکمران ٹیپو سلطان کا سبق نصابی کتابوں سے ہٹایا نہیں جائے گا۔

بھٹکل کے بیلکے میں ہوئی چوری کا ملزم گرفتار؛ 38.54گرام سونے کے زیورات برآمد

گزشتہ 4جنوری کو دن دہاڑے تعلقہ کے بیلکے کنچی کیری کےمکین ناگراج گنپتی ہیگڈے کے گھر کا دروازہ توڑ کر نقد رقم اور زیورات چراکر فرار ہونے کے الزام میں پولس نے ایک شخص کو گرفتارکرلیا ہے اور اُس کے پاس موجود 38.54گرام  سونے کے زیورات برآمد کرنے میں  پولس کامیاب ہوگئی ہے۔