کانگریس اور این سی پی سے شیو سینا کے تعلقات بہتر ہیں: ادھو ٹھاکرے

Source: S.O. News Service | Published on 27th July 2020, 11:33 AM | ملکی خبریں |

ممبئی،27؍جولائی (ایس او نیوز؍ایجنسی)  مہاراشٹر کے وزیر اعلی ادھو ٹھاکرے جو شیوسینا کے صدر بھی ہیں، نے کہا کہ ان کی اتحادی پارٹیوں یعنی این سی پی اور کانگریس کے درمیان تعلقات خوشگوار و"مثبت" ہیں اور مہا وکاس اگھاڈی (ایم وی اے) حکومت ان کے تجربے سے فائدہ اٹھا رہی ہے نیز کانگریس کی یہ شکایت کی حکومت میں انھیں نظرانداز کیا جا رھا ھے, اسے ریاستی کانگریس قائدین سے ملاقات کے بعد حل کر لیا گیا۔

اتوار کے روز شیو سینا کے ترجمان ’سامنا‘ میں شائع ہونے والے ایک انٹرویو میں ٹھاکرے نے کہا کہ "(این سی پی کے سربراہ) شرد پوار کے ساتھ میرا اچھا رابطہ ہے۔ میں (کانگریس صدر) سونیا گاندھی کو کئی مرتبہ فون کرتا ہوں۔ " اور سہ فریقی ایم وی اے حکومت اچھی طرح سے کام کر رہی ھے، وزیر اعلی نے مزید کھا کے وہ تسلیم کرتے ھیں کہ پچھلے چند مہینوں میں وزراٗ جتیندر اوہاڑ، اشوک چوہان اور دھننجے منڈے کی ان کی روبرو ملاقاتیں نہیں ہوئیں۔ کیونکے یہ تمام وزرا کو کرونا لاحق ھوا تھا لیکن فون پر پر ایک دوسرے کے رابطے میں تھے اور بذریعہ ویڈیو کانفرنسنگ ان کی ملاقاتیں ھوا کرتی ہیں۔

ادھو ٹھاکرے نے اعتراف کیا کہ ریاست کی معیشت ٹھیک حالت میں نہیں ہے، لیکن انہوں نے کہا کہ پوری دنیا اس طرح کے بحران کا شکار ہے۔ انہوں نے کہا کہ وزیر اعظم نریندر مودی نے تمام وزرائے اعلی سے کہا ہے کہ وہ عوامی اقدامات کے طور پر کسی چھوٹ یا سبسڈی کا اعلان نہ کریں جس کی وجہ سے معیشت پر مزید بوجھ پڑے گا، کرونا کے دوران ان کے گھر سے باہر نہ نکلنے پر ان پر کی جانے والی تنقید کے تعلق سے پوچھے گئے ایک سوال کے جواب میں، ٹھاکرے نے کہا کہ گھر بیٹھے اس پر بات چیت اور تبادلہ خیال کے ساتھ ساتھ مفاہمت ناموں پر دستخط بھی کیے جارہے ہیں۔

ٹھاکرے نے مرکزی حکومت کے ممبئی - احمد آباد بلیٹ ٹرین منصوبے کا ذکر کرتے ہوئے کہا کہ وہ ریاست کی دارالحکومت ممبئی اور ناگپور کے مابین اس تیز رفتار رابطے کو ترجیح دیں گے۔ ٹھاکرے نے کہا، "میری حکومت کا مستقبل اپوزیشن کے ہاتھ میں نہیں ہے۔ اسٹیئرنگ میرے ہاتھ میں ہے۔ تھری وہیلر (آٹو رکشہ) غریب لوگوں کی گاڑی ہے۔ باقی دو پیچھے بیٹھے ہوئے ہیں،"

ایک نظر اس پر بھی

ایردوآن نے یو این میں اٹھایا مسئلہ کشمیر، ’اندرونی معاملات میں دخل نہ دے ترکی‘ انڈیا کی تاکید

 جموں و کشمیر کے حوالہ سے اقوام متحدہ کی جنرل اسمبلی میں ترکی کے صدر رجب طیب اردوآن کے بیان پر اقوام متحدہ میں ہندوستان کے مستقل نمائندہ ٹی ایس ترومورتی نے سخت احتجاج کرتے ہوئے کہا ہے کہ ترکی کو دوسرے ممالک کی خودمختاری کا احترام کرنا سیکھنا چاہئے۔

ممبئی میں طوفانی بارش سے سیلابی صورتحال، عام زندگی مفلوج، متعدد رہائشی کالونیاں زیر آب

ملک کی تجارتی راجدھانی ممبئی میں گزشتہ شب سے جاری بھاری بارش کی وجہ سے سیلابی صورتحال پیدا ہوگئی ہے۔ ستمبر کے مہینے میں اس طرح کی بارش نے ایک بار پھر شہر کی عام زندگی کو مفلوج کرکے رکھ دیا ہے۔