شیوسینا راجیہ سبھا میں شہری ترمیمی بل کی مخالفت کرے گی: ادھو ٹھاکرے

Source: S.O. News Service | Published on 10th December 2019, 8:58 PM | ملکی خبریں |

ممبئی،10/دسمبر (ایس او نیوز/یو این آئی) شیوسینا کے سربراہ ادھو ٹھاکرے نے منگل کے روز واضح طور پر کہا ہے کہ ان کی پارٹی راجیہ سبھا میں شہری ترمیمی بل (سی اے بی) کی اس وقت تک مخالفت کرے گی جب تک اس مسئلہ پر پیدا ہوئے سوالات کے جواب نہیں مل جاتے۔ واضح رہے کہ گزشتہ روز لوک سبھا نے اس متنازع بل کو منظور کیا جس کے تحت پاکستان، بنگلہ دیش اور افغانستان کے غیر مسلم باشندوں کو ہندوستان کی شہریت دی جائے گی جبکہ مسلمانوں کو اس سے مستثنیٰ رکھا گیا ہے۔

لوک سبھا میں پاس ہونے کے بعد راجیہ سبھا میں اس بل پر بحث ہوگی ،اس کی مخالفت ملک بھر میں جاری ہے جبکہ شمال مشرق میں گیارہ گھنٹے بند کااعلان کیا گیا ہے۔ انہوں نے کہاکہ شیوسینا نے لوک سبھا میں کئی سوالات اٹھائے تھے ،لیکن ان کا جواب نہیں ملا ہے،
لوک سبھا میں اس کی حمایت کامقصد یہ ہے کہ ایوان میں بی جے پی کی اکثریت ہے اور راجیہ سبھا میں بل کی مخالفت کی جائے گی۔

انہوں نے کہا، دراصل ہمیں جاننا ہے کہ بی جے پی شہریت ترمیمی بل کے ذریعہ خود کو محب وطن کے طور پر پیش کررہی ہے اور یہ بتانے کی۔کوشش کی۔ جارہی ہے کہ جو مخالفت کریں گے، وہ ملک دشمن ہیں ،اس سوچ کو بدلنا ہوگا۔ شیوسینا نے راجیہ سبھا میں الگ موقف ظاہر کرنے کا فیصلہ کیا ہے۔

شیوسیناکے ترجمان سنجے راوت نے کہا کہ ہم راجیہ سبھا الگ انداز میں اس بل پر پیش ہوں گے،کیونکہ بل کے متعلق سوالات کے حکومت کو واضح جوابات دینے ہوں گے۔شیوڈینا کے تین ممبر ہیں اور ان کی مخالفت سرکار کوبھاری پڑ سکتی ہے۔

ایک نظر اس پر بھی

یوم جمہوریہ کے موقع پر پس مرگ پدما وبھوشن ایوارڈ پانے والوں میں شامل ہیں اڈپی پیجاورمٹھ سوامی اور جارج فرنانڈیز

یوم جمہوریہ کے موقع پر مرکزی حکومت کی طرف سے مختلف شعبہ ہائے زندگی میں نمایاں خدمات انجام دینے والی شخصیات کو پدما بھوشن اور پدماوبھوشن جیسے اعزازات سے نوازا جاتا ہے۔ امسال جن شخصیات کو پس مرگ پدماوبھوشن ایوارڈ سے نوازا گیا ہے اس میں پیجاور مٹھ کے سوامی اور سابق مرکزی وزیر ...

شاہین باغ وہ انقلاب ہے جو اب تھمنے والا نہیں ... آز:ظفر آغا

شاہین باغ اب محض ایک پتہ نہیں بلکہ ایک تاریخ ہے۔ یہ وہ تاریخ ہے جس کا سلسلہ 1857 سے ملتا ہے۔ جی ہاں، 1857 میں جس طرح انگریزوں کے مظالم اور ناانصافی کے خلاف بہادر شاہ ظفر کی قیادت میں ایک بغاوت پھوٹ پڑی تھی، ویسے ہی نریندر مودی کے خلاف شاہین باغ سے ایک بغاوت کا نقارہ بج اٹھا ہے اور ...

دہلی کے شاہین باغ میں لاکھوں مظاہرین نے منایا پورے جوش وخروش کے ساتھ یوم جمہوریہ؛ شہریت قانون کی سخت مخالفت

شہریت قانون کی مخالفت کرنے والے احتجاجیوں نے آج 26 جنوری کے موقع پر پورے جوش و خروش کے ساتھ یوم جمہوریہ کی تقریب منائی اور لاکھوں لوگوں کی موجودگی میں  شاہین باغ میں ہی ترنگا جھنڈا لہراتے ہوئے  ملک میں نئے انقلاب  کی جھلک دکھائی۔

شہریت قانون اور این آر سی ملک کے دلتوں، غریبوں اور پسماندہ طبقہ کے خلاف ہے؛ سیتامڑھی میں انسانی زنجیر کے ذریعے احتجاج

  سی اے اے، این آر سی اور این پی آر کے خلاف احتجاجی مظاہرے اب شہروں سے نکل کر گاوں اور دیہاتوں میں بھی پھیل چکے ہیں اور ملک کے تقریبا ہر علاقوں سے بڑے پیمانے پر ریلیاں اور احتجاج کئے جانے کی خبریں موصول ہورہی ہیں، اسی طرح ایک خبر بہار  کےضلع سیتامڑھی کے سونبر سا بلاک کے مہولیا ...

شہریت قانون کی مخالفت میں اب شیموگہ میں نظر آرہا ہے شاہین باغ ؛26 جنوری کی رات کو پبلک پارک میں عورتوں کا جم غفیر!

جیسے جیسے شہریت قانون کی مخالفت میں اُٹھنے والی آوازوں کو دبانے کی کوشش کی جارہی ہے، یہ اُتنی ہی تیزی کے ساتھ اُبھرتی نظر آرہی ہے، اب تازہ خبر ریاست کرناٹک کے شہر شموگہ سے سامنے آئی ہے جہاں 25 جنوری کی شام سے ہی  آر ایم نگر میں موجود پبلک پارک میں خواتین کی بھیڑ جمع ہونی شروع ...

جدوجہد کرنے والے نوجوان گاندھی جی کے عدم تشدد کے پیغام کو ہمیشہ یاد رکھیں: صدر جمہوریہ رامناتھ کووند کا قوم کو پیغام

صدر جمہوریہ رامناتھ کووند نے جمہوریت کے لئے حکمراں اور اپوزیشن دونوں فریقوں کو اہم قرار دیتے ہوئے عوام خاص طورپر نوجوانوں کو بابائے قوم مہاتما گاندھی کے عدم تشددے کے منتر کو ہمیشہ یاد رکھنے کی تلقین کی۔