بھٹکل: شرالی میں ہائی وے کی توسیع کے دوران ہنگامہ؛ پولس کی لی گئی مدد؛ عوامی مخالفت نظرانداز؛ 30میٹرکی ہی توسیع کے ساتھ کام شروع

Source: S.O. News Service | By Abu Aisha | Published on 13th February 2019, 8:35 PM | ساحلی خبریں | ان خبروں کو پڑھنا مت بھولئے |

بھٹکل:13؍فروری (ایس او نیوز) شرالی میں قومی شاہراہ کے  تعمیری کام کے دوران جب عوام نے احتجاج کرتے ہوئے کام کو روکنے کی کوشش کی اور ہائی وے کی چوڑائی کو 45 میٹر ہی کرنے کا مطالبہ کرنے لگے تو پولس کی مدد سے  احتجاجیوں کو منتشر کرنا پڑا ۔ اس موقع پر کچھ دیر کے لئے حالات ہنگامہ خیز رُخ اختیار کرگئے مگر پولس نے بعد میں حالات کو قابو میں کرلیا۔

خیال رہے کہ شرالی کے عوام ابتدا سے ہی اس بات کا مطالبہ کررہے ہیں کہ شرالی میں نیشنل ہائی وے کی چوڑائی   30 میٹر   کے بجائے 45 میٹر کی جانی چاہئے، مگر  ہائی وے اتھارٹی نے  مطالبے کو مسترد کرتے ہوئے آج بدھ کو  30  میٹر چوڑی سڑک کے ساتھ ہی ہائی وے کی توسیع کا کام شروع کیا، جس پر مقامی عوام نے سخت مخالفت کی۔

 صبح شاہراہ کا تعمیری  کام شروع ہوتے ہی کافی تعداد میں لوگ پنچایت صدر وینکٹیش نائک کی قیادت میں جائے وقوع  پر پہنچے اور افسران کے خلاف سخت اعتراض جتاتے ہوئے برہمی کا اظہارکیا۔ احتاجیوں کا کہنا تھا کہ انہوں نے  اس تعلق سے کئی مرتبہ احتجاج کئے ہیں، اور ہائی وے کی چوڑائی 45 میٹر کرنے کا مطالبہ کرچکے ہیں، اس کے باوجود عوام کی مطالبے کو مسترد کیا جارہا ہے۔ احتجاجیوں کے مطابق ہم یہ سب کچھ شرالی کے مستقبل کو لےکر کررہے ہیں، جس کے لئے  افسران کو باربار میمورنڈم بھی دیا جاچکا ہے۔ احتجاجیوں نے بتایا کہ اس سلسلے میں مرکزی وزیر نے ضلع کے ڈپٹی کمشنر سے بات بھی کی تھی۔ احتجاجیوں کا کہنا تھا کہ مرکزی سطح پر شاہراہ کی توسیع 45میٹر تک کئے جانے کی کوششیں آخری مرحلے میں ہیں، ایسے وقت شاہراہ کی توسیع 30میٹر تک محدود کرتے ہوئے کام شروع کرنا ٹھیک نہیں ہے۔

کام کو روکے جانے کی اطلاع موصول ہوتے ہی بھٹکل اسسٹنٹ  کمشنر ساجد ملا جائے وقوع پر پہنچے اور کام کو جاری رکھنے کے متعلق عوام کو سمجھانے کی کوشش کی۔ اسسٹنٹ کمشنر نے بتایا کہ  ’ ہمیں  اعلیٰ افسران کی طرف سے  ہدایات ملی ہیں، شاہراہ کی وسعت، لمبائی ، تعمیری کاموں کی منصوبہ بندی سب کچھ نیشنل ہائی اتھارٹی کی جانب سے طئے کی جاتی ہے، اور ہمارا کام  اعلیٰ افسران کی ہدایات پر عمل کرتے ہوئے حکم کو نافذ کرنا ہوتا ہے ، لیکن اسسٹنٹ کمشنر  کی باتوں کو عوام نے نظر انداز کیا اور اُن کی جانب سے کی جانے والی اپیل بھی کام نہیں آئی۔ احتجاجی اپنی ہی ضد پر اڑے رہے۔ ان کا یہی کہنا تھا کہ مرکزی وزیر نے شاہراہ کی توسیع میں تبدیلی کئے جانے کا تیقن دیاہے، اس لئے تیس میٹر چوڑی سڑک کے ساتھ  کام شروع کرنےکی ضرورت نہیں ہے، احتجاجیوں نے بتایا کہ توسیع کو لے کر کچھ دن کی مہلت دی جائے۔ لیکن اسسٹنٹ کمشنر  نے کسی بھی طرح کی مہلت دینے سے انکار کرتے ہوئے پولس کو حکم دیا کہ وہ احتجاجیوں کو ہٹادیں۔ جس کے ساتھ ہی حالات کچھ دیر کے لئے  ہنگامہ خیز ہوگئے۔ ڈی وائی ایس پی ویلنٹائن ڈیسوزا کی قیادت میں  سرکل پولس انسپکٹر کے ایل گنیش نے اپنے عملے کے ذریعے احتجاجیوں کو منتشر  کرنا شروع کردیا اور جائے وقوع پر پولس کی زائد فورس تعینات کردی جس کے بعد ہی شاہراہ کی چوڑائی  30 میٹر کے ساتھ کام شروع کیا گیا۔

رکن اسمبلی کی  مذمت: رکن اسمبلی سنیل نائک نے اس سلسلے میں بیان دیتے ہوئے کہاکہ سرکاری سطح پر شرالی میں 45میٹر چوڑی  شاہراہ تعمیر کرنے کے لئے کوششیں جاری رہنے کے باوجود  آئی آر بی کمپنی کا  30 میٹر  کی توسیع کے ساتھ کام شروع کرنا قابل مذمت ہے۔  سنیل نائک نے بتایا کہ ضلع نگراں کاروزیر کی جانب سے  تعاون نہ  ملنے سے مسئلہ پیدا ہوگیا ہے،  انہوں نے متنبہ کیا کہ شاہراہ کی چوڑائی  30میٹر کے ساتھ ہی ہائی وے کا کام شروع کیا گیا  تو میں خود عوام کے ساتھ شامل ہوکر احتجاج کروں گا۔

جمعہ کو پھر بڑے پیمانے پر احتجاج : عوامی مطالبات کو نظر انداز کرتے ہوئے ضلعی انتظامیہ کی جانب سے شاہراہ کی چوڑائی کو 30میٹر تک ہی محدود کرتے ہوئے کام شروع کرنے پر شرالی گرام پنچایت صدر وینکٹیش نائک نے ایسے کام کی سخت  مخالفت کی ہے ۔ انہوں نے کہا ہے کہ   جمعہ کو دوبارہ بڑے پیمانے پر احتجاج کیا جائے گا۔ وینکٹیش نائک نے بتایا کہ جب تک ہماری مانگوں کو پورا نہیں کیاجائے  گا ہم خاموش  نہیں رہیں گے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...