بھٹکل :24؍فروری(ایس اؤ نیوز)شرالی کی خاتون ماہی گیر وں کے احتجاج کا سلسلہ جاری ہے، پیر کو شرالی علاقے کی ماہی گیر خواتین نے مچھلی مارکیٹ کے باہر بھی مچھلیوں کی فروخت کاری کی مخالفت کرتےہوئے احتجاج کیا۔
ماہی گیر خواتین نے شرالی پنچایت دفتر کے سامنے ہی مچھلیوں کو بیچتے ہوئے پنچایت کے عوامی نمائندوں کو متوجہ کرنے کی کوشش کی۔ خواتین ماہی گیروں کا احتجاج جاری رہنے سے ماحول پیچیدہ ہوتا جارہاہے، عورتوں نے بتایا کہ جب تک مارکیٹ کے باہر مچھلیوں کی فروخت کاری پر پابندی عائد نہیں کی جائے گی تب تک ہم دفتر کے سامنے ہی بیٹھ کر مچھلیاں فروخت کریں گے۔ چاہے کوئی بھی آجائے ہم ڈریں گے نہیں ، ہٹیں گے نہیں ، اپنا احتجاج جاری رکھیں گے۔ اس سلسلے میں سب سے اپیل کی کوئی توجہ دینے تیار نہیں ہے۔ اسی لئے ہمارے سامنے اب صرف احتجاج ہی ایک راستہ ہونے کی بات کہی۔