شرالی کے چتراپور کی ایک عورت لاپتہ : کیس درج
بھٹکل:7؍ستمبر(ایس اؤ نیوز) کسی کو کچھ بتائے بغیر گھر سے نکلی عورت ،گھر لوٹے بغیر لاپتہ ہونےکو لےکر بھٹکل دیہی پولس تھانہ میں شکایت داخل ہوئی ہے۔
لاپتہ عورت کی شناخت تعلقہ کے شرالی گرام پنچایت حدود کی تارا گوپال باکڑ (25) بتائی گئی ہے۔ خبرملی ہے کہ عورت کی شادی ہوکر 6سال کے بعد بھی بچے نہیں ہوئےاورکائی کنی کا ایک نوجوان اپنی بائک کے ذریعے کبھی کبھار ان کے گھر آجایا کرتاتھا۔ اسی پر شبہ جتایا گیا ہے۔ تارا کے شوہر گوپال کی طرف سے دی گئی شکایت پر کیس درج کرلینے کے بعد بھٹکل دیہی تھانہ پولس جانچ میں جٹی ہوئی ہے۔