سینٹروسٹا کی جگہ ہیلتھ کے شعبے کو بہتر بنانے پر پیسہ خرچ ہونا چاہیے: آنند شرما
نئی دہلی،2؍مئی (ایس او نیوز؍آئی این ایس انڈیا) کانگریس کے سینئر لیڈر آنند شرما نے وزیر اعظم نریندر مودی پر زور دیا کہ سنٹرل وسٹا منصوبے اور دوسرے ایسے منصوبوں کو روکا جائے اور ان پر خرچ ہونے والے پیسے کا استعمال ملک میں صحت کی دیکھ بھال کے بنیادی ڈھانچے بہتر بنانے کے لئے کیا جائے۔
انہوں نے وزیر اعظم سے درخواست کی کہ سینٹرل وسٹا منصوبے اور 17 ریاستوں کی دارالحکومت میں سینٹرل سیکرٹریٹ کے منصوبوں کو روکا جائے۔ قومی بحران کے وقت عالی شان عمارتوں کی تعمیر پر 25000 کروڑ روپے خرچ کرنا پبلک فنڈز کا غلط استعمال ہے۔شرما نے کہا کہ ملک وسائل کا سنگین بحران کا سامنا کر رہا ہے اور عالمی بینک اور ایشیائی ترقیاتی بینک سے قرض لے رہا ہے۔ انہوں نے کہا کہ ملک میں اسپتالوں اور صحت کی دیکھ بھال کی صورت میں بہتری کی ضرورت ہے۔