بی جے پی کررہی ہے خوف کی سیاست۔ رکن پارلیمان کے اندر ایک ریلوے لائن فراہم کرنے کی صلاحیت نہیں ہے۔جے ڈی ایس لیڈر ششی بھوشن کا الزام

Source: S.O. News Service | By Shahid Mukhtesar | Published on 15th April 2019, 5:33 PM | ساحلی خبریں |

سرسی 15؍اپریل ( ایس او نیوز) جنتادل ایس کے لیڈر ششی بھوشن نے الزام لگاتے ہوئے کہا ہے کہ دستوری اداروں پر اپنا شکنجہ کستے ہوئے بھارتیہ جنتاپارٹی ملک میں ایک خوف ودہشت والی سیاست چلارہی ہے۔

سرسی کے پریس کلب میں اخباری کانفرنس سے خطاب کرتے ہوئے انہوں نے کہا کہ جان بوجھ کر ہراساں کرنے کی نیت سے جنتادل اور کانگریس لیڈران او ران سے وابستہ افراد کے گھروں اور دفتروں پر انکم ٹیکس کے چھاپے مارے جارہے ہیں۔مرکزی تفتیشی ادارے (سی بی آئی)کے بعداب بی جے پی محکمہ انکم ٹیکس کا ناجائز استعمال کررہی ہے۔انہوں نے کہا کہ ریاست میں گزشتہ ڈیڑھ مہینے سے کانگریس اور جے ڈی ایس لیڈروں کے گھروں پر چھاپے مارے جارہے تھے۔ اب کاروار ضلع میں بھی مختلف مقامات پر چھاپے مارے جارہے ہیں۔بی جے پی کچھ فقیرانہ انداز میں انتخابات نہیں لڑ رہی ہے۔ سب سے زیادہ عطیہ جات جمع کرتے ہوئے اشتہاری مہم پر بے پناہ رقم خرچ کرنے میں بی جے پی ہی سر فہرست ہے۔لیکن الیکشن کے ضابطہ اخلاق کے نام پر صرف اپنا سیاسی مفاد پورا کرنے کے لئے مخلوط حکومت کے لیڈروں کو نشانہ بنایا جارہا ہے۔

ششی بھوشن نے مزید کہا کہ اس مرتبہ بی جے پی والے ترقی کے نام پر الیکشن لڑنے کے بجائے جذباتی استحصال کی پالیسی پر عمل کررہے ہیں۔صرف پلوامہ او ربالاکوٹ کے واقعات گنائے جارہے ہیں۔2014سے 2019تک کیے گئے تعمیری اور ترقیاتی کام کی کوئی تفصیل او رذکر ان کے پاس نہیں ہے۔خود وزیراعظم نریندرا مودی منفی انداز میں تقاریر کررہے ہیں۔ملک اور عوام کی ترقی کے محاذ پر ناکام ہونے والے یہ لوگ الزام تراشی کو ہی اپنا ہتھیار بنائے ہوئے ہیں۔ضلع کے رکن پارلیمان اور مرکزی وزیر اننت کمار ہیگڈے پر طنز کستے ہوئے ششی بھوشن نے کہا کہ ان کے اندرایک ریلوے لائن کو منظوری دلوانے کی صلاحیت موجود نہیں ہے۔

ششی بھوشن نے بتایا کہ شمالی کینرا سیٹ جنتادل کو دئے جانے کے سلسلے میں کانگریس کے اندر اختلافات نہیں ہیں۔ مضافاتی علاقوں میں کانگریس او ر جے ڈی ایس کے کارکنان اور لیڈران مشترکہ طور پر انتخابی مہم چلارہے ہیں۔ضلع انچارج وزیر آر وی دیشپانڈے 16سے18اپریل تک ضلع کے تمام تعلقہ جات میں انتخابی مہم چلائیں گے۔ اس کے علاوہ وزیر اعلیٰ کمار اسوامی ایک دن کے لئے انتخابی مہم میں حصہ لیں گے۔چونکہ علاقے کے عوام تبدیلی چاہتے ہیں اس لئے اسنوٹیکر کی جیت یقینی ہے۔

پریس کانفرنس کے موقع پر تمپّا مڈیوال، جی این ہیگڈے، سید مجیب، سبھاش منڈور، ریوتی وڈّار، نارائن نائک وغیرہ موجود تھے۔

ایک نظر اس پر بھی

منگلورو میں سی اے اے مخالف احتجاج کے دوران ہوئی پولیس فائرنگ میں ہلاک ہونے والے افراد کے خاندانوں کو معاوضہ

بنگلورو میں آئی یو ایم ایل کے نیشنل سکریٹریٹ کا اجلاس منعقد ہوا۔ اس موقع پر کرناٹک کے ساحلی شہر منگلورو کے دو متاثرہ خاندانوں کو پانچ پانچ لاکھ روپئے کے چیک دئے گئے۔

سرسی میں راہ گیرعورتوں کے  زیورات چھین کر فرار ہونے والا لٹیرا گرفتار

راہ چلتی خواتین کے گلےمیں اور ان کے  جسم  پر موجود سونے کے زیورات کو چھین کر فرار ہونے والے لٹیرے کو شہر کی مارکیٹ تھانہ  پولس نے گرفتار کرتےہوئے 1لاکھ روپئے  مالیت کے سونے کے زیورات ضبط کرلینے کا واقعہ پیش آیا ہے۔

بھٹکل انجمن حامئی مسلمین کی نومنتخب مجلس عاملہ کی میٹنگ میں اگلی میعاد کے لئے عہدیداران کا انتخاب : ایڈوکیٹ مزمل قاضیا صدر اور اسماعیل صدیق جنرل سکریٹری منتخب

مشہور و معروف قو می تعلیمی ادارے انجمن حامئی مسلمین بھٹکل کی مین آفس  شمس الدین بلاک میں 22فروری کو محمد شفیع شاہ بندری پٹیل کی صدارت میں  منعقدہ  انجمن کے نومنتخب مجلس انتظامیہ کی میٹنگ میں ہائی کورٹ کے وکیل  ایڈوکیٹ محمد مزمل قاضیا کو صدر اور  جنرل سکریٹری کے طورپردوبارہ ...