ترینت پورم، 15 اپریل(ایس او نیوز؍آئی این ایس انڈیا) کیرالہ کے تریونت پورم سے موجودہ ایم پی ششی تھرور ایک مندر میں پوجا کے دوران گر پڑے۔اس میں انہیں سنگین چوٹ آئی ہے،علاج کے لئے انہیں تریونت پورم کے جنرل ہسپتال میں داخل کرایا گیا ہے،انہیں پیشانی میں گہری چوٹ لگی ہے،علاج کر رہے ڈاکٹر کے مطابق وہ خطرے سے باہر بتائے جا رہے ہیں لیکن پیشانی میں انہیں چھ ٹانکے لگے ہیں،تھرور مندر میں تلابھرم پوجا کر رہے تھے۔تلابھرم ایسی پوجا ہے جو کیرالہ کے کچھ گنے چنے مندروں میں ہی ہوتی ہے۔اس پوجا میں ان کے وزن کے برابر قربانی دی جاتی ہے،دیوی دیوتا جو کچھ عقیدت پیش کرنا ہے، اس سے پہلے اس کے وزن کے برابر تولا جاتا ہے، مندروں میں وزن کے لئے بڑی بڑی مشینیں لگی ہوتی ہیں۔تھرور پھر اس بار ترواننت پورم سے کانگریس کے لوک سبھا امیدوار ہیں۔اس سیٹ سے دو بار کانگریس کے رکن پارلیمان منتخب ہوئے تھرور کا مقابلہ بی جے پی لیڈر اور میزورم کے سابق گورنر کمانیم راج شیکھرن اور سی پی آئی ایم ایل اے اور ریاست کے سابق وزیر سی دواکرن سے ہے۔تھرور اس سیٹ سے پہلی بار 2009 میں انتخابات لڑے تھے۔اس بار ان کو ایک لاکھ سے تین ووٹ کم ملے تھے، لیکن 2014 میں وہ تقریبا 15000 ووٹوں کے فرق سے جیتے،بعد میں ان کی بیوی سنندا پشکر کی مشتبہ حالات میں موت ہو گئی۔اس بار سبریملا مندر تنازعہ میں کودنے کی وجہ سے نائر کمیونٹی کا ان کا روایتی ووٹ بینک بھی گھٹا ہے،اسے دیکھتے ہوئے ششی تھرور نے پارٹی ہائی کمان کو خط لکھ کر شکایت کی ہے کہ مقامی پارٹی لیڈر ان انتخابی مہم میں دلچسپی نہیں لے رہے ہیں۔