ٹی 20-سیریز پر بھی ہندوستان کا قبضہ روہت شرما کا ریکارڈ۔35؍گیندوں میں سنچری بنائی

Source: S.O. News Service | By Shahid Mukhtesar | Published on 24th December 2017, 11:43 AM | اسپورٹس |

نئی دہلی۔23؍دسمبر (ایجنسیز) اندور کے ہولکر اسٹیڈیم میں آج سری لنکا کے خلاف منعقد ہوئے دوسرے ٹی 20-میچ میں ہندوستان نے سری لنکا کو 88؍رنوں سے شکست دے کر ٹی 20-سیریز بھی اپنے نام کرلی ۔ سری لنکا نے پہلے ٹاس جیت کر گیندبازی کا فیصلہ کیا اور ہندوستان کے کھلاڑیوں نے مقررہ 20؍اووروں میں 5؍وکٹ کے نقصان پر 260؍رن بنائے۔ جواب میں سری لنکا کے کھلاڑی 17.2اووروں میں 172؍رن بناکر آل آؤٹ ہوگئے۔ اس طرح ہندوستان نے 3؍ٹی ۔20میچوں کی سیریز میں 2-0سے برتری حاصل کرلی۔ سری لنکا کی جانب سے کشال 77؍اور ترنگا 44؍ نے ہی سب سے زیادہ رن بنائے۔ چہل نے سری لنکا کے چار وکٹ ،کل دیپ یادو نے 3؍ وکٹ اور انادکٹ نے ایک وکٹ لیا۔ ہندوستانی کرکٹ ٹیم نے اندور کے ہولکر اسٹیڈیم میں ایک نیا ریکارڈ اپنے نام درج کرلیا ہے۔ ٹیم نے ٹی 20 بین الاقوامی میچ میں 20اوور میں 5؍وکٹ کے نقصان پر 260؍رن بناکر تاریخ رقم کی ہے۔ یہ ٹی 20-میچ ہندوستان کے سب سے بڑے اسکور والا ہے۔ اس میچ میں ہندوستان نے 21؍چوکے اور21؍چھکے لگائے ہیں۔ اس سے پہلے بین الاقوامی ٹی 20-میچ میں سب سے زیادہ اسکور کا ریکارڈ آسٹریلیا کے نام ہے۔ جس نے 6؍ستمبر 2016ء کو سری لنکا کے خلاف پلے کل میں 20؍اوور میں 3؍وکٹ کے نقصان پر 263؍رن بنائے تھے۔ اس کے علاوہ سری لنکا نے 14؍ستمبر 2007ء کو کینیا کے خلاف 6؍وکٹ پر 244؍رن بنایاتھا اور آج حوصلہ بلند ٹیم انڈیا کے کھلاڑیوں نے تابڑ توڑ بلے بازی کرتے ہوئے سری لنکا کے گیند بازوں کی دھجیاں اڑاکر ایک ریکارڈ اپنے نام کرلیا جو روہت شرما کے مستقبل کے لئے بہتر ہوگا۔ ہندوستان کی جانب سے کپتان روہت شرما نے سب سے زیادہ 118؍رن بنائے۔ انہوں نے محض 35؍گیندوں پر اپنی سنچری بنائی۔ اس سے پہلے سری لنکا نے ہندوستان کے خلاف ٹی 20- میچوں کی سریز کے دوسرے میچ میں ٹاس جیت کر گیندبازی کا فیصلہ کیا۔ویراٹ کوہلی کی عدم موجودگی میں ہندوستانی کرکٹ ٹیم کے کپتان روہت شرما نے اپنے نام ایک اور کامیابی درج کرالیا ہے۔ انہوں نے ٹی۔20 بین الاقوامی کرکٹ میں صرف 35؍گیندوں پر سنچری بنالی ہے۔ اس کے ساتھ انہوں نے جنوبی افریقہ کے کھلاڑی ڈیوڈملر کے ریکارڈ کی برابری کرلی ہے۔ملر نے اس سال 29؍اکتوبر کو بنگلہ دیش کے خلاف سنچری لگائی تھی۔ اندور کے ہولکر اسٹیڈیم میں روہت شرما نے سری لنکا کے خلاف اپنی اننگ میں 11؍چوکے اور8؍چھکے لگائے۔ اینجلو میتھیوز کی گیند پر چوکا لگاکر ریکارڈ کی برابری کرلی ہے۔ اس کے ساتھ ہی روہت ٹی۔20 بین الاقوامی کرکٹ میں سب سے تیز سنچری بنانے والے ہندوستانی کھلاڑی بن گئے ہیں۔ اس سے قبل سب سے تیز سنچری بنانے والے ہندوستان کے ایک اور بلے باز کے ایل راہل تھے جنہوں نے ویسٹ انڈیز کے خلاف 40؍گیندوں پر سنچری بنائی تھی۔ ٹی20- کرکٹ میں سب سے تیز سنچری کا ریکارڈ ویسٹ انڈیز کے کھلاڑی کرس گیل کے نام ہے جنہوں نے آر سی بی کی جانب سے کھیلتے ہوئے پونے کے ویریئرس کے خلاف 30؍گیندوں پر سنچری بنائی تھی۔ اس سے قبل 2016ء میں آسٹریلیا نے سری لنکا کے خلاف 20؍اوور میں 263رن بنائے تھے جو آج بھی ریکارڈ ہے۔ 

ایک نظر اس پر بھی

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...

ہندوستان نے دوسرے ٹیسٹ میں انگلینڈ کو 106 رنوں سے دی شکست، سیریز 1-1 سے برابر

) ہندوستان نے پہلے ٹیسٹ میچ میں انگلینڈ سے ملی شکست کا بدلہ آج وشاکھاٹنم میں لے کر سیریز کو 1-1 سے برابر کر دیا ہے۔ 5 ٹیسٹ میچوں کی سیریز کا دوسرا ٹیسٹ ہندوستان نے 106 رنوں سے جیت لیا ہے۔ اس جیت کے ہیرو پلیئر آف دی میچ جسپریت بمراہ رہے جنھوں نے دونوں اننگ میں مجموعی طور پر 9 ...

کیپ ٹاؤن میں ہندوستان کی جنوبی افریقہ پر تاریخی فتح، میچ دوسرے ہی دن ختم، ٹیسٹ سیریز 1-1 سے برابر

ہندوستانی مینس کرکٹ ٹیم نے 2024 کا آغاز ایک شاندار اور ریکارڈ ساز جیت کے ساتھ کیا ہے۔ کیپ ٹاؤن کے نیولینڈس میں 3 جنوری سے شروع ہوا ٹیسٹ میچ 4 جنوری یعنی دوسرے دن ہی ختم ہو گیا۔ ہندوستان کو جیت کے لیے دوسری اننگ میں 79 رنوں کا ہدف ملا تھا جسے روہت بریگیڈ نے محض 3 وکٹ کے نقصان پر حاصل ...

جنوبی آفریقہ نے پہلے ٹیسٹ میں انڈیا کو دی ایک اننگ اور 32 رنوں سے شکست

جنوبی افریقہ کے خلاف دو ٹیسٹ میچوں کی سیریز کا پہلا ٹیسٹ ہندوستانی ٹیم ایک اننگ اور 32 رنوں سے ہار گئی ہے۔ اس شرمناک شکست کا ذمہ دار ہندوستانی بلے باز اور گیندبازوں دونوں رہے، کیونکہ پہلی اننگ میں کسی طرح 245 رن کا اسکور بنانے کے بعد ہندوستانی ٹیم دوسری اننگ میں محض 131 رنوں پر ...