مہاراشٹر سیاسی بحران: ادھو ٹھاکرے اور شرد پوار کے درمیان میٹنگ ختم

Source: S.O. News Service | Published on 23rd June 2022, 11:07 AM | ملکی خبریں |

ممبئی، 23؍جون (ایس او نیوز؍ایجنسی) مہاراشٹر میں جاری سیاسی بحران کے درمیان بدھ کی شام وزیر اعلیٰ ادھو ٹھاکرے اور این سی پی سربراہ شرد پوار کی اہم میٹنگ ہوئی۔ اس میٹنگ میں شرد پوار کی بیٹی سپریا سولے بھی ساتھ تھیں۔ ملاقات کے دوران ریاست کی موجودہ صورت حال پر تبادلہ خیال کیا گیا اور اس بات پر صلاح و مشورے ہوئے کہ شیوسینا رکن اسمبلی ایکناتھ شندے اور ان کے ساتھ کھڑے دیگر شیوسینا اراکین اسمبلی کی ناراضگی کس طرح دور کی جائے۔ میڈیا ذرائع کے مطابق شرد پوار نے شیوسینا میں پیدا بغاوت کی آواز کو کم کرنے سے متعلق ایک اہم مشورہ ادھو ٹھاکرے کو دیا۔ انھوں نے کہا کہ اگر بغاوت کو کم کرنا ہے تو ایکناتھ شندے کو وزیر اعلیٰ بنانے کا فیصلہ لینا چاہیے۔

اس تعلق سے نیوز پورٹل ’اے بی پی لائیو‘ پر جو خبر شائع ہوئی ہے اس میں بتایا گیا ہے کہ مہاراشٹر کانگریس کے سربراہ نانا پٹولے نے بھی کہا ہے کہ انھیں ایکناتھ شندے کو حمایت دینے میں کوئی دقت نہیں ہے۔ انھوں نے کہا کہ ادھو ٹھاکرے جو بھی فیصلہ لیں گے وہ منظور ہے۔ یہاں قابل ذکر ہے کہ ایکناتھ شندے نے ادھو ٹھاکرے کے سامنے شرط رکھی ہے کہ وہ بی جے پی کے ساتھ مل کر حکومت سازی کریں، لیکن ادھو اس کے لیے تیار نہیں ہیں۔ شیوسینا لیڈر سنجے راؤت نے بھی صاف لفظوں میں کہا ہے کہ وہ این سی پی اور کانگریس کا ساتھ چھوڑ کر بی جے پی کا دامن نہیں تھامیں گے۔

شرد پوار سے ملاقات سے ٹھیک پہلے وزیر اعلیٰ ادھو ٹھاکرے نے ریاست کے لوگوں سے ورچوئل خطاب بھی کیا۔ اس خطاب کے دوران انھوں نے ریاستی حکومت پر آئے بحران سے متعلق خاموشی توڑتے ہوئے کہا کہ اگر باغی اراکین اسمبلی ان سے یہ کہتے ہیں کہ وہ انھیں (ٹھاکرے کو) وزیر اعلیٰ کی شکل میں نہیں دیکھنا چاہتے ہیں تو وہ اپنا عہدہ چھوڑنے کے لیے تیار ہیں۔ انھوں نے کہا کہ ’’سورت اور دیگر مقامات سے بیان کیوں دے رہے ہیں؟ میرے سامنے آ کر مجھ سے کہہ دیں کہ میں وزیر اعلیٰ اور شیوسینا صدر کے عہدوں کو سنبھالنے میں ناکام ہوں۔ میں فوراً استعفیٰ دے دوں گا۔ میں اپنا استعفیٰ تیار رکھوں گا اور آپ آ کر اسے راج بھون لے جا سکتے ہیں۔‘‘

ادھو ٹھاکرے نے اپنے خطاب میں یہ بھی کہا کہ وزیر اعلیٰ عہدہ پر کسی بھی شیوسینک کو اپنا جانشیں دیکھ کر انھیں خوشی ہوگی۔ ٹھاکرے نے یہ بھی واضح کیا کہ این سی پی سربراہ شرد پوار کے مشورے پر اپنی ناتجربہ کاری کے باوجود وزیر اعلیٰ کا عہدہ سنبھالا، اور اگر کسی شیوسینک کو لگتا ہے کہ وہ اپنی ذمہ داری نہیں سنبھال پا رہے تھے استعفیٰ دینے میں کوئی جھجک نہیں ہوگی۔

ایک نظر اس پر بھی

اُدھو ٹھاکرے سرگرم، شیو سینا کو مضبوط بنانے کاعزم، ضلع صدور سے مسلسل رابطے میں۔ سنجے رائوت کا دعویٰ :اگر ابھی انتخاب ہوئے تو شیو سینا کو آسانی سے 100سیٹیں مل جائیں گی

مہاراشٹرکی سیاست میں دائو پیچ کے معاملے میں فی الحال پیچھے رہ گئے شیو سینا سربراہ ادھو ٹھاکرے بھلے ہی اپنوں کی بغاوت کی وجہ سے دلی طور پر رنجیدہ ہیں لیکن انہوں نے پارٹی کو مضبوط بنانے کاعزم کر رکھا ہے جس کی وجہ سے اب وہ پارٹی امور کے سلسلے میں نہ صرف سرگرم ہو گئے ہیں بلکہ انہوں ...

نپور شرما کیس : سپریم کورٹ کے ججوں کے تبصرہ پر چیف جسٹس کو خط، سابق جج جسٹس رویندرن کے خط پر 15 ریٹائرڈ ججوں ، 77 سابق نوکر شاہوں اور 25 سابق فوجی افسران نے دستخط کئے

  نپور شرما  کے خلاف گزشتہ دنوںسپریم کورٹ کے ذریعہ کئے گئے سخت ترین تبصرے پر سابق ججوں نے تنقید کی ہے اور ملک کے چیف جسٹس رامنا کو خط لکھ کر اس کی شکایت کی ہے۔ کیرالا ہائی کورٹ کے سابق جج جسٹس رویندرن نے اس تعلق سے خط لکھا  ہے جس پر  ۱۵؍ ریٹائرڈ ججوں، ۷۷؍ریٹائرڈ نوکرشاہوں  اور ...

گھریلو ایل پی جی سلنڈر کے داموں میں 50 روپے کا اضافہ

عوام کو اس وقت مہنگائی کا بڑا جھٹکا لگا جب ایل پی جی سلنڈر کے داموں میں اضافہ ہو گیا۔ گھریلو ایل پی جی سلنڈر کی قیمت میں بدھ کے روز 50 روپے فی سلنڈر اضافہ ہوا ہے۔ بڑھتی ہوئی قیمتوں کا اطلاق آج سے ہو گیا ہے۔ اس اضافے کے بعد دہلی میں ایل پی جی سلنڈر 1053 روپے فی سلنڈر کے حساب سے دستیاب ...

2024 کے لوک سبھا انتخابات سے قبل سی اے اے نافذ ہو جائے گا، بنگال بی جے پی صدر

 مغربی بنگال بی جے پی کے صدر سوکانت مجمدار نے منگل کے روز کہا کہ شہریت (ترمیمی) قانون یعنی سی اے اے کو 2024 کے لوک سبھا انتخابات سے قبل نافذ کر دیا جائے گا۔ انہوں نے کہا کہ بی جے پی کا اپنے وعدوں کو نبھانے کا ٹریک ریکارڈ رہا ہے۔

مدھیہ پردیش میں ہلاک آر ٹی آئی کارکن کو ملی تھی کئی دھمکیاں، مزید کئی انکشافات

مدھیہ پردیش کے ودیشا ضلع میں ایک سرکاری دفتر میں 42 سالہ آر ٹی آئی کارکن رنجیت سونی کا گولی مار کر قتل کیے جانے کے ایک ماہ بعد ایک فیکٹ فائنڈنگ ٹیم نے اس قتل سے متعلق جو رپورٹ جاری کی ہے اس سے کئی انکشافات ہوئے ہیں۔