بریکنگ نیوز

شین وارن کی پوسٹ مارٹم رپورٹ منظر عام پر، تھائی لینڈ پولیس نے جاری کیا بیان

Source: S.O. News Service | Published on 8th March 2022, 1:39 PM | اسپورٹس |

سڈنی 8؍ مارچ (ایس او نیوز؍ایجنسی) آسٹریلیا کے مایہ ناز سابق کرکٹر اور اسپن گیندبازی کے جادوگر شین وارن کی موت سے دنیائے کرکٹ صدمے میں ہے۔ 4 مارچ کو ہوئی وارن کی موت سے متعلق آج پوسٹ مارٹم رپورٹ منظرعام پر آ گئی ہے۔ پیر کے روز تھائی لینڈ پولیس نے پوسٹ مارٹم رپورٹ جاری کرتے ہوئے کہا کہ ان کی موت قدرتی ہے، اس میں ابھی تک کسی بھی طرح کی سازش کا عنصر دکھائی نہیں پڑا ہے۔ خبر رساں ایجنسی رائٹرس کا کہنا ہے کہ ’’پولیس کو پوسٹ مارٹم رپورٹ مل گئی ہے، جس میں طبی جانکاری یہی ہے کہ شین وارن کی موت فطری ہے۔ پولیس جلد ہی اس کے مطابق وکیلوں سے بات کرے گی۔‘‘

واضح رہے کہ 52 سالہ شین وارن تھائی لینڈ میں اپنے کچھ دوستوں کے ساتھ چھٹیاں منانے گئے تھے۔ 4 مارچ کی شام ان کی موت ہو گئی اور اس خبر نے دنیائے کرکٹ کو زوردار جھٹکا دیا۔ شین وارن ایک بنگلے میں رکے ہوئے تھے جہاں ان کے کمرے میں انھیں دل کا دورہ پڑا۔ شین وارن کو ایمبولنس سے اسپتال لے جایا گیا جہاں ان کی موت ہو گئی تھی۔ تھائی لینڈ پولیس نے شروع میں ہی کہا تھا کہ اس موت میں کسی بھی طرح کی گڑبڑی نظر نہیں آ رہی۔ پولیس نے شین وارن کے ساتھ تھائی لینڈ میں موجود تین دوستوں سے پوچھ تاچھ بھی کی تھی۔

اس درمیان ایرسکنے نے ’نائن نیٹورک‘ سے شین وارن کے متعلق کچھ اہم باتیں سامنے رکھی ہیں۔ انھوں نے کہا کہ ’’وہ عجیب و غریب ڈائٹ پر رہتے تھے۔ حال ہی میں اس طرح کی ڈائٹ میں وہ 14 دن صرف مشروبات لے رہے تھے۔ ایسا وہ تین چار بار کر چکے تھے۔‘‘ انھوں نے مزید کہا کہ ’’اس میں وہ سیاہ اور سبز جوس ہی لے رہے تھے، یا پھر سفید بَن اور مسکا، یا درمیان میں لسانیا بھرا ہوا بَن تھا۔ پوری زندگی وہ سگریٹ پیتے رہے۔ مجھے لگتا ہے کہ انھیں دل کا دورہ ہی پڑا ہوگا۔‘‘

ایک نظر اس پر بھی

نیوزی لینڈ نے پہلے ٹی-20 میں ہندوستان کو 21رنوں سے شکست دے دی

ہندوستان اور نیوزی لینڈ کے درمیان ٹی-20 سیریز کا پہلا میچ رانچی میں کھیلا گیا، جس میں نیوزی لینڈ نے 21 رنوں سے جیت حاصل کی۔ واشنگٹن سندر نے ہندوستان کے لیے آل راؤنڈ کارکردگی کا مظاہرہ کیا لیکن وہ ٹیم انڈیا کو جیت سے ہم کنار نہیں کرا سکے۔ طوفانی نصف سنچری بنانے کے علاوہ سندر نے 2 ...

محمد سراج وَنڈے رینکنگ میں بنے دنیا کے نمبر 1 گیند باز

ہندوستان کے تیز گیندباز محمد سراج نے وَنڈے کرکٹ میں دنیا کے نمبر 1 گیندباز ہونے کا تمغہ حاصل کر لیا ہے۔ آئی سی سی کی تازہ وَنڈے رینکنگ منظر عام پر آنے کے بعد ہندوستانی کرکٹ شیدائیوں میں خوشی کی لہر دوڑ گئی ہے، کیونکہ عرصہ بعد وَنڈے کرکٹ میں کسی ہندوستانی گیندباز نے نمبر ایک کی ...

ہندوستان نے نیوزی لینڈ کو کلین سویپ کرکے ونڈے میں نمبر ایک مقام حاصل کرلیا

  ہندوستان نے کپتان روہت شرما (101) اور شبھمن گل (112) کی شاندار سنچریوں کی بدولت منگل کو تیسرے اور آخری ون ڈے میں نیوزی لینڈ کو 90 رن سے شکست دے کر ون ڈے سیریز 3-0سے جیت لی۔ ہندوستان نے پہلے بیٹنگ کرتے ہوئے 50 اووروں میں نو وکٹوں کے نقصان پر 385 رن بنائے۔ جواب میں نیوزی لینڈ کی پوری ٹیم 41.2 ...