شکیب الحسن کی شاندار سنچری کی بدولت بنگلہ دیش نے ویسٹ انڈیز کو 7 وکٹوں سے شکست دیدی

Source: S.O. News Service | By Shahid Mukhtesar | Published on 18th June 2019, 11:07 AM | اسپورٹس |

ٹاؤنٹن،18؍جون(ایس او نیوز؍ایجنسی) ٹاؤنٹن میں کھلیے گئے ورلڈ کپ 2019ء کے میچ میں بنگلہ دیش نے ٹاس جیت کر فیلڈنگ کا فیصلہ کیا، ویسٹ انڈیز نے مقررہ 50 اوورز میں 8 وکٹوں کے نقصان پر 321 رنز بنائے۔

کرس گیل بغیر کوئی رن بنائے پویلین لوٹ گئے، ایون لیوس نے 70 رنز کی اننگز کھیلی، شائے ہوپس 4 رنز کی کمی سے سنچری مکمل نہ کرسکے اور 96 رنز بنا کر پویلین لوٹ گئے، شمرون ہیٹمائر 50 اور نکولس پورن 25 رنز بنا کر آؤٹ ہوئے۔

آندرے رسل صفر، جیسن ہولڈر 33 اور ڈیرن براوو 19 رنز بنا کر وکٹیں گنوا گئے، اوشین تھومس 6 رنز کے ساتھ ناٹ آؤٹ رہے۔

بنگلہ دیش کی جانب سے سیف الدین اور مستفیض الرحمان نے 3، 3 جبکہ شکیب الحسن نے 2 کھلاڑیوں کو آؤٹ کیا۔

بنگلہ دیش نے 322 رنز کا ہدف 41.3 اوورز میں صرف 3 وکٹوں پر پورا کرلیا، اوپنرز نے 52 رنز کا آغاز فراہم کیا تاہم سومیا سرکار 29 رنز بنا کر آندرے رسل کی گیند پر کرس گیل کے ہاتھوں کیچ ہوگئے، تمیم اقبال اور شکیب الحسن کے درمیان 69 رنز کی شراکت قائم ہوئی، لیفٹ ہینڈر اوپنر 48 کے اسکور پر رن آؤٹ ہوگئے۔

شکیب الحسن کا ساتھ دینے مشفیق الرحیم کریز پر آئے مگر وہ صرف ایک رن پر پویلین لوٹ گئے، ویسٹ انڈین بولرز شکیب الحسن اور لٹن داس کی جوڑی توڑنے میں آخر تک ناکام رہے۔

لیفٹ ہینڈر آل راؤنڈر شکیب الحسن نے 99 گیندوں پر 124 رنز بنائے، ان کی اننگز میں 16 چوکے شامل تھے، وکٹ کیپر بیٹسمین لٹن داس نے جارحانہ بیٹنگ کرتے ہوئے 69 گیندوں پر 4 چھکوں اور 8 چوکوں کی مدد سے 94 رنز کی ناقابل شکست اننگز کھیلی۔

ویسٹ انڈیز کی جانب سے آندرے رسل اور اوشین تھوماس ایک ایک کھلاڑی کو آؤٹ کرسکے۔

شکیب الحسن کو شاندار آل راؤنڈ کارکردگی پر میچ کا بہترین کھلاڑی قرار دیا گیا، انہوں نے 124 رنز کی ناقابل شکست اننگز کھیلی جبکہ 2 کھلاڑیوں کو بھی آؤٹ کیا۔

ایک نظر اس پر بھی

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...

ورلڈ کپ کرکٹ ٹورنامنٹ کا فائنل بے حد دلچسپ؛ ٹائی ہونے کے بعد سوپر اوور میں بھی اسکور برابر؛ باونڈریس زائد ہونے پر انگلینڈ پہلی مرتبہ بنا ورلڈ چیمپئن

لندن کے لارڈس میدان میں منعقد ورلڈ کپ 2019 کرکٹ ٹورنامنٹ کا فائنل میچ ڈرامائی انداز میں ٹائی ہونے کے بعد  انگلینڈ  نے سوپر اوور کے بعد نیوزی لینڈ کو سنسنی خیز مقابلے   میں شکست دے دی اور پہلی بار عالمی کپ جیتنے میں کامیاب ہوگئی۔ فائنل مقابلہ اتنا دلچسپ اور کانٹے کا رہا کہ  ...

عالمی کپ فائنل: کون رقم کرے گا تاریخ، نیوزی لینڈ یا انگلینڈ!

قریب ڈیڑھ ماہ کی مہم جوئی کے بعد اب آئی سی سی ورلڈ کپ کا اختتام ہونے جا رہا ہے اور لندن کے لارڈز کے میدان پر نیوزی لینڈ اور میزبان انگلینڈ کے درمیان اتوار کو ہونے والے فائنل میں جیت کسی بھی ٹیم کی ہو 'تاریخ 'بننا طے ہے۔

انگلینڈ 27 سال بعد ورلڈکپ کے فائنل میں پہنچ گیا،دفاعی چیمپئن آسٹریلیا کو انگلینڈ کے ہاتھوں دوسرے سیمی فائنل میں 8 وکٹوں سے شکست

تاریخ بدلنے کو تیار، انگلینڈ آسٹریلیا کو شکست دے کر فائنل میں پہنچ گیا، دفاعی چیمپئن کو انگلینڈ کے ہاتھوں دوسرے سیمی فائنل میں 8 وکٹوں سے شکست۔