چنمیانند کیس: ایس آئی ٹی ’رڈار‘ پر بی جے پی کے 2 لیڈران، کی تھی ویڈیو خریدنے کی کوشش!

Source: S.O. News Service | Published on 15th October 2019, 11:04 AM | ملکی خبریں |

شاہجہاں پور،15؍اکتوبر (ایس او نیوز؍ایجنسی) سابق مرکزی وزیر سوامی چنمیانند کے خلاف لگے جنسی استحصال کے الزامات کی جانچ کر رہی ایس آئی ٹی کی ٹیم متحرک ہے۔ اب اس کے رڈار پر شاہجہاں میں بی جے پی کے دو لیڈر آ گئے ہیں۔ امکان ظاہر کیا جا رہا ہے کہ دونوں لیڈر وصولی معاملے کے تین ملزمین میں سے ایک سنجے سنگھ کے ساتھ قریبی رابطہ میں رہے ہیں۔

ایس آئی ٹی ذرائع کے مطابق ان لیدروں کو ویڈیو ریکارڈنگ کے بارے میں وکرم کے ذریعہ پتہ چلا تھا۔ وکرم معاملے کا ایک دیگر ملزم ہے۔ مبینہ طور سے انھوں نے سنجے سے ویڈیو ریکارڈنگ حاصل کرنے اور غالباً اپنا سیاسی مفاد حاصل کرنے کے لیے روپے بھی دینا چاہتے تھے۔

ایس آئی ٹی کے ایک افسر نے کہا کہ ’’یہ لیڈر ملزمین کے ساتھ لگاتار رابطہ میں تھے اور ہم ان کے کردار کی جانچ کر رہے ہیں۔‘‘ دونوں لیڈر 30 اگست کو راجستھان کے دوسہ ضلع میں بالاجی مندر کے پاس اسی ہوٹل میں موجود تھے، جہاں چنمیانند کے خلاف الزام لگانے کے ایک ہفتہ بعد لاپتہ طالبہ برآمد ہوئی تھی۔

متاثرہ جس کالج میں پڑھتی تھی، اس کے دو ملزمین سے بھی ایس آئی ٹی پوچھ تاچھ کر رہی ہے۔ متاثرہ نے اپنے بیان میں کالج کے پرنسپل، سکریٹری اور وارڈن کا بھی تذکرہ کیا تھا اور جنسی استحصال معاملے میں ایس آئی ٹی ان کے کردار کی بھی جانچ کر رہی ہے۔ اس معاملے کو دیکھ رہی الٰہ آباد ہائی کورٹ کی خصوصی بنچ نے ایس آئی ٹی کے ذریعہ داخل رپورٹ پر اطمینان کا اظہار کیا ہے۔

ایس آئی ٹی دو معاملوں کی جانچ کر رہی ہے اور چنمیانند کے آشرم میں چل رہے کالج میں پڑھنے والی طالبہ کی شکایت کی بنیاد پر اس نے 20 ستمبر کو چنمیانند کو گرفتار کیا تھا۔ متاثرہ نے ثبوت کے طور پر 40 ویڈیو پیش کیے تھے۔ دوسرا معاملہ وصولی سے متعلق ہے جس میں ایس آئی تھی نے متاثرہ اور اس کے دوست سنجے، وکرم اور سچن کو گرفتار کیا تھا۔

ایک نظر اس پر بھی

بابری مسجد معاملے پر سپریم کورٹ کے فیصلہ سے ناخوش پاپولر فرنٹ کی طرف سے بھی نظر ثانی کی عرضی داخل

بابری مسجد حق ملکیت معاملے میں سپریم کورٹ کی آئینی بنچ کے فیصلے کو چیلنج کرتے ہوئے، پاپولر فرنٹ آف انڈیا نارتھ زون کے سکریٹری انیس انصاری نے بھی 9/ڈسمبر بروز پیر کو سپریم کورٹ میں نظر ثانی کی عرضی داخل کی ہے۔ پی ایف آئی کی جانب سے جاری کردی پریس ریلیز میں بتایا گیا ہے کہ رویو ...