پاکستان کے آل راؤنڈرشاہد آفریدی کے گھر پانچویں بیٹی کی پیدائش

Source: S.O. News Service | Published on 16th February 2020, 12:46 AM | عالمی خبریں | اسپورٹس |

نئی دہلی،15/فروری(ایس او نیوز/ایجنسی) پاکستان کے آل راؤنڈر شاہد آفریدی کے یہاں پانچویں بیٹی کی پیدائش ہوئی ہے۔ شاہد آفریدی نے سوشل میدیا پر اپنی بیٹیوں کی تصویر شیئر کرتے ہوئے لکھا ہے کہ میں یہ خوشخبری اپنے چاہنے والوں کے ساتھ شیئر کر رہا ہوں۔

شاہد آفریدی نے کہا کہ 'اللہ کی مجھ پر بے پناہ رحمتیں ہیں، چار بیٹیوں کے بعد اللہ نے مجھے پانچویں بیٹی سے نوازا ہے۔ میں اس کا بے حد شکر گزار ہوں۔

تصویر شیئر کرنے کے بعد شاہد آفریدی کے چاہنے والوں نے انہیں مبارکباد دینا شروع کر دی ہیں۔ خیال رہے کہ مئی 2019 میں شاہد آفریدی کی سوانح حیات ’گیم چینجر‘ بھی سامنے آئی تھی۔ اس کتاب کے ذریعے شاہد آفریدی نے واضح طور پر لکھا تھا کہ وہ اپنی کسی بیٹی کو کرکٹ یا کوئی دوسرا آوٹ ڈور گیم نہیں کھیلنے دیں گے۔

شاہد آفریدی نے ٹوئٹر پر پیغام جاری کرتے ہوئے کہا کہ ”یہ میرے مداحوں کے لئے ہے، جیسا کہ آپ جانتے ہیں کہ میری چاروں بیٹیوں کے نام الف یعنی انگریزی کے ’اے‘ لیٹر سے شروع ہوتے ہیں، اس لیے میری حال ہی میں پیدا ہونے والی بیٹی کے نام کے لئے تجاویز دیں اور اس کا نام بھی الف سے ہی شروع ہونا چاہیے، جس صارف کا نام میں منتخب کروں گا اسے انعام دیا جائے گا۔‘‘

شاہد آفریدی کی پانچویں بیٹی سے قبل چار بیٹیاں ہیں۔ ان بیٹیوں میں عجوہ آفریدی، اقصیٰ آفریدی، انشا آفریدی، اسمارا آفریدی شامل ہیں۔

ایک نظر اس پر بھی

کورونا: ملک میں 32؍اموات،227نئے معاملے، جملہ 1251 ؍مریض، دنیا بھر میں مہلک مرض سے 37ہزار 519جانیں تلف، 781656؍متاثر

ملک میں پچھلے 24گھنٹوں میں کورونا وائرس انفیکشن کے 227 نئے معاملے سامنے آنے کے بعد انفیکشن کے کل مریضوں کی تعداد بڑھ کر 1251ہوگئی اور تین مریضوں کی موت سے اس وائرس کی زد میں آکر مرنے والوں کی تعداد 32ہوگئی ہے -

ملک میں کوروناوائرس سے 29 اموات،1071 متاثر، کورونا پوری دنیا میں 34,512 جانیں تلف،723,962 متاثرین

پوری دنیا کے زیادہ تر (اب تک 185) ممالک میں کرونا وائرس (کووڈ-19) کی وبا تھمنے کا نام نہیں لے رہی ہے اور اس کے متاثرین سے پوری دنیا میں اب تک34,512لوگوں کی موت ہوچکی ہے جبکہ تقریباً723,962لوگ اس سے متاثر ہیں -

عرفان پٹھان کی جارحانہ اننگز سے انڈیا ليجنڈز کی جیت

 تیز گیندباز مناف پٹیل (19 رن پر چار وکٹ) کی شاندار بالنگ کے بعد آل راؤنڈر عرفان پٹھان (ناٹ آؤٹ 57) اور محمد کیف (46) کی شاندار اننگز کے دم پر انڈیا لیجنڈز نے سری لنکا لیجنڈز کو منگل کو یہاں ڈی وائی پاٹل اسٹیڈیم میں کھیلے گئے روڈ سیفٹی ورلڈ سیریز کے تیسرے میچ میں آسانی سے5 وکٹ سے ہرا ...

کرناٹکا یونیورسٹی دھارواڑ کے سیکنڈ زون کرکٹ ٹورنامنٹ میں بھٹکل انجمن ڈگری کالج کا شاندار پرفارمینس؛ فائنل میں ہبلی کو شکست

کرناٹکا یونیورسٹی دھارواڑ کے انٹرکالجیٹ سکینڈزون  کرکٹ ٹورنامنٹ کے فائنل میں میزبان کے ایل ای سوسائٹی کی جے جی کالج آف کامرس ہبلی کو شکست دے کر یسین کی کپتانی والی بھٹکل انجمن ڈگری کالج کی ٹیم چمپئین بنی۔