بھٹکل میں منعقدہ ٹی-10کرکٹ ٹورنامنٹ میں الشمع کی شاندار کامیابی، فائنل میں محمدن شیرور کو دی 12 رنوں سے شکست

Source: S.O. News Service | By Shahid Mukhtesar | Published on 20th May 2022, 3:20 PM | ساحلی خبریں | اسپورٹس |

بھٹکل،20؍مئی (ایس او نیوز) جامعہ آباد  گراونڈ میں الشمع  اسپورٹس سینٹر کے زیر اہتمام 10 اوروں کے ٹینس بال کرکٹ ٹورنامنٹ  " شاہ فیصل  ٹرافی" میں آرگنائزر الشمع تینگن گنڈی نے ایک سخت مقابلے کے بعد محمدن شیرور کو محض 12 رنوں سے شکست دے دی اور ٹرافی اپنے نام کرلیا۔ اس کے ساتھ ہی 5 مئی سے جاری ٹورنامنٹ 18 مئی کو کامیابی کے ساتھ اختتام کو پہنچ گیا۔

 بدھ کو کھیلے گئے فائنل مقابلے میں الشمع نے ٹاس جیت کر پہلے بلے بازی کرتے ہوئے مقررہ 10 اووروں میں 4 وکٹوں کے نقصان پر 74 رن بنائے جس میں منصور  کے 13 گیندوں میں 2 چوکوں اور 2 چھکوں کی مدد سے 23 رن ، رؤف کے 18 اور نواز کے 11 رن بھی شامل ہیں۔ محمدن شیرور کی طرف سے گیند بازی میں ایوب،حیات شیخ اور انفال نے  ایک ایک وکٹ حاصل کی۔

محمدن شیرور نے جیت کے لئے درکار 75 رنوں کا پیچھا کرتے ہوئے صرف 3 اوورس میں ہی ایک وکٹ کھو کر 28 رن بنائے تھے اور لگ رہا تھا کہ محمدن شیرور یہ میچ آسانی کے ساتھ جییت جائے گی۔ مگر الشمع کے  گیند باز صادق نے اننگز کے چوتھے  اوور میں بغیر کوئی رن دئیے تین اہم کھلاڑیوں کو پویلین بھیج کر میچ کا رُخ ہی بدل دیا۔ ان کے بعد رمیزنے بھی 2 وکٹیں حاصل کرتے ہوئے مخالف ٹیم کی کمر توڑ دی۔ اس طرح محمدن شیرورمحض62 رنوں پر آل آؤٹ ہوگئی۔

محمدن شیرور کے لئے کھیلتے ہوئے بھٹکل کے مایہ ناز بلے باز نصراللہ عسکری نے محض 5 گیندوں میں 2 چھکوں  اور ایک چوکے کی مد د سے دھواں دار 16 رن بنائے ،اصغر 15 اور حیات شیخ 11 رن بنانے میں کامیاب رہے۔ الشمع  نے  فائنل مقابلہ 12 رنوں سے جیت لیا۔ 
 
شاندار کھیل کا مظاہرہ پیش کرنے میں کامیاب الشمع کو ٹورنامنٹ جیتنے پر 33٫333 روپیہ مع ٹرافی سے نوازا گیا۔ جبکہ ٹورنامنٹ میں دوسرا مقام پانے والی محمدن شیرور کو 22٫222 روپیہ مع ٹرافی دی گئی ۔

5 مئی سے جاری  ٹورنامنٹ  کو موسلادھار بارش کی وجہ سے 10 مئی کو روک دینا پڑا تھا۔ بارش میں کمی کے بعد 16؍مئی کو دوبارہ  شروع کیا گیاتھا۔
 
الشمع کے صادق کو اُن کی بہترین  گیند بازی کے لئے مین آف دی میچ کے اعزاز سے نوازا گیا۔ 
 
ٹورنامنٹ میں 30 ٹیموں نے حصہ لیا تھا ۔ جس میں محمدن شرور نے سیمی فائنل میں نور اسپورٹس  منکی کو اور  الشمع نے ساحل نستار کو شکست دے کر فائنل میں جگہ بنائی تھی۔  
 
ٹورنامنٹ میں  محمدن شیرور کے حیات شیخ کو پلیئر آف دی ٹورنامنٹ اور بیسٹ بیٹسمین  کے  اعزاز سے نوازا گیا۔  ساحل نستار کے معارف کو بیسٹ باولر کے اعزاز سے نوازا گیا۔ الجامعہ کے مدثرکو بیسٹ کیچر کا اعزاز دیا گیا۔ جبکہ رنرس آپ ٹیم شیرور کی محمدن ٹیم کو بیسٹ ڈسپلن ٹیم  کے اعزاز سے بھی نوازا گیا ۔ 
 
فائنل تقریب کا آغازمحمد شاہد ڈانگی کی تلاوتِ کلام پاک سے ہوا۔ عبد الحادی ایس ایم  نے الشمع کا ترانہ پیش کیا۔ مولوی عتیق الرحمن ڈانگی ندوی نے الشمع کا تعارف پیش کیا۔ فائنل تقریب میں  بھٹکل مسلم یوتھ فیڈریشن کے صدر عزیزالرحمٰن رکن الدین ندوی اور حافط عبدالقادری ڈانگی  مہمان خصوصی کے طور پر تشریف فرما تھے۔ اسٹیج پر مولانا محمد سعود  بنگالی ندوی، مولانا اسحاق ڈانگی ندوی، محمد علی ڈانگی، مولانا محمد اقبال بنگالی، یوسف ملاّ، محمد سلیم الجی، محمد سراج اِبوّ، مولانا اسماعیل ڈانگی ندوی  وغیرہ موجود تھے۔  الشمع کے صدر رحمت اللہ عثمانی نے تقریب کی صدارت کی۔

 

ایک نظر اس پر بھی

بھٹکل میونسپل عمارت پر اُردو بورڈ تنازعہ؛ کیا وزیر اعلیٰ کا فون موصول ہونے پر ڈپٹی کمشنر نے اُردو عبارت کو ہٹانے کا دیا تھا حکم ؟ بھٹکل میں جمعہ سے سنیچر آدھی رات تک دفعہ 144 نافذ

بھٹکل  میونسپالٹی کی تزئین شدہ عمارت پر سے اُردو میں لکھی ہوئی   ٹاون میونسپل کونسل   کی عبارت کو بھلے ہی ڈپٹی کمشنر  نے    قانون  کا حوالہ دے کر نکال دیا ہو، مگر   بھٹکل رکن اسمبلی سُنیل نائک نے دعویٰ کیا ہے کہ  اُردو عبارت کو ہٹانے کے لئے اُس کی (سنیل نائک کی)ٰ کی کوششیں ...

کاروار: انسٹاگرام پر غیر ملکی خاتون سے دوستی پڑی مہنگی ۔ 4.90لاکھ روپوں سے ہاتھ دھو بیٹھا نوجوان

ہوناور گنونتے کے رہنے والے شریپاد ہیگڈے نامی ایک نوجوان کی دوستی پچھلے دنوں مبینہ طور پر ایک غیر ملکی خاتون سے ہوگئی۔ پھر وہاٹس ایپ چیاٹنگ کا سلسلہ شروع ہوا ۔ لیکن یہ دوستی شریپاد کو بڑی مھنگی پڑی کیونکہ خاتون کی طرف سے انعام و اکرام کی آس میں اس کو اپنے 4.90 لاکھ روپوں سے ہاتھ ...

بھٹکل میونسپالٹی اُردو بورڈ تنازعہ ؛ میونسپالٹی میٹنگ سے پہلے ہی ڈپٹی کمشنر کے حکم پر نکال دی گئی اُردو عبارت ؛ مسلمانوں میں سخت ناراضگی

بھٹکل میونسپالٹی کی عمارت پر  تین روز پہلے لگائے گئے  بورڈ پر سے آج بالاخر اُردو عبارت کو ہٹادیا گیا اور   عبارت کو  نکالنے کے لئے  میونسپالٹی  کی خصوصی طور پر بلائی گئی  جنرل بوڈی میٹنگ کا بھی انتظار نہیں کیا گیا ۔ جس کو لے کر مقامی مسلمانوں میں سخت  ناراضگی دیکھی جارہی ہے۔ 

بھٹکل سرکاری بس اسٹانڈ کے صحن کی درگت پر عوام برہم  : صحن کے گڑھوں میں گندا پانی جمع ہونے سے سواریوں اور عوام کو دشواری

بھٹکل کا نیا سرکاری بس اسٹانڈ تعمیر ہوکر دوبرس ہورہےہیں  لیکن  ابھی تک بس اسٹانڈ کا صحن مسطح نہیں کیاگیا ہے۔اور جہاں تہاں بڑے بڑے گڑھے بن جانے اور بارش کاپانی بھر جانے سے چھوٹے چھوٹے تالاب میں منتقل ہوگئے ہیں تو بسیں بس اسٹانڈ کے اندر جانے اور باہر نکلنے کے وقت سرکس کرتے ...

منگلورو : جنوبی کینرا میں زبردست بارش - سڑکیں بن گئیں تالاب - اسپتال میں گھسا پانی - نجی اسکولوں نے دی چھٹی 

گزشتہ دو دنوں سے برسنے والی بھاری بارش کی وجہ سے ایک طرف منگلورو شہر کی سڑکیں تالاب بن گئیں تو دوسری طرف برساتی پانی ایک پرائیویٹ اسپتال کے اندر گھس گیا ۔ موسلا دھار بارش کو دیکھتے ہوئے بعض نجی اسکولوں نے چھٹی کا اعلان کر دیا ۔  

کاروار : سٹی میونسپل کاونسل میں کام مکمل ہونے کے بعد ٹینڈر طلب کرنے کے خلاف ستیش سائل نے دیا دھرنا

سٹی میونسپل کاونسل میں کام پورا ہونے کے بعد ٹینڈر طلب کرنے کا معاملہ اٹھاتے ہوئے سابق ایم ایل اے ستیش سائل نے  سی ایم سی کمشنر آر پی نائک  کو آڑے ہاتھوں لینے بعد کے کمشنر کے چیمبر میں ہی دھرنا دیا ۔

ہندوستان نے جنوبی افریقہ کو 82 رنوں سے شکست دی، اویش خان کی شاندار گیند بازی، سیریز 2-2 سے برابر

جنوبی افریقہ اور ہندوستان کے درمیان تیسرے میچ میں ہندوستان نے جنوبی افریقہ کو 82 رنوں سے شکست دی ہے۔ اس جیت کے ساتھ ہندوستان نے سیریز میں 2-2 کی برابری کرلی ہے۔ اب اتوار کو پانچویں اور آخری مقابلے میں دونوں ٹیمیں سیریز جیتنے کے ارادے سے اتریں گی۔ اس سیریز کے پہلے دونوں میچ میں ...

ای سی بی نے بین الاقوامی ٹی-20 لیگ کا آغاز جنوری 2023 میں کرنے کا کیا اعلان

امارات کرکٹ بورڈ (ای سی بی) نے پیر کے روز اعلان کیا ہے کہ ان کی ٹی-20 لیگ کا پہلا سیزن (جسے انٹرنیشنل لیگ ٹی-20 نام دیا گیا ہے) 2023 میں 6 جنوری سے 12 فروری تک کھیلا جائے گا۔ اس میں چھ ٹیموں کی فرانچائزی حصہ لیں گی۔ اس لیگ کے میچ ابوظبی، دبئی اور شارجہ کے میدانوں میں کھیلے جائیں گے اور ...