بھٹکل جماعت المسلمین کے لئے پھر ایک بارجناب ماسٹر شفیع صدرمنتخب؛ جنرل سکریٹری کے طورپرمولانا محمد حُسین جوکاکو کا انتخاب
بھٹکل 21 نومبر (ایس او نیوز) گذشتہ روز ہوئے جماعت المسلمین بھٹکل کے عہدیداران کے انتخابات میں پھر ایک بار جناب شاہ بندری پٹیل شفیع المعروف ماسٹر شفیع صاحب صدرمنتخب ہوئے، جبکہ جنرل سکریٹری کے طور پر مولانا محمد حُسین جوکاکوکا انتخاب عمل میں آیا۔ جناب ماسٹر شفیع صاحب اس سے پہلے بھی جماعت کے صدر کے طور پر اپنی خدمات انجام دے چکے ہیں۔
نائب صدراول کے طورپر مولانا طلحہ رکن الدین ندوی، نائب صدر دوم کے طور پرجناب مصباح چڈوباپا اورنائب صدر سوم کے طور پرجناب اقبال ائیکری کا انتخاب عمل میں آیا۔
سکریٹری کے طور پر مولانا محمد امین رکن الدین ندوی، جوائنٹ سکریٹری کے طور پر مولانا محمد شعیب ائیکری ندوی، خازن کے طور پر جناب اسماعیل محتشم کٹک اور محاسب کے طور پر جناب محمد صادق پلور منتخب ہوئے۔
جماعت السلمین بھٹکل میں جملہ اراکین انتظامیہ کی تعداد 140 ہے جس میں مقامی سمیت اندرون ہند اور بیرون ہند کے ممبران بھی شامل ہیں۔ عہدیداران کے انتخاب کے موقع پر 71 ممبران حاضر تھے۔
جناب محمد صادق پلور کی صدارت میں مولانا وصی اللہ ڈی ایف کی تلاوت کلام پاک سے انتخابی میٹنگ کا آغاز ہوا تھا۔