کاروار 31/دسمبر (ایس او نیوز) جوئیڈا رام نگر پولیس اسٹیشن میں درج شکایت کے مطابق شیواجی سرکل کے قریب رہنے والے عبدالکریم نے 2015میں ایک 16سالہ طالبہ کے ساتھ جنسی ہراسانی اور عصمت دری کی کوشش کی تھی۔ کاروار سیشنس کورٹ نے عبدالکریم کا جرم ثابت ہونے پر اسے پوکسو قانون کے تحت 3سال قیدا ور 20ہزار روپے جرمانہ کی سزا سنائی ہے۔

بتایاجاتا ہے کہ ڈانڈیلی کے انچارج سرکل انسپکٹرپرشانت سدّے گوڈانے اس معاملے کی تحقیقات کی تھی۔عدالت نے سماعت مکمل کرنے کے بعد جرم ثابت ہونے پرضلع جج ویپولا ایم بی پجاری نے آئی پی سی دفعہ354aکے تحت3 سال کی سادہ قید اور دس ہزار روپے جرمانہ،اور جرمانہ ادانہ کرنے کی صورت میں مزید 6 مہینے کی سزا سنائی۔ اس کے علاوہ پوکسو قانون کی دفعہ 8 اور9 کے تحت 3 سال کی سزا اوردس ہزار روپے جرمانہ اور جرمانہ ادا نہ کرنے کی صورت میں مزید 6 مہینے کی سزا سنائی ہے۔ جرمانے کی رقم میں سے 15ہزار روپے متاثرہ لڑکی کو دئے جائیں گے۔یہ دونوں سزائیں بیک وقت شمار کی جائیں گی۔اس کے علاوہ ڈسٹرکٹ لیگل سروس اتھاریٹی کی جانب سے متاثرہ لڑکی کو 52 ہزارروپے معاوضہ ادا کیا جائے گا۔