لکھنؤ میں 5منزلہ عمارت منہدم، ملبے میں متعدد افراد پھنس گئے

Source: S.O. News Service | Published on 25th January 2023, 12:49 PM | ملکی خبریں | ان خبروں کو پڑھنا مت بھولئے |

لکھنؤ  ، 25؍ جنوری (ایس او نیوز؍ایجنسی ) منگل کو شمالی ہند میں زلزلے کے جھٹکے محسوس کئے جانے کے چند گھنٹو ں  بعد  ہی لکھنؤ کے حضرت گنج میں دلدوز سانحہ میں ایک ۵؍ منزلہ عمارت اچانک منہدم ہوگئی ۔  اس حادثے کی وجہ سے بلڈنگ میں مقیم  افرادکی بڑی تعداد  ملبے میں پھنس گئی ہے۔ کانگریس کے سینئر لیڈرامیر حیدر ایڈوکیٹ جو چچا حیدر کے نام سے مشہور ہیں ، بھی حادثے کی زد میں آئے ہیں اوران کی  حالت سنگین ہے۔

میڈیا سے بات کرتے ہوئے چچا حیدر کے بڑے بیٹے معراج حیدر نے بتایا کہ ان کی والدہ اور بھائی  نیز سماجوادی پارٹی کے ترجمان عباس حیدر کی اہلیہ عظمیٰ  ملبہ میں دبی ہوئی ہیں۔ این ڈی آر ایف اور پولیس ٹیم راحت رسانی میں مصروف ہے ۔ خبر لکھے جانے تک ایک بچے سمیت۳؍افراد کو ملبے سے نکال کر اسپتال پہنچایا گیا ہے ۔

نائب وزیراعلیٰ برجیش پاٹھک ، وزیر شہری ترقیات اے کے شرما،شیعہ وقف بورڈ کے چیئرمین سیّد علی زیدی، کمشنر روشن جیکب  اور دیگر سینئر افسران موقع پر پہنچ گئے ہیں۔ حادثے میں اب تک ۳؍ افراد کی موت کی اطلا ع ہے تاہم انتظامیہ کی جانب سے اس کی تصدیق نہیں  ہو سکی تھی ۔

  ادھر اسپتال میں بیڈ اور ڈاکٹروں کی ٹیم ریزرو کر دی گئی ہے۔ حضرت گنج کے وی آئی پی علاقہ میں  یہ حادثہ شام تقریباً پونے ۷؍  بجے   پیش آیا۔ متاثرہ  الایا اپارٹمنٹ  میں کئی اہم شخصیات مقیم تھیں۔  یہ بھی کہا جارہاہے کہ عمارت کے تہہ خانہ میں کئی دنوں سے کام چل رہا تھا ایسے میں  زلزلہ کے جھٹکوں کی بنا پر بنیادیں مزید کمزور ہوگئیں اور عمارت منہدم ہوگئی۔ 

 

ایک نظر اس پر بھی

سپریم کورٹ کے پانچ ججوں کی حلف برداری

 چیف جسٹس ڈی وائی چندر چوڑ نے پیر کو سپریم کورٹ کے پانچ ججوں کو عہدے کا حلف دلایا۔ جسٹس چندر چوڑ نے سپریم کورٹ کے آڈیٹوریم میں منعقدہ ایک تقریب میں تین چیف جسٹس اور ہائی کورٹس کے دو ججوں کو عہدے اور رازداری کا حلف دلایا۔

اڈانی معاملے پر پارلیمنٹ میں ہنگامہ! اپوزیشن کی جانب سے نعرے بازی کے درمیان دونوں ایوانوں کی کارروائی دوپہر 2 بجے تک ملتوی

اڈانی گروپ کے بحران پر پارلیمنٹ میں اپوزیشن کا شور شرابہ جاری ہے۔ آج بھی اپوزیشن اڈانی معاملے پر جے پی سی جانچ کے مطالبہ پر اٹل رہی۔ ایوان کی کارروائی شروع ہوتے ہی اپوزیشن ارکان نے نعرے بازی شروع کر دی جس کے بعد اسپیکر کو دونوں ایوانوں کی کارروائی دوپہر 2 بجے تک ملتوی کرنی پڑی۔

ایم سی ڈی: میئر اور ڈپٹی میئر کا انتخاب ایک بار پھر ہنگامہ کی نذر، عآپ نے سپریم کورٹ جانے کا کیا اعلان

دہلی میں آج تیسری بار میئر، ڈپٹی میئر اور اسٹینڈنگ کمیٹی کا انتخاب ملتوی ہو گیا۔ ایوان میں ہنگامہ کی وجہ سے کارروائی ملتوی کر دی گئی اور کہا گیا کہ میئر، ڈپٹی میئر اور اسٹینڈنگ ممبرس کا انتخاب اگلی تاریخ پر ہوگا۔

لکھنو میں منعقدہ آل انڈیا مسلم پرسنل لا بورڈ کی مجلس عاملہ کے اجلاس میں منظور کی گئیں متعدد تجاویز

 دارالعلوم ندوۃ العلماء لکھنؤمیں منعقدہ  آل انڈیا مسلم پرسنل لا بورڈ کی مجلس عاملہ میں  بہت سے پہلوئوں پر تفصیلی گفتگو ہوئی جن میں یونی فارم سول کوڈ اور ملک کے مختلف عدالتوں میں چل رہے مسلم پرسنل لا سے متعلق مقدمات کا جائزہ بھی شامل ہے۔بورڈ کے صدر حضرت مولانا سید محمد رابع ...

بھٹکل : انجمن بی ایڈکالج کے فورتھ سمسٹر میں سو فیصد نتائج؛ 40 اسٹوڈینٹس نے درج کی امتیازی کامیابی

انجمن حامئی مسلمین بھٹکل کی سرپرستی میں چلنےوالی انجمن کالج آف ایجوکیشن (بی ایڈ کالج ) نے سال 2021-22کے بی ایڈ - 4سمسٹر  میں  100فی صد کے ساتھ  کامیابی درج کی ہے۔  جبکہ 41 میں 40 اسٹوڈینٹس نے امتیازی نمبرات کے ساتھ کامیابی درج کی ہے۔

بھٹکل: بچوں کے کتاب میلہ کا تیسرا دن؛ بچوں اور سرپرستوں کا ہجوم؛ رات میں ہونے والے مقابلوں میں بھی دیکھی جارہی ہے بچوں کی کثیر تعداد

 بھٹکل نوائط کالونی تعلقہ اسٹڈیم میں منعقدہ سات روزہ بچوں کا کتاب میلہ کے تیسرے دن آج اتوار کو بھی بچوں اور سرپرستوں کی بھیڑ دیکھی گئی۔ یہاں چونکہ بچوں کی دلچسپی اور اُن کو راغب کرنے کے لئے کھیلوں کا الگ ہی شعبہ بھی  رکھا گیا ہے اور کم ازکم دوسو روپیوں کی کتابوں کی خریداری ...

تریپورہ کے انتخابی تشدد میں 13 افراد زخمی

 تریپورہ کے کھوائی اور اونا کوٹی اضلاع میں ہفتہ کی شام مخالف فریقوں کے درمیان جھڑپوں میں کم از کم 13 افراد زخمی اور چھ موٹر سائیکل جل کر تباہ ہو گئیں۔ اس کے علاوہ حزب اختلاف کی مارکسی کمیونسٹ پارٹی (سی پی آئی-ایم) کے دو بوتھ آفسوں میں توڑ پھوڑ کی گئی۔

مینگلور کے قریب بیلتنگڈی میں بے قابو آٹو رکشہ ندی میں گر گیا - ایک خاتون فوت - ڈرائیور سمیت دیگر  تین افراد زخمی 

مسافروں کو لے جا رہا آٹو رکشہ بے قابو ہوکر ندی میں گرنے سے صفیہ (57 سال) نامی خاتون فوت ہوگئیں اور مریمّا (23 سال) اور محمد اشرف (35 سال) نامی دیگر 2  مسافروں کے علاوہ آٹو ڈرائیور ابوبکر صدیق (21 سال) زخمی ہوگئے ۔

پاکستان کے سابق صدر پرویز مشرف کا دبئی کے اسپتال میں انتقال

  پاکستان کے سابق صدر پرویز مشرف کا اتوار کے روز انتقال ہو گیا، ان کی عمر 79 برس تھی۔ پاکستانی میڈیا کے مطابق سفارتی ذرائع نے سابق صدر جنرل (ر) پرویز مشرف کے انتقال کی تصدیق کی ہے۔ پرویز مشرف طویل عرصے سے امریکن اسپتال دبئی میں زیر علاج تھے۔