اگلے سال مارچ میں کھیلا جائے گا بی پی ایل کرکٹ ٹورنامنٹ ؛ 27/ڈسمبر سے شروع ہوگا ٹیموں کا اندراج
عجمان 22/ڈسمبر (ایس اونیوز) بھٹکل پریمئر لیگ ( بی پی ایل) کے چھ کرکٹ ٹورنامنٹ کے کامیاب انعقاد کے بعداب ساتواں ٹورنامنٹ انشاء اللہ اگلے سال مارچ میں کھیلا جائے گا۔ اس بات کی اطلاع بی پی ایل کے چیرمین عتیق الرحمن مُنیری نے دی ۔ انہوں نے کہا کہ ٹورنامنٹ 16 مارچ سے شروع ہوگا اور صرف چار جمعہ میں میچس کھیلے جائیں گے۔ انہوں نے مزید بتایا کہ میچس صرف دوپہر میں ہی کھیلے جائیں گے۔
انہوں نے کہا کہ بی پی ایل کا مقصد کرکٹ کے ذر یعے متحدہ عرب امارات کے مختلف شہروں اور علاقوں میں برسرروزگار نوجوانوں کو جوڑنا ہے، انہیں ایک دوسرے کے قریب لانا ہے۔ انہوں نے بتایا کہ اس بار بی پی ایل کے تاریخ طے کرنے میں کافی تاخیر ہوئی لیکن نوجوانوں خاص کر کھلاڑیوں کی مانگ کو دیکھتے ہوئے اس ٹورنامنٹ کو رکھنا طئے پایا گیا۔
عوام کی طرف سے موصول ہونے والی شکایت کا ازالہ کرتے ہوئے جناب عتیق الرحمن مُنیری نے واضح کیا کہ ساتویں بی پی ایل ٹورنامنٹ کے انعقاد پر اس بات کی مزید کوشش کی گئی ہے کہ ٹورنامنٹ حتی الامکان کم سے کم خرچ میں مکمل ہو۔
ٹورنامنٹ کے تعلق سے انہوں نے بتایا کہ اس بار صرف چھ ٹیموں کو ٹورنامنٹ میں شریک ہونے کا موقع دیا جائے گا ، مزید بتایا کہ پچھلے سیمی فائنلسٹ میں سے تین ٹیموں نے پہلی ہی اپنے ناموں کا اندراج کراچکے ہیں، مزید تین ٹیموں کو ٹورنامنٹ میں حصہ لینے کا موقع دیا جائے گا۔ انہوں نے کہا کہ دلچسپی رکھنے والے 27 ڈسمبر کی اولین ساعتوں میں اپنی ٹیم رجسٹرڈ کروا سکتے ہیں ۔ مزید کہا کہ جولوگ پہلے اپنی ٹیم کا نام درج کریں گے، ان کو ہی پہلا موقع دیا جائے گا، تین ٹیموں کے ناموں کے اندراج کے بعد مزید کسی ٹیم کو ٹورنامنٹ میں شریک ہونے کا موقع نہیں دیا جائے گا۔ ٹیموں کے اندراج کے لئے بی پی ایل کے نائب کمیشنر شمس الدین ضیاء جوکاکو 6596149 050 یا عبدالستار لنکا -5516985 055سے رابطہ کرسکتے ہیں۔
انہوں نے کہا کہ اس مرتبہ یہ ٹورنامنٹ عجمان میں نیا کرکٹ گراؤنڈ ایڈن گارڈن میں منعقد کیا گیا ہے۔
کھلاڑیوں کا رجسٹریشن 4 جنوری 2018 سے شروع ہوگا اور 25 جنوری تک رہے گا۔ کھلاڑیوں کی نیلامی 2 فروری کو ہوگی۔انہوں نے مزید کہا کہ ویسے تو دبئی میں تفریح کے لئے کئی جگہ ہیں لیکن بی پی ایل ٹورنامنٹ کے دوران نوجوانوں کے کھیل کا مظاہرہ دیکھنے کے لئے بھٹکل کے عوام دور دراز مقامات سے گراؤنڈ پرآجاتے ہیں ۔انہوں نے تمام کھلاڑیوں اور شیدایوں سے گذارش کی کہ اس ٹورنامنٹ کو کامیاب بنانے کی بھر پور کوشش کریں اور کرکٹ شائقین کو ایک بہترین ٹورنامنٹ سے لطف اندوز ہونے کا موقع ملے ۔