امریکہ کی عظیم خاتون ٹینس کھلاڑی سیرینا ولیمس نے ریٹائرمنٹ کا کیا اعلان

Source: S.O. News Service | Published on 9th August 2022, 10:35 PM | اسپورٹس |

واشنگٹن،9؍اگست (ایس او نیوز؍ایجنسی) خاتون ٹینس میں اپنا ایک خاص مقام بنانے والی امریکہ کی مایہ ناز ٹینس کھلاڑی سیرینا ولیمس نے ریٹائرمنٹ کا اعلان کر دیا ہے۔ انھوں نے رسالہ ’ووگ‘ کے ستمبر شمارہ کے کور پر آنے کے بعد ایک انسٹاگرام پوسٹ کیا ہے جس میں انتہائی جذباتی انداز میں ریٹائرمنٹ کا پیغام لکھا ہے۔ 40 سالہ ٹینس اسٹار نے اپنے پوسٹ میں کہا ہے کہ ’’زندگی میں ایک وقت ایسا آتا ہے جب ہمیں ایک الگ سمت میں آگے بڑھنے کا فیصلہ کرنا ہوتا ہے۔ وہ وقت ہمیشہ مشکل ہوتا ہے جب آپ کسی چیز سے اتنی محبت کرتے ہیں۔ میں ٹینس کا لطف لیتی ہوں، لیکن اب الٹی گنتی شروع ہو گئی ہے۔‘‘

اپنے پوسٹ میں 40 سالہ کھلاڑی سیرینا ولیمس آگے لکھتی ہیں کہ ’’مجھے ایک ماں ہونے، اپنے روحانی اہداف اور آخر میں ایک الگ لیکن صرف دلچسپ سیرینا کی تلاش پر توجہ مرکوز کرنی ہے۔ میں آنے والے کچھ ہفتوں کا لطف لینے والی ہوں۔‘‘ قابل ذکر ہے کہ سیرینا ولیمس نے ٹینس کو ایک نئی اونچائی پر پہنچایا اور اپنے بہترین کھیل سے کئی لڑکیوں کو ٹینس میں دلچسپی پیدا کی۔ یہی وجہ ہے کہ ان کے ریٹائرمنٹ کے اعلان سے ان کے چاہنے والے مغموم نظر آ رہے ہیں۔

واضح رہے کہ خاتون ٹینس کی عظیم کھلاڑی سیرینا ولیمس نے یو ایس اوپن میں شاندار کارکردگی کرتے ہوئے اپنے کیریر میں مجموعی طور پر 6 بار یہ خطاب جیتا تھا۔ انھوں نے 1999، 2002، 2008، 2012، 2013 اور 2014 میں یو ایس اوپن کے خطاب پر قبضہ کای تھا۔ علاوہ ازیں وہ 23 بار گرینڈ سلیم فاتح بھی رہی ہیں۔ حالانکہ کچھ وقت سے وہ لگاتار چوٹ کا شکار رہیں اور ٹینس کورٹ پر وہ اپنی شناخت کے مطابق کارکردگی نہیں دے پا رہی تھیں۔ یہی وجہ ہے کہ انھوں نے ٹینس کورٹ کو الوداع کہنے کا اعلان کر دیا۔

ایک نظر اس پر بھی

ہندوستان نے آسٹریلیا کو 6 وکٹوں سے شکست دے کر سیریز 2-1 سے جیت لی

 ہندوستان نے سوریہ کمار یادو (69) اور ویراٹ کوہلی (63) کی مضبوط نصف سنچریوں کے بعد ہاردک پانڈیا (ناٹ آؤٹ 25) کی دھماکہ خیز اننگز کی بدولت اتوار کے روز تیسرے ٹی- ٹوئنٹی میں آسٹریلیا کو چھ وکٹوں سے شکست دے کر سیریز 2-1 سے جیت لی۔ آسٹریلیا نے ہندوستان کو 187 رنز کا ہدف دیا تھا جسے ٹیم انڈیا ...

ٹی-20 سیریز: آسٹریلیا نے ہندوستان کو4 وکٹوں سے شکست دی

  آسٹریلیا نے کیمرون گرین (61) اور میتھیو ویڈ (46 ناٹ آؤٹ) کی دھماکہ خیز نصف سنچریوں کی بدولت منگل کو پہلے ٹی 20 میچ میں ہندوستان کو چار وکٹ سے شکست دے دی۔ ہندستان نے پہلے بلے بازی کرتے ہوئے 20 اوور میں 208 رن بنائے تھے جسے آسٹریلیا نے چار گیندیں باقی رہتے حاصل کر لیا۔

چھٹی بار سری لنکا کے سر سجا ایشیا کپ کاتاج، پاکستان کو 23 رن سے دی شکست

سری  لنکا کے بھانوکا راجا پکسے (71 ناٹ آؤٹ) اور پرمود مدوشن (چار وکٹ) کی شاندار گیند بازی کی بدولت سری لنکا نے ایشیا کپ کے فائنل میں پاکستان کو 23 رن سے شکست دی۔ سری لنکا نے پہلے بیٹنگ کرتے ہوئے مقررہ 20 اوورز میں 170 رن بنائے تھے جس کے جواب میں پاکستان 147 رن پر آل آؤٹ ہو گیا۔

بنگلہ دیشی کرکٹر مشفق الرحیم کا ٹی-20 کرکٹ سے ریٹائرمنٹ کا اعلان

 بنگلہ دیش کے سابق کپتان اور تجربہ کار وکٹ کیپر بلے باز مشفق الرحیم نے اتوار کو ٹی 20 انٹرنیشنل کرکٹ سے ریٹائرمنٹ کا اعلان کر دیا۔ مشفق نے کہا کہ وہ ٹیسٹ اور ون ڈے کرکٹ پر توجہ دینا چاہتے ہیں۔ اس کے علاوہ وہ فرنچائزی ٹی ٹوئنٹی کرکٹ کے لیے بھی دستیاب ہوں گے۔

ایشا کپ سپر 4: سری لنکا نے افغانستان کو4 وکٹوں سے شکست دے دی

کوشل مینڈس (36) اور دانوشکا گنٹیلکا (33) کی شاندار اننگز کی بدولت سری لنکا نے ایشیا کپ 2022 میں افغانستان کو چار وکٹ سے شکست دے دی۔افغانستان نے سری لنکا کو 20 اوورز میں 176 رنز کا ہدف دیا تھا جو اس نے پانچ گیندوں کے باقی رہتے ہوئے حاصل کر لیا اور سپر 4 کا پہلا میچ جیت لیا۔

ون ڈے سیریز: آسٹریلیا پر زمبابوے کی تاریخی جیت

 زمبابوے نے ہفتہ کے روز ریان برل (پانچ وکٹ) کی شاندار گیند بازی کی بدولت آسٹریلیا کو اسی کی سرزمین پر شکست دیتے ہوئے تیسرے ون ڈے میں تین وکٹوں سے جیت حاصل کی۔ زمبابوے نے ٹاس جیت کر آسٹریلیا کو پہلے بیٹنگ کے لیے بلایا اور محض 142 رن پر آل آؤٹ کر دیا تھا۔