جنوبی کوریا: جنسی ہراسانی کے الزامات پر سول کے میئر کی مبینہ خود کشی

Source: S.O. News Service | Published on 10th July 2020, 10:55 PM | عالمی خبریں |

سول،10؍جولائی(ایس او نیوز؍ایجنسی) جنوبی کوریا کے دار الحکومت سول کے میئر نے جنسی ہراسانی کے الزامات کے بعد مبینہ طور پر خود کشی کر لی ہے۔

اطلاع کے مطابق سول کے میئر پارک وون سون جمعرات سے لاپتا تھے۔ پولیس کو اُن کی لاش جمعے کی صبح سول کے شمال میں ایک پہاڑی کے قریب سے ملی۔

پولیس کا کہنا ہے کہ پارک وون کی لاش کے قریب سے ایک نوٹ بھی برآمد ہوا ہے جس میں لکھا گیا ہے کہ "میں آپ سب سے معافی چاہتا ہوں، اُن سب کا شکریہ جو میرے ساتھ رہے۔"

پارک وون سون کی ہلاکت ایسے وقت میں ہوئی ہے جب ایک روز قبل اُن کی سابق سیکریٹری نے 'می ٹو' مہم کے تحت اُن کے خلاف جنسی طور پر ہراساں کرنے کے الزامات کے تحت پولیس کو شکایت درج کرائی تھی۔

پارک وون سون کی سیکریٹری رہنے والی خاتون نے پولیس کو بتایا تھا کہ میئر نے دفتری اوقات کے دوران اُنہیں جنسی طور پر ہراساں کیا تھا۔

پارک وون سون کی گمشدگی کی اطلاع اُن کی صاحبزادی نے پولیس کو دی تھی۔ اُنہوں نے پولیس کو رپورٹ کیا تھا کہ اُن کا اپنے والد سے رابطہ نہیں ہو رہا۔

پارک وون سون جنوبی کوریا میں معاشی عدم مساوات کے خاتمے کے علم بردار کے طور پر جانے جاتے تھے۔ وہ پیشے کے لحاظ سے وکیل اور تین مرتبہ سول شہر کے میئر رہ چکے تھے۔

پارک وون سون 2022 کے صدارتی انتخابات میں موجودہ صدر مون جے اِن کا مقابلہ کرنے کا بھی عندیہ دے چکے تھے۔

جنوبی کوریا کے ذرائع ابلاغ کے مطابق پارک کی موت بظاہر خود کشی کا شاخسانہ لگتی ہے لیکن پولیس کا کہنا ہے کہ وہ تمام پہلوؤں کو مدنظر رکھتے ہوئے تفتیش کر رہے ہیں۔

ایک نظر اس پر بھی

لبنان: تین روزہ قومی سوگ کا آغاز، عالمی امداد بھی جاری

لبنان میں جہاں ایک طرف زبردست دھماکے کی وجوہات کی تفتیش جاری ہے وہیں جمعرات سے تین روزہ قومی سوگ کا آغاز ہوگیا ہے۔ بیروت میں ہونے والے دھماکے میں 135 افراد ہلاک ہوئے تھے۔لبنان کے دارالحکومت بیروت میں منگل کے روز ہونے والے بم دھماکے سلسلے میں حکومت نے جس تین روزہ سوگ کا اعلان کیا ...

عالمی ادارہ صحت نے کہا؛ سماجی فاصلہ برقرار نہ رکھنے سے بڑھ رہے ہیں کورونا کے معاملات، نوجوان مریضوں کی تعداد میں تین گنا اضافہ

عالمی ادارہ صحت (ڈبلیو ایچ او) کا کہنا ہے کہ سماجی فاصلہ برقرار نہ رکھنے کی وجہ سے گزشتہ پانچ ماہ کے دوران کرونا وائرس سے متاثرہ نوجوانوں کی تعداد میں تین گنا اضافہ ہوا ہے۔ڈبلیو ایچ او کی رپورٹ کے مطابق فروری کے آخر سے لے کر جولائی کے وسط تک، کرونا وائرس کا شکار ہونے والے 60 لاکھ ...

جاپانی ماہرین کا کورونا وائرس کی وبا پر قابو پانے کے لئے سوپر کمپیوٹر کے استعمال کا اعلان

کورونا وائرس کی روکتھام کے اقدامات سے متعلق جاپان کے انچارج وزیر نیشی مورا یاسوتوشی نے امید ظاہر کی ہے کہ حکومت، مصنوعی ذہانت اور دیگر ٹیکنالوجیز کو بروئے کار لاتے ہوئے، انفیکشنز پر قابو پانے کے نئے موثر اقدامات دریافت کرنے میں، رواں ماہ کے آخر تک کامیاب ہو جائے گی۔ جاپانی ...

بیروت میں ہوئے زبردست دھماکہ کی کیا ہے اصل کہانی ؟ 6 سال سے ایک بحری جہاز پر 2750 ٹن دھماکا خیز مواد امونیم نائٹریٹ رکھا ہوا تھا؛ اب تک 135 کی موت

بیروت،06 /اگست (آئی این ایس انڈیا)منگل چار اگست کی سہ پہر ہونے والے زور دار دھماکے کے نتیجے میں بیروت میں بحری جہازوں کے لنگر انداز ہونے کا مقام مکمل طور پر تباہ ہو گیا۔ اس کا شمار لبنان کے اہم ترین مقامات میں ہوتا ہے جو ریاستی خزانے میں مالی رقوم پہنچانے کا نمایاں ترین ذریعہ تھا۔ ...