بھٹکل میں بی کے ہری پرساد کا بی جے پی اور مودی پر راست حملہ، کہا؛ پسماندہ طبقات کومزید کمزور کرنے کی سازش رچی جارہی ہے

Source: S.O. News Service | By I.G. Bhatkali | Published on 20th April 2019, 11:45 PM | ساحلی خبریں | ریاستی خبریں |

بھٹکل 20/اپریل (ایس او نیوز)  اُترکنڑا لوک سبھا حلقہ میں کانگریس۔جے ڈی ایس مشترکہ اُمیدوار کے حق میں  انتخابی مہم چلانے کی ذمہ داری سنبھالتے ہی  آل انڈیا کانگریس کمیٹی (اے آئی سی سی) کے جنرل سکریٹری بی کے ہری پرساد نے بھٹکل پہنچ کر  نامدھاری  طبقہ کے  لیڈران سے ملاقات کی، بعد میں آسارکیری میں واقع نامدھاری ہال میں  پارٹی لیڈران اور کارکنان سے   خطاب کرتے ہوئے  بی جےپی اور مودی پر زبردست وار کئے۔

بی کے ہری پرساد نے  کہا کہ بی جے پی بھلے ہی اپنے آپ کو اقلیت مخالف پارٹی کے طور پر پیش کرتی ہو، مگر  دیکھا جائے تو یہ پارٹی حقیقتاً پسماندہ طبقات، دلت اور ادیواسیوں کو  مزید  کمزور کرنے کی سازش میں لگی ہوئی ہے اور صرف ایک طبقہ کو برسراقتدار پر لانے میں کوشاں ہے۔

کانگریس رہنما  مسٹر  بی کے ہری پرساد نے کہا کہ  ضلع اُترکنڑا میں  پسماندہ طبقات کے  لوگوں پر حملہ کرنے کے معاملات  اور  اقدام قتل کے معاملات درج ہورہے ہیں، اس پر کسی کا دھیان نہیں جارہا ہے مگر  کچھ لوگ اسی کو بنیاد بناکر اپنی جیت درج کروارہے ہیں۔ مسٹر پرساد نے بتایا کہ  اس بار کے لوک سبھا انتخابات میں 38 بی جےپی اُمیدوار ایسے ہیں جن پر سنگین مجرمانہ الزامات کے معاملات درج ہیں۔ ملک کے اشوک چکر کا اعزاز پانے والے  شہید ہیمنت کرکرے پر   مالیگاوں بم دھماکہ کی مبینہ دہشت گرد  ساھوی پرگیہ سنگھ  نازیبا تبصرہ کرتی ہے، اور ایسے لوگوں کو  بی جے پی الیکشن لڑنے اپنا ٹکٹ دیتی ہے، انہوں نے اس بات پرتعجب کا اظہار کیا کہ  اس تعلق سے  وزیراعظم مودی کی زبان سے  اُف نہیں نکل رہا ہے۔

ہری پرساد نے  مزید کہا کہ   بی جے پی کے  رکن پارلیمان ساکشی مہاراج کہتے ہیں کہ اس بار کے چناو میں اگر بی جےپی کو جیت حاصل ہوتی ہے تو پھر آئندہ کوئی چناو نہیں ہوگا، انہوں نے سوال کیا کہ اس کا آخر مطلب کیا ہے ؟  انہوں نے پسماندہ طبقات کے لوگوں ، ادیواسیوں اور دلتوں کو اس تعلق سے  غور کرنے کے لئے کہا ۔ ہری پرساد کے مطابق  وزیراعظم مودی  نہرو، اندرا گاندھی اور  راہول گاندھی کی مخالفت میں بیانوں پر بیانات دے رہے ہیں، مگر  ملک میں  بیروزگاری سے کتنے کروڑ لوگ پریشان ہیں اُس کا حل کیسے نکالیں گے، اُس پر بات نہیں کررہے ہیں۔

نریندر مودی پر مزید حملہ بولتے ہوئے بی کے ہری پرساد نے کہا کہ  مودی صرف بھاشن دے  سکتے ہیں، مگر میڈیا والوں کاسامنا کرنے کی ہمت نہیں رکھتے ۔ مودی نے اقتدار پر آنے سے پہلے کہا تھا کہ کالا دھن واپس لائیں گے، بدعنوانی کو ختم کریں گے، مگرکیا ہوا ؟ اب ان مدعوں پر آواز کیوں نہیں آرہی ہے ؟ ہری پرساد نے واضح کیا کہ بی جےپی اگر دوبارہ اقتدار پر آگئی تو جمہوریت خطرے میں پڑجائے گا۔ جمہوریت کو بچانا ہے، ملک کو بچانا ہے، ملک میں بھائی چارگی ، اتحاد اور یکجہتی کی فضا کو عام کرنا ہے تو پھر کانگریس کو واپس اقتدار پر لانا ہوگا اور بی جےپی کو اقتدار سے ہٹانا ہوگا۔

ہری پرساد نے بھٹکل کے عوام سے اپیل کی کہ وہ اُترکنڑا کے  کانگریس۔جے ڈی ایس مشترکہ اُمیدوار آنند اسنوٹیکر  کے حق میں اپنا ووٹ دیں اور  جمہوریت کو مضبوط کرنے میں کانگریس کا ساتھ دیں۔

سابق ریاستی وزیر آر این نائک، سابق ایم ایل اے منکال وئیدیا، جے  ڈی نائک، بھیمنا نائک، ضلع پنچایت صدر جئے شری موگیر، کانگریس اقلیتی مورچہ کے ضلعی صدر عبدالمجید، ایل ایس نائک، ایف کے موگیر، ضلع پنچایت ممبر البرٹ ڈیکوسٹا، پشپا  نائک، ویٹھل نائک و دیگر کافی کانگریسی کارکنان موجود تھے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔