بھٹکل ڈونگر پلی میں آج رات ہوگا سیرت النبی کا شاندار جلسہ؛ دلچسپ اسلامک کوئیز اور نعتیہ مقابلہ؛ حاضرین کےلئے بھی ریفل ڈراء کے ذریعے ہوگاگولڈ کوئین

Source: S.O. News Service | By I.G. Bhatkali | Published on 14th November 2019, 12:32 AM | ساحلی خبریں | ان خبروں کو پڑھنا مت بھولئے |

بھٹکل 14/نومبر (ایس او نیوز) آج جمعرات بعد نماز عشاء ڈونگرپلی  ،مون اسٹار اسپورٹس گراونڈ پر  سیرت النبیﷺ کا شاندار جلسہ منعقد کیا گیا ہے جس میں اسلامک کوئیز کا سیمی فائنل اور فائنل  سمیت شاندار پیمانے پر نعتیہ مقابلہ بھی ہوگا۔پروگرام کی تیاریاں آخری مراحل میں ہیں اور علاقے کے تمام نوجوان پروگرام کو کامیاب بنانے میں اپنے اپنے طورپر خدمات انجام دے رہے ہیں۔

عوام کی دلچسپی کے لئے پروگرام میں حاضرین کے لئے بھی  ریفل ڈراء کے  ذریعے کئی انعامات رکھے گئے ہیں  جس میں ایک بمپر پرائز گولڈ کوئین بھی شامل ہے، مگر ان انعامات کو حاصل کرنے کے لئے حاضرین کے لئے ضروری ہوگا کہ وہ وقت پر پروگرام میں شریک ہوجائیں۔ منتظمین کی طرف سے بتایا گیا ہے کہ  بعد نماز عشاء 8:30 بجے سے رات دس بجے تک  پروگرام میں شریک ہونے والے حاضرین کو ہی ٹوکن دئے جائیں گے اور پروگرام کے دوران  وقفے وقفے سے ریفل ڈراء کے ذریعے انعامات تقسیم ہوں گے، جبکہ آخر میں بمپر پرائز ،  کا قرعہ نکالا جائے گا اور خوش قسمت کو گولڈ کوئین سے نوازا   جائے گا۔

سیرت النبی ﷺ کے پروگرام میں ماہر تعلیم اور جامعہ اسلامیہ کے استاڈ مولانا الیاس جاکٹی ندوی اور مولانا نعمت اللہ عسکری ندوی کے خطابات ہوں گے، جبکہ مختلف اسپورٹس سینٹروں سے شریک ہونے والے نوجوانوں میں سے  16بہترین  نعت خواں کو آج کے پروگرام کے لئے منتخب کیا گیا ہے جو عوام کے سامنے اپنا اپنا پرفارمینس پیش کریں گے۔ اسی طرح اسلامک کوئیز  میں 135 لوگوں نے حصہ لیا تھا جس کا سیمی فائنل اور فائنل مقابلہ  آج عوامی جلسہ میں منعقد ہوگا۔ منتظمین کے مطابق  نعت اور کوئیز میں اول آنے والوں کو دو دو گرام  گولڈ کوئین سے نوازا جائے گا، ساتھ ساتھ دوم،سوم وغیرہ کے لئے بھی انعامات ہوں گے۔

خیال رہے کہ پورا پروگرام ساحل آن لائن یو ٹیوب چینل پربرائے راست نشر ( لائیو ٹیلی کاسٹ)  کیا جائے گا۔ پروگرام کا لائیو ٹیلی کاسٹ دیکھنے کے لئے عوام الناس کے لئے ضروری ہے کہ وہ ساحل آن لائن یو ٹیوب چینل SahilOnline YouTube Channel کو پہلی فرصت میں سبسکرائیب کریں اور دائیں  کونے میں لگے  بیل  بٹن  کو بھی دبائیں۔ 

ایک نظر اس پر بھی

گلف کمیٹی شمشی کے زیراہتمام دبئی میں گیٹ ٹو گیدر کا انتظام

ہوناور کے شراوتی ندی کنارے بسا ایک خوبصورت چھوٹا سا گاؤں  شمشی سے روزگار کے لئے یونائیٹیڈ  عرب ایمریٹس(یو اے ای )  آکر مقیم   ممبران کے لئے’ گلف کمیٹی شمشی‘ کے زیر اہتمام  دبئی کے الراشیدیہ پارک میں 13دسمبر 2019بروز جمعہ کو گیٹ ٹو گید ر کا انتظام کیاگیا تھا۔

بھٹکل انجمن حامئی مسلمین کی سبکدوش انتظامیہ سے نئی انتظامیہ کے لئے 10ارکان منتخب

انجمن حامئی مسلمین بھٹکل کی سبکدوش ہونے والی مجلس انتظامیہ سے نئی مجلس انتظامیہ 2020-2024تک کے لئے 10اراکین کا انتخاب 14دسمبر 2019بروز سنیچر کو عمل میں آیا ۔ انجمن کے ناظم انتخابات محمد اسحق شاہ بندری کی طرف سے جاری کردہ پریس ریلیز کے مطابق کل 95.5فی صد پولنگ ریکارڈ کی گئی ۔ سبکدوش ...

بھٹکل جماعت المسلمین کے سالانہ جلسہ کا انعقاد : دین، تہذیب، ثقافت کی بقا کے لئے اجتماعیت ضروری

انسانی جسم کے سارے اعضاء آپس میں جڑے ہوئے ہوتے ہیں تو انسان کی صحت مضبوط ہوتی ہے۔ اگر اس کے اعضاء کو ایک ایک  کرکے کاٹ دیا جائے تو وہ کمزور،لاچار ہوجاتاہے ۔ امت مسلمہ کی مثال بھی ایسی ہی ہےکہ وہ آپس میں متحد رہے یہی اس کی طاقت بھی ہے۔  جامع مسجد کے امام و خطیب مولانا عبدالعلیم ...

بھٹکل کے نیو شمس اسکول میں 15دسمبر بروز اتوار کو انٹر اسکول سائنس فئیر کا اہتمام

تربیت ایجوکیشن سوسائٹی بھٹکل اور اے جے اکیڈمی سائنس اینڈ ریسرچ رائچور کے اشتراک سے 15دسمبر بروز اتوار کو نیو شمس اسکول میں ’بھٹکل انٹر اسکول سائنس فئیر ‘ کا اہتمام کئے جانے کی ادارے کی پرنسپال فہمیدہ ملا اور فئیر کے  کوآرڈنیٹرمحمد رضامانوی نے پریس ریلیز کے ذریعے جانکاری دی ...

بھٹکل تعلقہ کے موڈ شرالی جنگل علاقے کے  مرغ جوے اڈے پر پولس کا چھاپہ :18گرفتار، مرغے اور نقد رقم ضبط

تعلقہ کے موڈشرالی تلگیری کے جنگلات میں کھلی جگہ پر غیر قانونی طورپر کھیلے جارہے مرغی جوے کے اڈے پر چھاپہ مارکر پولس نے 18ملزمین کو اپنی تحویل میں لیتے ہوئے نقد ضبط کرلینے کا واقعہ جمعہ کی شام پیش آیاہے۔

میڈیا کی پیش کردہ تصویر سے کوسوں دورہے میرا شہر بھٹکل :  سرکاری اسپتال کی میڈیکل آفیسر ڈاکٹر سویتا کا تجربہ

برائیوں میں ڈوبی دنیا میں آج بھی  انسانیت ہے،ایسی ہی ایک زندہ مثال میرےاپنے امن وامان کے لئے مشہور  شہر بھٹکل میں خود میرے ساتھ پیش آئی ہے ،جب کہ میرے اس شہر کے متعلق میڈیا ہزار باتیں لکھتا ہےاور جو دکھاتا ہے وہ اس سے کوسو ں دور ہے۔ بھٹکل سرکاری اسپتال کی میڈیکل آفیسر ڈاکٹر ...

بھٹکل نیشنل ہائی وے پر تیزرفتار بس، لاری سے ٹکراگئی؛ 25 سے زائد زخمی

یہاں وینکٹاپور نیشنل ہائی وے 66 پر ایک تیز رفتار بس، پارک کی ہوئی لاری سے  ٹکراگئی جس کے نتیجے میں بس پر سوار 25 سے زائد مسافر زخمی ہوگئے، جن میں سے دو کو کنداپور اور باقی کو بھٹکل سرکاری اسپتال میں داخل کیا گیا ہے۔

  وزیر داخلہ امت شاہ کی پراسرار ’تسلی‘ کہا؛   ہندوستانی مسلمان، ہندوستانی تھے اور آئندہ بھی رہیں گے

وزیر داخلہ امت شاہ نے بدھ کو متنازعہ شہریت ترمیمی بل کو راجیہ سبھا میں بحث کے لیے پیش کرتے ہوئے کہا کہ بھارت کے مسلمان ہندوستانی شہری تھے، ہیں اورآئندہ بھی رہیں گے۔پاکستان، بنگلہ دیش اور افغانستان کے غیر مسلم تارکین وطن کو بھارتی شہریت فراہم کرنے کی فراہمی والے اس بل کو پیش ...