منگلورو: سمندری کیچڑ نکالنے والے جہاز پر پراسرار حالت میں ملی سیکو ریٹی گارڈ کی لاش
منگلورو 5/ اپریل (ایس او نیوز) سمندری کیچڑ نکالنے کے لئے استعمال ہونے والا مخصوص جہاز(ڈریجر) جو منگلورو کے پاس گُڈے کوپالا میں اُتھلے پانی میں پھنسا ہوا تھا اس کی حفاظت پر مامور شنکر نامی گارڈ کی لاش بڑے پراسرار حالت میں جہاز پر سے برآمد ہوئی ہے۔
بتایا جاتا ہے کہ 'بھاگوتی پریم' نامی یہ ڈریجر گزشتہ دو سال سے سمندر میں پھنسا ہوا ہے اور کمپنی نے پرائیویٹ سیکیوریٹی گارڈس کو اس کی حفاظت کے لئے تعینات کیا تھا۔
پولیس کا کہنا ہے کہ رات 12 بجے کے بعد گارڈ لاپتہ ہوگیا تھا۔ اس وقت جہاز پر دو اور سیکیوریٹی گارڈس موجود تھے۔ لیکن شنکر کی موت کے تعلق سے کوئی سراغ ابھی تک نہیں ملا ہے۔
سورتکل پولیس اسٹیشن میں کیس رجسٹر کیا گیا ہے۔ مزید تحقیقات جاری ہے۔