نوئیڈا میں 31 جنوری تک دفعہ 144 نافذ، بغیر اجازت احتجاج کرنے پر 188 کے تحت ہوگا مقدمہ
لکھنؤ ،24؍جنوری (ایس او نیوز؍ایجنسی) یوم جمہوریہ کے موقع پر ملک کے دارالحکومت دہلی سمیت آس پاس کے تمام علاقوں کی سیکورٹی سخت کی جارہی ہے۔ این سی آر میں سکیورٹی کے سخت انتظامات کی تیاریاں بھی تیز ہیں۔
اترپردیش کے گوتم بدھ نگر میں پولیس نے 31 جنوری تک سی آر پی سی کے تحت دفعہ 144 نافذ کردی ہے۔ جس کے بعد اب بغیر اجازت کے احتجاجی مظاہرہ نہیں کیا جاسکتا ہے اور نہ ہی نجی ڈرون اڑائے جاسکیں گے۔ دفعہ 144 کی خلاف ورزی کرنے والے شخص کے خلاف دفعہ 188 کے تحت مقدمہ چلایا جائے گا ۔
ایڈیشنل ڈی سی پی ، لاء اینڈ آرڈر آشوتوش درویدی نے کہا کہ یوم جمہوریہ کے پیش نظر نظم ونسق برقرار رکھنے کے لئے نوئیڈا میں دفعہ 144 نافذ کردی گئی ہے۔ لوگوں کو اجازت کے بغیر کوئی جلوس نکالنے یا احتجاج کرنے کی اجازت نہیں ہے۔