کورونا کی دوسری لہر حاملہ خواتین کے لئے زیادہ خطرناک، ٹیکہ کاری ضروری

Source: S.O. News Service | Published on 17th June 2021, 11:14 AM | ملکی خبریں |

نئی دہلی،17؍جون (ایس او نیوز؍ایجنسی)   انڈین کونسل آف میڈیکل ریسرچ (آئی سی ایم آر) کی ایک تحقیق کے مطابق کورونا وائرس کی دوسری لہر نے حاملہ خواتین اور حال ہی میں بچوں کو جنم دینے والی خواتین کو زیادہ متاثر کیا ہے۔ اس لہر میں شدید علامات اور اموات کی شرح بھی پہلی لہر کی نسبت زیادہ رہیں۔

اس تحقیق میں حاملہ خواتین اور بچوں کو جن دے چکیں خواتین کے پہلی اور دوسری لہر کے کیسز کا موازنہ کیا ہے۔ تحقیق کے مطابق اس بار دوسری لہر میں علامات والے معاملات زیادہ تھے جو 28.7 فیصد تھے جبکہ پہلی لہر میں یہ تعداد 14.2 فیصد تک تھی۔ وہیں، دوسری لہر میں اموات کی شرح 5.7 فیصد رہی، جبکہ پہلی لہر میں یہ صرف 0.7 فیصد تھی۔

یہ تحقیق مجموعی طور پر 1530 حاملہ اور بچوں کو جنم دے چکیں خواتین پر کی گئی، جن میں سے 1143 پہلی لہر میں جبکہ 387 دوسری لہر میں شامل تھیں۔

پہلی اور دوسری لہر میں مجموعی طور پر اموات کی شرح دو فیصد رہی اور بیشتر معاملہ کوڈ نمونیا اور سانس لینے میں دشواریوں والے تھے۔ تحقیق سے یہ بات واضح ہوئی ہے کہ خواتین کے اس زمرے کی ٹیکہ کاری انتہائی ضروری ہے۔

ہندوستان میں دودھ پلانے والی خواتین کو یہ ویکسین لینے کا مشورہ دیا گیا ہے، حالانکہ حکومت کی طرف سے تاحال اس کے بارے میں کوئی گائڈ لائن جاری نہیں کی گئی ہے۔ اس مسئلے پر حفاظتی ٹیکوں کے قومی تکنیکی مشورتی گروپ میں غور و خوض چل رہا ہے۔

وہیں، عالمی ادارہ صحت نے حال ہی میں سفارش کی ہے کہ اگر حاملہ خواتین کو کووڈ کا زیادہ خطرہ ہے اور وہ دوسری بیماریوں میں مبتلا ہیں تو انہیں ٹیکہ لگایا جانا چاہیئے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...