گوا میں جوئیڈا کے نوجوان کی رپورٹ دوسری مرتبہ آئی نگیٹیو۔ ممبئی سے آئی تھی پوزیٹیو رپورٹ!
کاروار 20/ مئی (ایس او نیوز) کاروار چیک پوسٹ سے ہوتے ہوئے گوا میں داخل ہونے والے جوئیڈا کے جس نوجوان کی کووِڈ رپورٹ ایک دن پہلے پوزیٹیو آئی تھی اس کی دوبارہ جانچ گواکی لیباریٹری میں کرنے پر رپورٹ نگیٹیو نکلنے کی بات سامنے آئی ہے۔
بتایا جاتا ہے کہ یہ نوجوان گوا کی ایک دواساز کمپنی میں ملازمت کرتا ہے۔ کچھ دیگر افراد کے ساتھ اس شخص نے 14مئی کو گوا کاروار سرحد عبور کی تھی۔ جب گوا چیک پوسٹ سے اس کوواسکو میں کوارنٹین کے لئے بھیجا گیا اور وہاں سے اس کے گلے سے تھوک کا نمونہ نکال کر ممبئی کی(ٹرو نیٹ) جانچ لیباریٹری میں بھیجا گیا تھا۔ ممبئی سے آنے والی رپورٹ پوزیٹیو آئی تھی۔ مگر گوا میڈیکل کالج کی لیباریٹری میں جب اس کے نمونہ کی دوبارہ جانچ کی گئی تو اس کی رپورنگیٹیو نکلی ہے۔ اب کس لیباریٹری میں کہاں غلطی ہوئی ہے اس کا خلاصہ ہونا باقی ہے، جبکہ گوا کے محکمہ صحت کے وزیر وشواجیت رانے نے اپنی ریاستی لیباریٹری کی جانچ رپورٹ آنے سے پہلے ہی ممبئی کی رپورٹ کو بنیاد مان کر اس کیس کو پوزیٹیو قرار دے دیا ہے۔