طویل ہوتی جارہی وکاس دوبے کی تلاشی و گرفتاری کی مہم

Source: S.O. News Service | Published on 7th July 2020, 9:58 PM | ملکی خبریں | ان خبروں کو پڑھنا مت بھولئے |

کانپور،7؍جولائی(ایس او نیوز؍ایجنسی) اترپردیش کے ضلع کانپور کے چوبے پور علاقے میں 8 پولیس اہلکار کے بہیمانہ قتل کے کلیدی ملزم وکاس دوبے اور اس کے ساتھیوں کی تلاشی و گرفتاری کی مہم طویل تر ہوتی جارہی ہے۔ آج پانچ دن گزر جانے کے بعد بھی دوبے کے سلسلے میں پولیس کو کوئی سراغ نہیں ملا ہے۔

پانچ دنوں کے اندر عام ہسٹری شیٹر سے انتہائی مطلوب ملزم بن چکے وکاس دوبے اور اس کے شاطر ساتھیوں کی تلاش میں مشغول یوپی پولیس کی جانچ جیسے جیسے آگے بڑھ رہی ہے اس کے کالے کاروبار اور کارناموں کی داستاں کھل کر سامنے آنے لگی ہے۔ پولیس کے مطابق وکاس کے خوف سےعلاقے کے لوگ جہاں اس کے خلاف منھ کھولنے سے ڈرتے ہیں وہیں پولیس اہلکار پر بھی رعب جھاڑنے میں وہ پیچھے نہیں رہا ہے۔

اپنے جرائم کو چھپانے کے لئے سیاست کا سہارا لینے والا وکاس دوبے سپاہی سے لے کر داروغہ تک پر ہاتھ اٹھانے میں ذرا بھی تامل نہیں کرتا تھا۔ جس کی وجہ سے پولیس اہلکار بکرو گاؤں جانے سے کتراتے تھے۔ وکاس کے کرائم نیٹ ورک کی کڑی سے کڑی جوڑنے میں مشغول ایس ٹی ایف نے اس کے قریبی اور لین دین کا کاروبار سنبھالنے والے جے واجپائی نامی شخص کواٹھایا ہے جس سے عام جانکاریاں ملنے کی امید ہے۔

وہیں دوسری جانب شہید سرکل افسر دویندر مشر کی جانب سے اس وقت کے سینئر سپرنٹنڈنٹ آف پولیس انند دیو تیواری کو بھیجے گئے وائرل خط کی بھی حقیقت کا پتہ کرنے میں محکمہ پولیس مشغول ہے۔ پولیس کی 50 سے زیادہ ٹیمیں انتہائی مطلوب ملزم کی گرفتاری میں لگائی گئی ہیں۔ یہ ٹیمیں ملزم کی تلاش میں دہلی، مدھیہ پردیش، اتراکھنڈ اور راجستھان کی سرحدوں کے علاوہ پڑوسی ملک نیپال کی سرحد پر بھی نگاہ رکھے ہوئے ہیں۔

پولیس کو شبہ ہے کہ مڈھ بھیڑ میں مارے جانے کے ڈر سے وکاس دیگر ریاستوں میں خودسپردگی کی کوشش کرسکتا ہے۔ گزشتہ رات پولیس نے وکاس کے رشتہ دار، نوکرانی اور ایک پڑوسی کو گرفتار کیا ہے۔ اس درمیان پولیس انتظامیہ نے شہید سی او کے وائرل خد کی جانچ کی ذمہ داری انسپکٹر جنرل آف پولیس لکشمی سنگھ کو دی ہے۔

پولیس نے وکاس دوبے کی تلاش میں نیشنل ہائی وے پر واقع ٹولہ پلازہ پر اس کی تصاویر چسپاں کردی گئی ہیں۔ ٹول پلازہ ملازمین کو رسید کاٹنے کے ساتھ گاڑی میں بیٹھے افراد کی شکل دیکھنے کو بھی کہا گیا ہے۔ اس درمیان کانپور کے پولیس اہلکار نے شہید ساتھیوں کے اہل خانہ کی مدد کے لئے اپنے ایک ایک دن کی تنخواہ عطیہ کرنے کا فیصلہ کیا ہے۔

قابل ذکر ہے کہ گزشتہ جمعرات کی رات چوبے پور کے بکرو گاؤں میں قتل کے ایک معاملے میں ہسٹری شیٹر وکاس دوبے کو گرفتار کرنے گئی پولیس ٹیم پر بدمعاشوں نے فائرنگ کردی تھی۔ اس حملے میں ایک پولیس سرکل افسر دویندر کمار مشر کے علاوہ تھانہ انچارج مہیش یادو، چوکی انچارج انوپ کمار، سب۔انسپکٹر نیبولال، چوبے پور تھانے میں تعینات کانسٹیبل سلطان سنگھ، بٹھور تھانے میں تعینات کانسٹیبل راہل، جتیندر اور ببلو شہید ہوگئے تھے جبکہ حادثے میں سات 6 پولیس اہلکار اور ایک عام شہری زخمی ہوئے تھے۔

ایک نظر اس پر بھی

رائل سیما لفٹ اریگیشن پروجیکٹ: آندھرا کے خلاف تلنگانہ حکومت پہنچی سپریم کورٹ

 تلنگانہ حکومت اے پی حکومت کے رائل سیما لفٹ اریگیشن پروجیکٹ کے خلاف سپریم کورٹ سے رجوع ہوئی۔ حکومت نے عدالت عظمی سے خواہش کی کہ وہ اس پروجیکٹ کے احکام منسوخ کرے اور ٹنڈر کے عمل کو بھی روکا جائے۔

جموں۔کشمیرمیں آرٹیکل 370 کے خاتمہ کا ایک سال مکمل، ممکنہ احتجاجی مظاہروں کے پیش نظر انتظامیہ نےاحتیاطی طور پرحکم امتناعی نافذ کی

گزشتہ سال 5 اگست کو جموں و کشمیر کو مرکز کے زیر انتظام کرنے اور دیگر کئی اہم اقدامات نفاذ کرنے کےحکومت کے فیصلےکو ایک سال مکمل ہونے کے موقع پر ممکنہ احتجاجی مظاہروں کے پیش نظر انتظامیہ نے وادی کشمیر میں احتیاطی طور پرحکم امتناعی نافذ کردی ہے۔ تاہم ممبئی میں مقیم کشمیری طالب علم ...

کشمیر میں دوسرے روز بھی کرفیو جیسی پابندیاں

انتظامیہ کی جانب سے کرفیو ہٹائے جانے کے اعلان کے برعکس وادی کشمیر بالخصوص ضلع سری نگر کے تمام علاقوں میں بدھ کے روز بھی سخت ترین پابندیاں عائد رہیں اور سڑکوں پر سیکورٹی فورسز اور ان کی گاڑیوں کے سوا کوئی نظر نہیں آیا۔

بھٹکل: مرڈیشور میں علاج نہ ملنے سے مریض کی موت۔ ڈاکٹر کے خلاف کارروائی کے لئے اے سی کو دیا گیا میمورنڈم

دل کا دورہ پڑنے پر مریض کو کورونا وباء کے شک میں مرڈئشور سرکاری اسپتال میں علاج کی سہولت فراہم نہ کرنے سے موت واقع ہونے کا الزام لگاتے ہوئے مریض کے گھروالوں کے علاوہ مقامی افراد نے بھٹکل اسسٹنٹ کمشنر کو میمورنڈم دیا جس میں سرکار ی ڈاکٹر کے خلاف قانونی کارروائی کا مطالبہ کیاگیا ...

بھٹکل میں کل 5 اگست کو 144 نافذ؛ ایودھیا میں رام مندر’شیلا نیاس اور بھومی پوجا‘کے پس منظر میں ریاست کے مختلف علاقوں میں احتیاطی اقدامات

یوپی کے ایودھیا میں 5اگست کو رام مندر کی تعمیر کے لئے ’شیلانیاس اور بھومی پوجا‘کی رسم اداکی جارہی ہے۔ اس پس منظر میں امن وامان اور شانتی بنائے رکھنے کے لئے بھٹکل تعلقہ میں تحصیلدار کی جانب سے دفعہ 144کے تحت 5اگست کی صبح 6بجے سے رات 8بجے تک امتناعی احکامات لاگو کرنے کا اعلان کیا ...

کرناٹک کے سابق وزیر اعلیٰ سدارمیا پر بھی کورونا کا حملہ، اسپتال میں داخل

سیاسی لیڈران کے کورونا انفیکشن کی زد میں آنے کا سلسلہ جاری ہے۔ کرناٹک کے وزیر اعلیٰ بی ایس یدی یورپا اور ان کی بیٹی کے کورونا پازیٹو ہونے کی خبروں کے بعد اب ریاست کے سابق وزیر اعلیٰ اور اسمبلی میں اپوزیشن لیڈر سدارمیا کے بھی کورونا پازیٹو ہونے کی خبریں سامنے آئی ہیں۔ اس سلسلے ...

منگلورو: ایودھیا میں ’بھومی پوجا‘ کے پس منظر میں 5؍اگست کوشہر میں لاگو ہونگے امتناعی احکامات

ایودھیا میں رام مندر کی تعمیر کے لئے سنگ بنیاد رکھنے کی رسم کے تحت 5؍اگست کو ’بھومی پوجا‘ ہونے جارہی ہے۔ اس پس منظر میں سٹی پولیس کمشنر وکاش کمار نے شہر میں دفعہ 144کے تحت امتناعی احکامات نافذ کردئے ہیں۔

کاسر گوڈ: اپنی شادی نہ کروانے سے ناراض شخص نے بیک وقت 4رشتے داروں کو کلہاڈی سے قتل کرڈالا

کمبلے کے قریب پاؤلیکے پنچایت حدود میں ایک شخص نے اپنے چار قریبی رشتے داروں کواپنی شادی کی فکر نہ کرنے کی وجہ سے ناراض ہوکر کلہاڈی سے قتل کر ڈالا۔ اس قاتلانہ حملے سے اس کی ماں بچ نکلنے میں کامیاب ہوگئی جبکہ ملزم کو مقامی لوگوں نے دھر دبوچ کر پولیس کے حوالے کردیا ہے۔

کرناٹک کے ضلع گدگ میں ماں نے اپنے بچوں کی تعلیم کے لئے ٹی وی خریدنے کے لئے "منگلسوتر" بیچ دیا

ریاست کرناٹک کے ضلع گدگ کی ایک خاتون نے کووڈ 19 وباء کے درمیان ٹی وی کے ذریعے کلاس جاری رکھنے کے کرناٹک حکومت کے فیصلے کے بعد اپنے بچوں کے لئے ٹیلی ویژن سیٹ خریدنے کے لئے اپنا "منگلسوتر" فروخت کر دیا۔